ଏନପିଏସ ଠାରୁ ନେଇ ଡେବିଟ୍ କାର୍ଡ ପର୍ଯ୍ୟନ୍ତ, ଏପ୍ରିଲ ପହିଲାରୁ ବଦଳିବାକୁ ଯାଉଛି ଏହି ୫ଟି ନିୟମ, ଜାଣନ୍ତୁ ଆପଣଙ୍କ ଉପରେ କିଭଳି ପଡିବ ପ୍ରଭାବ
କନକ ବ୍ୟୁରୋ : ମାର୍ଚ୍ଚମାସ ଶେଷ ହେବାକୁ ଯାଉଛି । ଦୁଇଦିନ ପରେ ଏପ୍ରିଲ ମାସ ଆରମ୍ଭ ହେବା ସହ ଆର୍ଥିକ ବର୍ଷ ୨୦୨୪-୨୫ର ଆମ୍ଭ ହେବ । ଏହି କ୍ରମରେ କିଛି ନିୟମର ପରିବର୍ତ୍ତନ ହେବାକୁ ଯାଉଛି । ଯାହାର ପ୍ରଭାବ ସିଧାସଳଖ ଆପଣଙ୍କ ଉପରେ ପଡିବ । ଏବେ ଆସନ୍ତୁ ଜାଣିବା ଏପ୍ରିଲ ପହିଲାରୁ କେଉଁ କେଉଁ ନିୟମର ପରିବର୍ତନ ହେବାକୁ ଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଷ୍ଟେଟବ୍ୟାଙ୍କ ଅଫ୍ ଇଣ୍ଡିଆ ତରଫରୁ ଏପ୍ରିଲ ପହିଲାରୁ ଡେବିଟ୍ କାର୍ଡର ବାର୍ଷିକ ପରିଚାଳନା ଦେୟ ବୃଦ୍ଧି କରିବାକୁ ଯାଉଛି । ଏହା ଆପଣଙ୍କ ପାଖରେ ଥିବା ଏସବିଆଇ କାର୍ଡର ପ୍ରକାର ମୁତାବକ ଲାଗୁ ହେବ ।
ପେନସନ ଫଣ୍ଡ ନିୟାମକ ଓ ବିକାଶ ପ୍ରାଧୀକରଣ ଏନପିଏସରେ ଆଧାର ବେସଡ-ଲଗିନ ଅଥଣ୍ଟିକେସନ ଲାଗୁ କରିବାକୁ ଯାଉଛି । ଏହା ଏପ୍ରିଲ ପହିଲା ଠାରୁ ଲାଗୁ ହେବ ।
ସରକାରଙ୍କ ତରଫରୁ ପ୍ରତିମାସର ଆରମ୍ଭରେ ଏଲପିଜି ଦାମ ନିର୍ଦ୍ଧାରଣ କରିଥାନ୍ତି । ସରକାରୀ ତୈଳ କମ୍ପାନୀମାନେ ଏଲପିଜି ସିଲିଣ୍ଡର ସହ ବ୍ୟବସାୟୀକ ସିଲିଣ୍ଡର ଦାମର ପରିବର୍ତ୍ତନ କରିପାରନ୍ତି । ହେଲେ ଆଗକୁ ନିର୍ବାଚନ ଥିବାରୁ ଏଲପିଜି ସିଲିଣ୍ଡର ଉପରେ ଦାମ ପରିବର୍ତ୍ତନ ନେଇ ଆଶା କମ୍ ରହିଛି ।
ଓଲା ମନି ୱାଲେଟ ତାର ଗ୍ରାହକଙ୍କୁ ସୂଚାଇ ଦେଇଛି କି, ୨୦୨୪ ଏପ୍ରିଲ ପହିଲା ଶରୁ ‘ଫୁଲ ନୋ ୟୋର କଷ୍ଟମର ୱାଲେଟ’ ରୁ ସ୍ମଲ ପ୍ରିପେଡ ଇନଷ୍ଟ୍ରୁମେଣ୍ଟକୁ ସିଫ୍ଟ କରିବ । ଏଥିରେ ଗ୍ରାହକଙ୍କୁ କେୱାଇସି ପ୍ରୋସେସ ପାଇଁ ଲାଗୁଥିବା ସମୟ ଓ ଖର୍ଚ୍ଚ କମ ହେବ ।