କ୍ୟାପଟେନ୍ ଭାବେ ୨୦୦ ତମ ଆଇପିଏଲ୍ ମ୍ୟାଚ୍ ଖେଳିବେ ଧୋନୀ । ଜାଜେଡା କହିଲେ, ବିଜୟ ସହ ମାହିଙ୍କୁ ଦେବୁ ଉପହାର ।
କନକ ବ୍ୟୁରୋ: ଆଜି ଆଇପିଏଲରେ ମୁହାଁମୁହିଁ ହେବାକୁ ଯାଉଛନ୍ତି ଚେନ୍ନାଇ ସୁପର କିଙ୍ଗସ୍ ଓ ରାଜସ୍ଥାନ ରୟାଲ୍ସ । ସିଏସକେ ଟିମର କ୍ୟାପଟେନ୍ ମହେନ୍ଦ୍ର ସିଂହ ଧୋନୀଙ୍କ ପାଇଁ ଏହି ମ୍ୟାଚ୍ ବେଶ୍ ଖାସ୍ ହେବାକୁ ଯାଉଛି । କାହିଁକି ନା, କ୍ୟାପଟେନ୍ ଭାବେ ନିଜର ୨୦୦ ତମ ଆଇପିଏଲ୍ ମ୍ୟାଚ୍ ଖେଳିବାକୁ ଯାଉଛନ୍ତି କ୍ୟାପଟେନ୍ କୁଲ୍ ମାହି । ଅନ୍ୟପଟେ ଏହି ମ୍ୟାଚରେ ବିଜୟ ସହ ଧୋନୀଙ୍କୁ ଉପହାର ଭେଟି ଦେବାକୁ ଇଚ୍ଛା ରଖିଛନ୍ତି ଦଳର ଷ୍ଟାର ଅଲରାଉଣ୍ଡର ରବୀନ୍ଦ୍ର ଜାଡେଜା ।
Kanak News is now on WhatsApp
Join and get latest news updates delivered to you via WhatsApp
ମଙ୍ଗଳବାର ମ୍ୟାଚ୍ ପୂର୍ବରୁ ଆୟୋଜିତ ସାମ୍ବାଦିକ ସମ୍ମିଳନୀରେ ଜାଡେଜା କହିଛନ୍ତି, ମୁଁ ଏହି ବିଷୟରେ କଣ ବା କହିପାରିବି । ସେ କେବଳ ସିଏସକେ ପାଇଁ ନୁହେଁ ବରଂ ଭାରତୀୟ କ୍ରିକେଟ୍ ପାଇଁ ଲିଜେଣ୍ଡ୍ ଅଟନ୍ତି । କାଲିର ମ୍ୟାଚ୍ ପାଇଁ ମୁଁ ତାଙ୍କୁ ଶୁଭକାମନା ଜଣାଉଛି । ଏହି ମ୍ୟାଚ୍ ଜିତି ମାହି ଭାଇଙ୍କୁ ଏହି ବିଶେଷ ମ୍ୟାଚ ଅବସରରେ ଉପହାର ଦେବୁ ବୋଲି କହିଛନ୍ତି ରବୀନ୍ଦ୍ର ଜାଡେଜା ।
ଜାଡେଜା ସାମ୍ବାଦିକ ସମ୍ମିଳନୀରେ ଆହୁରି ମଧ୍ୟ କହିଛନ୍ତି ଯେ, ସିଏସକେ ଓ ରୟାଲ୍ସଙ୍କ ପାଖରେ ଭଲ ସ୍ପିନର ଅଛନ୍ତି । ତେଣୁ ଭଲ ବ୍ୟାଟିଂ ୟୁନିଟ୍ ଭାବେ ସିଏସକେକୁ ଆଜି ମ୍ୟାଚରେ ଭଲ ପ୍ରଦର୍ଶନ କରିବାକୁ ପଡିବ । ଚେପକରେ ସ୍ପିନରମାନେ ଭଲ ପ୍ରଦର୍ଶନ କରିଥାନ୍ତି । ଉଭୟ ଦଳରେ ଭଲ ସ୍ପିନର ଥିବାରୁ ଏହି ଫାଇଟ୍ ଜୋରଦାର ହେବ ବୋଲି ଜାଡେଜା କହିଛନ୍ତି । ସୂଚନାଯୋଗ୍ୟ ଯେ, ଚେନ୍ନାଇ ଓ ରାଜସ୍ଥାନ ଉଭୟ ଦୁଇଟି ଲେଖାଏଁ ବିଜୟ ହାସଲ କରିସାରିଛନ୍ତି । ଦୁଇଟି ଯାକ ଟିମ୍ ଏଯାବତ ୩ଟି ଲେଖାଏଁ ଲିଗ୍ ମ୍ୟାଚ୍ ଖେଳିଥିବାବେଳେ, ଉଭୟ ୨ଟି ବିଜୟ ସହ ୪ ପଏଣ୍ଟ ହାତେଇଛନ୍ତି ।