ବଦଳୁଛି କି ଗୋପାଳପୁର ରାଜନୈତିକ ସମୀକରଣ: ନିଜ ନିର୍ବାଚନ ମଣ୍ଡଳୀରେ ଦମ୍ ଦେଖାଇଲେ ପ୍ରଦୀପ ପାଣିଗ୍ରାହୀ
କନକ ବ୍ୟୁରୋ: ବଦଳୁଛି କି ଗୋପାଳପୁର ରାଜନୀତିର ସମୀକରଣ । ପୂର୍ବ ଭଳି ପୁଣି ଥରେ ପ୍ରଭାବ ବିସ୍ତାର କରୁଛନ୍ତି କି ବିଧାୟକ ପ୍ରଦୀପ ପାଣିଗ୍ରାହୀ । ନିଜ ନିର୍ବାଚନମଣ୍ଡଳରେ ଯେଉଁଠି ପ୍ରଦୀପ ପାଣିଗ୍ରାହୀଙ୍କୁ ଦିନେ ବିରୋଧର ସାମ୍ନା କରିବାକୁ ପଡୁଥିଲା, ସେଇଠି ଆଜି ପୂର୍ବ ଭଳି ନିଜର ଦମ୍ ଦେଖାଇଛନ୍ତି ପ୍ରଦୀପ ପାଣିଗ୍ରାହୀ । ବିଜେଡିରୁ ବିଦା ହେବା ପରେ ଗୋପାଳପୁର ରାଜନୀତିକୁ ନେଇ ଭିନ୍ନ ଭିନ୍ନ ସମୀକରଣ କରାଯାଉଥିଲା । ଶାସକ ବିଜେଡି ଦଳ, ଗୋପାଳପୁରକୁ ନିଜ କବ୍ଜାକୁ ନେବା ପାଇଁ ବିଧାୟକ ବିକ୍ରମ ପଣ୍ଡାଙ୍କୁ ସଂଗଠନ ଦାୟୀତ୍ୱ ଦିଆଯାଇଥିବା ଚର୍ଚ୍ଚା ହେଉଛି । ଜିଲ୍ଲା ଯୋଜନା ବୋର୍ଡର ଅଧ୍ୟକ୍ଷ ଥିବା ବିକ୍ରମ ପଣ୍ଡା ନିୟମିତ ବ୍ୟବଧାନରେ ଗୋପାଳପୁର ଗସ୍ତ କରୁଛନ୍ତି । ଠିକ୍ ଏମିତି ବେଳେ ସ୍ୱାଧୀନତା ଦିବସ ପାଳନ କାର୍ଯ୍ୟକ୍ରମରେ ସାମିଲ୍ ହୋଇ, ଫାଇଭ୍-ଟି ସଚିବଙ୍କୁ ଟାର୍ଗେଟ୍ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ ଜେଲରୁ ଆସିବା ପରେ ଗତ ବର୍ଷ ସ୍ୱାଧିନତା ଦିବସରେ, ନିଜ ନିର୍ବଚନ ମଣ୍ଡଳୀକୁ ଆସିଥିଲେ । କମଳାପୁରରେ ମୁଖ୍ୟ ଅତିଥି ଥିବାବେଳେ ତାଙ୍କୁ ବିଜେଡ଼ିର ନେତା ଓ କର୍ମି ବିରୋଧ କରିଥିଲେ । ତଥାପି ସେ କାର୍ଯ୍ୟକ୍ରମରେ ଯୋଗ ଦେଇଥିଲେ । ଏପରିକି ସେହି ସମୟରେ ଧକା ମରାମରି ମଧ୍ୟ ହୋଇଥିଲା । ସେହି ସମୟରେ ପ୍ରଦୀପ ପାଣିଗ୍ରାହୀଙ୍କ ପାଖରେ ବହୁ କମ ଲୋକ ଥିଲେ । ଏହାର ଠିକ ଏକ ବର୍ଷ ପରେ ରଙ୍ଗେଇଲୁଣ୍ଡା ବ୍ଲକର ଚାନ୍ଦପୁର ପଚାଂୟତ ଖେଳ ପଡ଼ିଆରେ ପତକା ଉତ୍ତଳନ କରିବା ସହ ବିଭିନ୍ନ କ୍ରୀଡ଼ା ପ୍ରତିଯେଗିତାରେ ମୁଖ୍ୟ ଅତିଥିଭାବେ ଯୋଗଦେଇଛନ୍ତି । ଏହାରି ଭିତରେ ସେ ରାଜ୍ୟ ସରକାର ଓ ୫ଟି ସଚିବଙ୍କୁ ଟାର୍ଗେଟ କରିଛନ୍ତି । ନିଜ ନିର୍ବଚନ ମଣ୍ଡଳୀରେ ତାଙ୍କର ବହୁ ସମର୍ଥକ ରହିଥିବା ସେ ଯେଉଁଠିକୁ ଯାଉଛନ୍ତି ବହୁ ସମର୍ଥକ ଆସୁଛନ୍ତି ବୋଲି ପ୍ରଦୀପ ପାଣିଗ୍ରାହୀ କହିଛନ୍ତ ।