ଫ୍ୟାକ୍ଟ ଚେକର୍ ମହମ୍ମଦ ଜୁବୈର ଗିରଫ । ଧାର୍ମିକ ଭାବନାକୁ ଆଘାତ ଦେବା ସହ ଦଙ୍ଗା ପାଇଁ ପ୍ରବର୍ତ୍ତାଉଥିବା ଅଭିଯୋଗ ।
କନକ ବ୍ୟୁରୋ: ଫ୍ୟାକ୍ଟ ଚେକର୍ ତଥା ଅଲ୍ଟନ୍ୟୁଜର ସହ-ପ୍ରତିଷ୍ଠାତା ମହମ୍ମଦ ଜୁବୈରଙ୍କୁ ଗିରଫ କରିଛି ଦିଲ୍ଲୀ ପୋଲିସ । ଧାର୍ମିକ ଭାବନାକୁ ଆଘାତ ଦେବା ସହ ଦଙ୍ଗା ପାଇଁ ପ୍ରବର୍ତ୍ତାଉଥିବା ଅଭିଯୋଗରେ ତାଙ୍କୁ ଆଇପିସିର ୧୫୩ ଓ ୨୯୫ ଧାରା ଅଧିନରେ ଗିରଫ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ବିଜେପିର ପୂର୍ବତନ ମୁଖପାତ୍ର ନୂପୁର ଶର୍ମାଙ୍କ ଦ୍ୱାରା ଦିଆଯାଇଥିବା ବିବାଦୀୟ ବୟାନ ସମ୍ପର୍କରେ ସେ ପ୍ରଥମ ଟ୍ୱିଟ୍ କରିବା ପରେ ତାହାକୁ ନେଇ ସାରା ଦେଶରେ ବିବାଦ ସୃଷ୍ଟି ହୋଇଥିଲା । ଏହି ବିବାଦ ବିଭିନ୍ନ ରାଜ୍ୟରେ ଦଙ୍ଗା ସୃଷ୍ଟି କରିବାକୁ ଯଥେଷ୍ଟ ଥିଲା, ଯେଉଁଥିରେ କୋଟି କୋଟି ଟଙ୍କାର ସରକାରୀ ଓ ବେସରକାରୀ ସମ୍ପତ୍ତି ନଷ୍ଟ ହୋଇଥିଲା । ଏହାସହ ନୂପୁର ଶର୍ମାଙ୍କୁ ଜୀବନରୁ ମାରିଦେବାକୁ ଧମକ ମଧ୍ୟ ମିଳିଥିଲା । ଏହି ପ୍ରସଙ୍ଗ କ୍ରମେ ଅନ୍ତର୍ଜାତୀୟ ସ୍ତରକୁ ଯାଇ ବିବାଦ ସୃଷ୍ଟି କରିଥିଲା ।
କେବଳ ଏତିକି ନୁହେଁ ଏହି ଘଟଣା ପୂର୍ବରୁ ମଧ୍ୟ ସେ ଜ୍ଞାନବାପୀ ମସଜିଦକୁ ନେଇ ମଧ୍ୟ ଏକ ଟ୍ୱିଟ୍ କରିଥିଲେ । ଏଥିରେ ମସଜିଦ ପରିସରରୁ ମିଳିଥିବା ଶିବଲିଙ୍ଗକୁ ନେଇ ଅପମାନଜନକ ମନ୍ତବ୍ୟ ସବୁ ପ୍ରକାଶ ପାଇଥିଲା । ପୂର୍ବରୁ ମଧ୍ୟ ଜୁବୈର ହିନ୍ଦୁ ଦେବାଦେବୀଙ୍କ ଉପରେ ଅପମାନଜନକ ଟିପ୍ପଣୀ ସବୁ ଟ୍ୱିଟ୍ କରୁଥିବାର ଅଭିଯୋଗ ହୋଇସାରିଛି ।