କନକ ବ୍ୟୁରୋ : ଆଇଟି କ୍ଷେତ୍ରରେ କାମ କରୁଥିବା କମ୍ପାନୀ କୋର୍ଫୋଜ ଏବେ ତାର କର୍ମଚାରୀଙ୍କ ପାଇଁ ଏକ ବଡ ଘୋଷଣା କରିଛି । କମ୍ପାନୀର ସର୍ବାଧିକ ଲାଭ ହୋଇଥିବାରୁ କମ୍ପାନୀ ଏବେ ତାର କର୍ମଚାରୀଙ୍କୁ ଉପହାର ଦେବାକୁ ଘୋଷଣା କରିଛି । କମ୍ପାନୀରେ କାମ କରୁଥିବା ୨୧ ହଜାର କର୍ମଚାରୀଙ୍କୁ କମ୍ପାନୀ ତରଫରୁ ଆଇପ୍ୟାଡ ଉପହାର ଭାବେ ଦିଆଯିବ ବୋଲି କୁହାଯାଇଛି । କମ୍ପାନୀ ଚତୁର୍ଥ ତୈମାସିକରେ ୮,୧୦୦ କୋଟି ଟଙ୍କା ଲାଭ କରିଥିବାରୁ ଏଭଳି ଉପହାର ଦେବାକୁ ଘୋଷଣା କରିଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
କୋର୍ଫୋଜର ସିଇଓ ସୁଧୀର ସିଂ କହିଛନ୍ତି କି ଚତୁର୍ଥ ତୈମାସିକରେ କମ୍ପାନୀର ଲାଭକୁ ନେଇ ସେ ବେଶ୍ ଖୁସି ଅଛନ୍ତି । ଏହାର ଶ୍ରେୟ ସେ କମ୍ପାନୀର କର୍ମଚାରୀମାନଙ୍କୁ ଦେଇଛନ୍ତି । କମ୍ପାନୀ ପ୍ରଥମଥର ପାଇଁ ୧ ଆରବ ଡଲାର ଲାଭ କରିଥିବା କଥା ସେ କହିଛନ୍ତି । ତେଣୁ ଲାଭର କିଛି ଅଂଶ ସେ କର୍ମଚାରୀଙ୍କ ପାଇଁ ଖର୍ଚ୍ଚ କରିବେ ବୋଲି କହିଛନ୍ତି । ଏହି କ୍ରମରେ କମ୍ପାନୀରେ କାମ କରୁଥିବା ସମସ୍ତ ୨୧,୮୧୫ ଜଣ କର୍ମଚାରୀଙ୍କ କମ୍ପାନୀ ତରଫରୁ ଆପଲ ଆଇପ୍ୟାଡ ଦେବାକୁ ସୁଧୀର ସିଂ ଘୋଷଣା କରିଛନ୍ତି ।
କମ୍ପାନୀ ତରଫରୁ ଜାରି କରାଯାଇଥିବା ପ୍ରେସ୍ ରିଲିଜ ଅନୁସାରେ ସେଲ୍ସ ଓ ମାର୍କେଟିଂ ଟିମ୍ କୁ ବାଦଦେଲେ କମ୍ପାନୀ ପାଖରେ ୨୧ ହଜାରରୁ ଅଧିକ କର୍ମଚାରୀ ରହିଛନ୍ତି ।