କନକ ବ୍ୟୁରୋ : ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଜ୍ଞାନବାପୀ ମସଜିଦକୁ ନେଇ ବଡ ବୟାନ ଦେଇଛନ୍ତି । ସେ କହିଛନ୍ତି କି ଜ୍ଞାନବାପୀକୁ ମସଜିଦ୍ କହିବା ଠିକ୍ ନୁହେଁ, ଏହା ସହ ଜ୍ଞାନବାପୀ ମସଜିଦ ମଧ୍ୟରେ ତ୍ରିଶୁଳ କଣ କରୁଛି ବୋଲି ସେ ପ୍ରଶ୍ନ ପଚାରିଛନ୍ତି । ଯୋଗୀ କହିଛନ୍ତି କି ସେ ଉତ୍ତର ପ୍ରଦେଶରେ ୬ ବର୍ଷ ହେବ ସରକାର ଚଳାଉଛନ୍ତି । ଲୋକ ଦଙ୍ଗା ହେଉଛି ବୋଲି କହୁଛନ୍ତି ହେଲେ ରାଜ୍ୟର କୌଣସି ସ୍ଥାନରେ ଦଙ୍ଗା ହେଉନାହିଁ ବୋଲି ସେ କହିଛନ୍ତି । ଯୋଗୀ ତାଙ୍କ ବୟାନରେ କହିଛନ୍ତି କି ଅନ୍ୟ ରାଜ୍ୟ ଭଳି ଉତ୍ତର ପ୍ରଦେଶରେ ମଧ୍ୟ ପଞ୍ଚାୟତ, ଏନଏସି, ବିଧାନସଭା ଓ ଲୋକସଭା ନିର୍ବାଚନ ଅନୁଷ୍ଠିତ ହେଉଛି କିନ୍ତୁ ପଶ୍ଚିମବଙ୍ଗ ଭଳି ଏଠାରେ ଦଙ୍ଗା ହେଉନାହିଁ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଜ୍ଞାନବାପୀ ମସଜିଦକୁ ନେଇ ଗଣମାଧ୍ୟମ ପ୍ରଶ୍ନର ଉତ୍ତର ଦେବାକୁ ଯାଇ ଯୋଗୀ କହିଛନ୍ତି କି ଏହାକୁ ମସଜିଦ କହିବା ଉଚିତ ନୁହେଁ । ଭଗବାନ ଯାହାଙ୍କୁ ଦୃଷ୍ଟିଶକ୍ତି ଦେଇଛନ୍ତି ସେମାନେ ଦେଖିବା ଦରକାର କି ମସଜିଦ୍ ମଧ୍ୟରେ ତ୍ରିଶୁଳ କାହିଁକି ରହିଛି । ଏହାସହ ମସଜିଦ ଭିତରେ କିଭଳି ଜ୍ୟୋର୍ତିଲିଙ୍ଗ ରହିଲା ବୋଲି ସେ ପ୍ରଶ୍ନ ପଚାରିଛନ୍ତି ।
କେବଳ ଜ୍ଞାନବାପୀ ମସଜିଦ ନୁହେଁ ବିରୋଧୀ ମେଣ୍ଟ ଇଣ୍ଡିଆ ଉପରେ ମଧ୍ୟ ବର୍ଷିଛନ୍ତି ଯୋଗୀ । ସେ କହିଛନ୍ତି ଯେଭଳି ଭାବେ ପଶ୍ଚିମବଙ୍ଗରେ ବିରୋଧୀଦଳର ନେତା ଓ କର୍ମୀଙ୍କୁ ହତ୍ୟା କରାଯାଉଛି । ଏହା ଉପରେ ବିରୋଧୀ ମେଣ୍ଟ ଚୁପ ରହିବା ସହ ୧୯୯୦ ମସିହାରେ କାଶ୍ମୀରରେ ଯାହା ଚାଲିଥିବା ତାହା ଉପରେ ଆଜିର ବିରୋଧୀ ମେଣ୍ଟ ସେତେବେଳେ କାହିଁକି ଚୁପ୍ ରହିଥିଲା ବୋଲି ସେ ପ୍ରଶ୍ନ ପଚାରିଛନ୍ତି ।