କନକ ବ୍ୟୁରୋ : ଦେଶରେ ରାଷ୍ଟ୍ରପତି ନିର୍ବାଚନ ପରେ ଆରମ୍ଭ ହେବ ଉପ ରାଷ୍ଟ୍ରପତି ପଦ ପାଇଁ ର୍ନିର୍ବାଚନ । ଏନେଇ ନିର୍ବାଚନ ଆୟୋଗ ବିଜ୍ଞପ୍ତି ଜାରି କରିଛନ୍ତି । ନିର୍ବାଚନ ଆୟୋଗଙ୍କ ବିଜ୍ଞପ୍ତି ମୁତାବକ ଆଜି ଠାରୁ ନାମାଙ୍କନ ଦାଖଲ ପ୍ରକ୍ରିୟା ଆରମ୍ଭ ହୋଇଛି । ଏହି ପ୍ରକ୍ରିୟା ଜୁଲାଇ ମାସ ୧୯ ତାରିଖ ପର୍ଯ୍ୟନ୍ତ ଚାଲିବ । ଜୁଲାଇ ୨୦ ତାରିଖରେ ନାମାଙ୍କନ ପତ୍ର ଯାଂଚ ହେବ । ଏହାପରେ ଜୁଲାଇ ୨୨ ତାରିଖ ମଧ୍ୟରେ ନାମାଙ୍କନ ପ୍ରତ୍ୟାହାର କରାଯାଇ ପାରିବ ବୋଲି ନିର୍ବାଚନ ଆୟୋଗ ତାଙ୍କ ବିଜ୍ଞପ୍ତିରେ କହିଛନ୍ତି । ଏହାପରେ ଅଗଷ୍ଟ ୬ ତାରିଖରେ ଉପ ରାଷ୍ଟ୍ରପତି ପଦ ପାଇଁ ନିର୍ବାଚନ ହେବ । କହିରଖୁ କି ଏବେ ଉପ ରାଷ୍ଟ୍ରପତି ଥିବା ଭେଙ୍କୟା ନାଇଡୁଙ୍କ କାର୍ଯ୍ୟକାଳ ଅଗଷ୍ଟ ୧୦ ତାରିଖରେ ଶେଷ ହେବାକୁ ଯାଉଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ହେବାକୁ ଯାଉଥିବା ଉପ ରାଷ୍ଟ୍ରପତି ନିର୍ବାଚନ ପାଇଁ ବିଜେପି ନେତୃତ୍ୱାଧିନ ଏନଡିଏ ପାଖରେ ବହୁମତ ରହିଛି । ଉପ ରାଷ୍ଟ୍ରପତିଙ୍କୁ କେବଳ ଲୋକସଭା ଓ ରାଜ୍ୟସଭାର ସାଂସଦମାନେ ଭୋଟ ଦେବାକୁ ଥିବା ବେଳେ ଉଭୟ ଗୃହରେ ଏନଡିଏର ବହୁମତ ରହିଛି । ହେଲେ ଏନଡିଏ ପକ୍ଷରୁ ଏପର୍ଯ୍ୟନ୍ତ ଉପ ରାଷ୍ଟ୍ରପତି ପଦ ପାଇଁ କିଏ ପ୍ରାର୍ଥୀ ହେବ ତାହା ଘୋଷଣା କରାଯାଇ ନାହିଁ ।
କହିରଖୁ କି ଜଣେ ଉପରାଷ୍ଟ୍ରପତି ପଦ ପାଇଁ ନାମାଙ୍କନ କରିବାକୁ ଚାହିଁଲେ ତାଙ୍କ ପାଖରେ ୨୦ ଜଣ ପ୍ରସ୍ତାବକ ଓ ୨୦ ଜଣ ଅନୁମୋଦକ ରହିଥିବା ଆବଶ୍ୟକ । ଜଣେ ଆଶାୟୀ ସର୍ବାଧିକ ୪ ସେଟ ନାମାଙ୍କନ ପତ୍ର ଦାଖଲ କରିପାରିବେ । ଅନ୍ୟପଟେ ନିର୍ବାଚନ ପାଇଁ ଜଣେ ପ୍ରାର୍ଥୀ ନାମାଙ୍କନ ବେଳେ ୧୫ ହଜାର ଟଙ୍କା ଜମାନତ ରାଶି ଦାଖଲ କରିବେ ।