ମହିଳା କୁସ୍ତିଯୋଦ୍ଧାଙ୍କ ମାମଲା ନେଇ ଉଦବେଗ ପ୍ରକାଶ କଲେ ସୁପ୍ରିମକୋର୍ଟ, ଶୁକ୍ରବାର ସୁଦ୍ଧା ଜବାବ ରଖିବାକୁ ଦିଲ୍ଲୀ ପୋଲିସକୁ ନିର୍ଦ୍ଦେଶ
କନକ ବ୍ୟୁରୋ : ମହିଳା କୁସ୍ତିଯୋଦ୍ଧା ମାମଲାରେ ସୁପ୍ରିମକୋର୍ଟ ତୁରନ୍ତ ଶୁଣାଣି କରିପାରନ୍ତି । ଏନେଇ କୋର୍ଟ ଶୁକ୍ରବାର ସୁଦ୍ଧା ଜବାବ ରଖିବାକୁ ଦିଲ୍ଲୀ ପୋଲିସକୁ ନିର୍ଦ୍ଦେଶ ଦେଇଛନ୍ତି । ଏହା ପୂର୍ବରୁ ବରିଷ୍ଠ ଓକିଲ କପିଲ ଶିବଲ ଏହି ମାମଲାରେ ତୁରନ୍ତ ଶୁଣାଣି କରିବାକୁ ସୁପ୍ରିମକୋର୍ଟଙ୍କ ନିକଟରେ ଦାବି କରିଥିଲେ । କପିଲ ସିବଲ କୋର୍ଟରେ ଅଭିଯୋଗ କରିଛନ୍ତି କି ୭ଜଣ ମହିଳା କୁସ୍ତିଯୁଦ୍ଧା ଉତ୍ପୀଡନ ଅଭିଯୋଗ ନେଇ ଦିଲ୍ଲୀ ପୋଲିସ ପାଖରେ ପହଂଚିଥିଲେ ବି ପୋଲିସ ଏପର୍ଯ୍ୟନ୍ତ ମାମଲା ରୁଜୁ କରିନାହିଁ । ସିବଲ କହିଛନ୍ତି କି ଅଭିଯୋଗ କରିଥିବା ମହିଳା କୁସ୍ତିଯୋଦ୍ଧାଙ୍କ ମଧ୍ୟରେ ଜଣେ ନାବାଳିକା ଥିବାରୁ ମାମଲାର ଗୁରୁତ୍ୱ ବଢିଯାଇଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ଭାରତୀୟ ମହିଳା କୁସ୍ତିଯୋଦ୍ଧା ସଂଘ ତରଫରୁ ରବିବାର ଦିନ ସଂଘର ଅଧ୍ୟକ୍ଷ ତଥା ବିଜେପି ସାଂସଦ ବ୍ରିଜଭୂଷଣ ସିଂଙ୍କ ବିରୋଧରେ ଯୌନ ଉତ୍ପୀଡନ ଅଭିଯୋଗ ନେଇ ଦିଲ୍ଲୀର ଜନ୍ତରମନ୍ତ୍ରର ଠାରେ ଧାରଣାରେ ବସିଛନ୍ତି । ସେମାନେ ପ୍ରଥମେ ପୋଲିସରେ ଅଭିଯୋଗ କରିଥିଲେ । ହେଲେ ଅଭିଯୋଗ ପାଇବା ପରେ ପୋଲିସ ମାମଲା ରୁଜୁ ନକରିବାରୁ ସେମାନେ ଏବେ ଧାରାଣା ଦେଇଛନ୍ତି ।
ସେପଟେ ଦିଲ୍ଲୀ ପୋଲିସ ମାମଲା ରୁଜୁ ନକରିବାକୁ ନେଇ ବିରୋଧୀଦଳମାନେ ସରକାରଙ୍କୁ ଘେରିଥିବା ବେଳେ ମୁଖ୍ୟ ବିଚାରପତି ଏହି ମାମଲାର ଶୁଣାଣି ଏପ୍ରିଲ ୨୮ ତାରିଖରେ ହେବ ବୋଲି ସୂଚିବଦ୍ଧ କରିଛନ୍ତି । କୋର୍ଟ କହିଛନ୍ତି କି ଭାରତରୁ ପ୍ରତିନିଧିତ୍ୱ କରୁଥିବା ମହିଳା କୁସ୍ତଯୋଦ୍ଧାଙ୍କ ଆବେଦନରେ ଗମ୍ଭୀର ଅଭିଯୋଗ ରହିଛି ।