କନକ ବ୍ୟୁରୋ : କୁସ୍ତିଯୋଦ୍ଧାଙ୍କ ସହ ଉତ୍ପୀଡନ ମାମଲରେ ଦିଲ୍ଲୀ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିଛି । ଶନିବାର ଦିନ ଦିଲ୍ଲୀ ପୋଲିସ ତରଫରୁ ଅଭିଯୋଗକାରୀ ସମସ୍ତ ୭ଜଣ ମହିଳା କୁସ୍ତଯୋଦ୍ଧାଙ୍କ ବୟାନ ରେକର୍ଡ କରାଯାଇଛି । ଅଭିଯୋଗକାରୀଙ୍କ ଓକିଲଙ୍କ ଉପସ୍ଥିତିରେ ଜିଲ୍ଲା ମାଜିଷ୍ଟେଟଙ୍କ ସାମ୍ନାରେ ଦିଲ୍ଲୀ ପୋଲିସ ବୟାନ ରେକର୍ଡ କରିଛି । ଏହି କ୍ରମରେ ଅଭିଯୋଗ ମାନେ ଭିନ୍ନ ଭିନ୍ନ ଅଭିଯୋଗ ଆଣିଥିଲେ । ହେଲେ ବୟାନ ରେକର୍ଡ ବେଳେ କୌଣସି କୁସ୍ତିଯୋଦ୍ଧା ସେମାନଙ୍କ ସହ କେଉଁ ତାରିଖରେ ଅସଦାଚରଣ କରାଯାଇଥିଲା ତାହା ସ୍ପଷ୍ଟ କରିପାରି ନାହାଁନ୍ତି । ଦିଲ୍ଲୀ ପୋଲିସ କହିଛି କି ଖୁବଶୀଘ୍ର ଅଭିଯୁକ୍ତ ବ୍ରିଜଭୂଷଣଙ୍କ ବୟାନ ରେକର୍ଡ କରାଯିବ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଏହା ପୂର୍ବରୁ ଗୁରୁବାର ଦିନ କେନ୍ଦ୍ର କ୍ରୀଡାମନ୍ତ୍ରୀ ଅନୁରାଗ ଠାକୁର ଧାରଣା ଦେଇଥିବା କୁସ୍ତିଯୋଦ୍ଧାମାନଙ୍କୁ ପରାମର୍ଶ ଦେଇ କହିଥଲେ କି ସରକାର ଖେଳାଳୀଙ୍କ ସମସ୍ତ ସର୍ତ୍ତ ମାନି ନେଇଛନ୍ତି । ତେଣୁ ଏବେ ସେମାନେ ଧାରଣା ସ୍ଥଳରୁ ଉଠି ଯାଆନ୍ତୁ ବୋଲି ସେ ଅନୁରୋଧ କରିଥିଲେ । ଦିଲ୍ଲୀ ପୋଲିସ ନିସ୍ପେକ୍ଷ ଯାଂଚ କରୁଛି ଓ ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ଅନୁରାଗ ଠାକୁର କୁସ୍ତିଯୋଦ୍ଧାମାନଙ୍କୁ ଆଶ୍ୱାସନା ଦେଇଥିଲେ ।
ସୂଚନା ଥାଉକି ଦିଲ୍ଲୀର ଜନ୍ତର-ମନ୍ତର ଠାରେ ଏପ୍ରିଲ ୨୩ ତାରିଖରୁ କିଛି କୁସ୍ତିଯୋଦ୍ଧା କୁସ୍ତି ସଂଘର ଅଧ୍ୟକ୍ଷ ବ୍ରିଜଭୂଷଣ ଶରଣ ସିଂଙ୍କ ନାମରେ ଉତ୍ପୀଡନ ଅଭିଯୋଗ ଆଣି ଧାରଣା ଦେଇଛନ୍ତି । ଏନେଇ କୁସ୍ତିଯୋଦ୍ଧାମାନେ ବ୍ରିଜଭୂଷଣଙ୍କ ଗିରଫ ଦାବି କରିଛନ୍ତି ।