କନକ ବ୍ୟୁରୋ : ପଞ୍ଜାବୀ ଗାୟକ ସିଦ୍ଧୁ ମୁସେବାଲା ହତ୍ୟାକାଣ୍ଡରେ ପଞ୍ଜାବ ପୋଲିସ ଡେରାଡୁନରୁ ପୁଣି ୬ ଜଣ ସନ୍ଦିଗ୍ଧଙ୍କୁ ଗିରଫ କରିଛି । ସେମାନଙ୍କ ପଚରା ଉଚରା ପାଇଁ ପୋଲିସ ନିଜ ହେପାଜତକୁ ନେଇଛି । ସମସ୍ତଙ୍କୁ ନେଇ ପୋଲିସ ପଞ୍ଜାବ ଅଭିମୁଖେ ଯାତ୍ରା କରିଛି । କୁହାଯାଉଛି କି, ଗିରଫ ହୋଇଥିବା ୬ ଜଣଙ୍କ ମଧ୍ୟରୁ ଜଣେ ଗ୍ୟାଙ୍ଗଷ୍ଟାର ବିଷ୍ଣୌଇ ଗ୍ୟାଙ୍ଗର ସଦସ୍ୟ ।
Kanak News is now on WhatsApp
Join and get latest news updates delivered to you via WhatsApp
ରବିବାର ସନ୍ଧ୍ୟାରେ ମୁସେବାଲାଙ୍କ ହତୃା ପରେ ପଞ୍ଜାବ ପୋଲିସ ହତ୍ୟା ଅପରାଧିଙ୍କୁ ଧରିବାକୁ ଜୋରଦାର ପ୍ରୟାସ ଆରମ୍ଭ କରିଛି । ଏହି କ୍ରମରେ ସୋମବାର ଦିନ ଡେରାଡୁନର ଗୟା ଗାଁ ନିକଟକରେ ପଞ୍ଜାବ ପୋଲିସ ଉତ୍ତରାଖଣ୍ଡ ଏସଟିଏଫ୍ ସହାୟତାରେ ୬ ଜଣଙ୍କୁ ଗିରଫ କରିଛି । କୁହାଯାଉଛି କି ସେମାନଙ୍କ ମଧ୍ୟରୁ ଜଣେ ଏହି ହତ୍ୟାକାଣ୍ଡରେ ସଂପୃକ୍ତ ଅଛନ୍ତି ।
ଅନ୍ୟପଟେ ଆଜି ମୁସେବାଲଙ୍କ ପୋଷ୍ଟମର୍ଟମ୍ ମାନସା ସିଭିଲ ହସ୍ପିଟାଲରେ କରାଯିବ । ପ୍ରଥମେ ମୁସେବାଲାଙ୍କ ମରଶରୀରକୁ ପୋଷ୍ଟମର୍ଟମ କରିବାକୁ ପରିବାର ଲୋକ ରାଜି ହେଉ ନଥିଲେ । ଏବେ ସେମାନଙ୍କ ସହମତିରେ ପୋଷ୍ଟମର୍ଟମ ହେବ ବୋଲି କୁହାଯାଇଛି ।
ସେପଟେ ଅଧିକ ସୂଚନା ପାଇବାକୁ ପଞ୍ଜାବ ପୋଲିସର ଏକ ଟିମ୍ ହତ୍ୟା ହୋଇଥିବା ସ୍ଥାନ ମନସାର କୈଚିୟା ଅଞ୍ଚଳରେ ଥିବା ମନସୁଖ ବୈଷ୍ଣୋ ଢାବା ନିକଟରେ ପହଂଚିଛି । ସେଠାରେ ଲାଗିଥିବା ସିସିଟିଭିକୁ ଯାଂଚ କରି ଅଧିକ ସୂଚନା ପାଇବାକୁ ଚେଷ୍ଟା କରିବ ପଞ୍ଜାବ ପୋଲିସ । ସେପଟେ ସିସିଟିଭିର ପ୍ରାଥମିକ ଯାଂଚରୁ ଜଣାପଡିଛି କି ଏହି ମୁସେବାଲାଙ୍କୁ ହତ୍ୟା କରିବା ପୂର୍ବରୁ ଢାବାରେ କିଛି ଯୁବକ ଖାଉଛନ୍ତି ।