ତିହାଡ ଜେଲରୁ ମୁସେୱାଲା ହତ୍ୟାର ଷଡଯନ୍ତ୍ର! ଲରେନ୍ସ ବିଷ୍ଣୋୟୀର ହତ୍ୟା ଲିଙ୍କ ଥିବା ମିଳିଲା ସୁରାକ ।
କନକ ବ୍ୟୁରୋ : ପଞ୍ଜାବୀ ଗାୟକ ସିଦ୍ଧୁ ମୁସେୱାଲା ହତ୍ୟା ମାମଲାର ପ୍ଲାନର ଖୁଲାସା ହୋଇଛି । ଦିଲ୍ଲୀ ତିହାଡ ଜେଲରୁ ଏ ପୂରା ପ୍ଲାନ ପ୍ରସ୍ତୁତ ହୋଇଥିବା ନେଇ ଅନୁମାନ କରାଯାଉଛି । ମିଳିଥିବା ସୂଚନା ଅନୁସାରେ ହତ୍ୟା ସହ ଜଡିତ ଥିବା ଗୋଟିଏ ଫୋନ ନମ୍ବର ଲିଙ୍କ ତିହାଡ ଜେଲ ସହ ଥିବା ଚର୍ଚ୍ଚା ହେଉଛି । ଏନଆଇଏ ସୁତ୍ରରୁ ମିଳିଥିବା ସୂଚନା ଅନୁସାରେ କିଛି ଦିନ ତଳେ ଶାହାରୁଖ ଖାନ ନାମକ ଜଣେ ଅପରାଧୀକୁ ପୋଲିସ ଗିରଫ କରିଥିଲା ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ କାନାଡରେ ଥିବା ଗ୍ୟାଙ୍ଗଷ୍ଟର ଗୋଲ୍ଡି ବରାଡ ସହ କଥାହେବା ପାଇଁ ଗୋଟିଏ ମେସଜିଂ ଆପର ବ୍ୟବହାର କରାଯାଇଥିଲା । ଦିଲ୍ଲୀ ପୋଲିସର ସ୍ପେଶାଲ ସେଲର ଅଧିକାରୀ ତିହାଡରେ ବନ୍ଦ ଥିବା ଗ୍ୟାଙ୍ଗଷ୍ଟର ଲରେନ୍ସ ବିଷ୍ଣୋୟୀ, ତାର ସହଯୋଗୀ କାଲା ଜେଠଡୀ ଏବଂ କାଳା ରାଣାକୁ ସିଦ୍ଧୁ ମାମଲାରେ ପଚରାଉଚରା ଜାରିରହିଛି । ପଞ୍ଜାବ ପୋଲିସ ମଧ୍ୟ ଲରେନ୍ସ ବିଷ୍ଣୋୟୀକୁ ରିମାଣ୍ଡରେ ନେଇ ପଚରାଉଚରା କରିବ । ଲରେନ୍ସ ତିହାଡ ଜେଲର ହାଇସିକ୍ୟୁରିଟି ସେଲ ନଂ ୮ରେ ଅଛି ।
୨୯ ବର୍ଷରେ ଲରେନ୍ସ ବିଷ୍ଣୋୟୀ ମାମଲାରେ ୫୦ରୁ ଅଧିକ ମାମଲା
ଲରେନ୍ସ ବିଷ୍ଣୋୟୀ ୧୯୯୨ ଫେବ୍ରୁଆରୀ ୨୨ରେ ପଞ୍ଜାବର ଫାଜିଲାରେ ଜନ୍ମ ହୋଇଥିଲା । ୨୯ ବର୍ଷରେ ତାଙ୍କ ନାଁରେ ୫୦ରୁ ଅଧିକ ମାମଲା ରହିଥିଲା । ଚଣ୍ଡିଗଡ ବିଶ୍ୱବିଦ୍ୟାଳୟରେ ପାଠପଡା ଶେଷ କରିବା ପରେ ଛାତ୍ର ସଂଘ ନିର୍ବାଚନବି ସେ ଲଢିଥିଲା । ନିକଟରେ ତା ବିରୋଧ ମକୋକ୍କା ଲାଗିଛି । ପାଖାପାଖି ୬ ଶହ ସାର୍ପ ସୁଟରର ଗ୍ୟାଙ୍ଗର ମୁଖିଆ ହେଉଛି ଲରେନ୍ସ ବିଷ୍ଣୋୟୀ । ତାକୁ ଗ୍ୟାଙ୍ଗଷ୍ଟର କରିବାରେ ଜଗୁ ନରେଶ ସେଟ୍ଟୀ, ସମ୍ପତ ନେହେରା ଏବଂ ମୃତ ଗ୍ୟାଙ୍ଗଷ୍ଟର ସୁଖାର ହାତ ରହିଥିଲା ।
ପଞ୍ଜାବ ପୋଲିସର ସ୍ପେଶାଲ ସେଲର ଅଧିକାରୀଙ୍କ କହିବାନୁଯାୟୀ ଟ୍ରାଭେଲ ଏଜେଣ୍ଟ, ଡାକ୍ତରଖାନା ମାଲିକ, ହିରା ବ୍ୟବସାୟୀ, ରେଷ୍ଟୁରାଣ୍ଟ ମାଲିକ ଲରେନ୍ସ ବିଷ୍ଣୋୟୀର ଟାର୍ଗେଟରେ ରୁହନ୍ତି । ଏମାନଙ୍କ ପାଖରୁ ଗ୍ୟାଙ୍ଗଷ୍ଟର ନିଜ ସୁଟର୍ସଙ୍କ ଜରିଆରେ ବେଆଇନ ବଟି ଆଦାୟର କାମ କରିଥାନ୍ତି । ଯେଉଁମାନେ ଏହାକୁ ମାନିନଥାନ୍ତି ତାଙ୍କମଧ୍ୟ ଏହାର ଫଳ ଭୋଗିବାକୁ ପଡିଥାଏ ।
ସିଦ୍ଧୁ ହତ୍ୟାରେ ଗୋଲ୍ଡି ବରାଡ ଓ ଲରେନ୍ସ ବିଷ୍ଣୋୟୀ ଗ୍ୟାଙ୍ଗ
ସିଦ୍ଧୁ ହତ୍ୟା ପଛରେ ଗୋଲ୍ଡି ବରାଡ ଓ ଲରେନ୍ସ ବିଷ୍ଣୋୟୀ ଗ୍ୟାଙ୍ଗର ହାତ ରହିଛି । ଏହି ଗ୍ୟାଙ୍ଗ ନିଜକୁ ସିଦ୍ଧୁର ହତ୍ୟାପାଇଁ ଦାୟୀ କରିଛନ୍ତି । ଗ୍ୟାଙ୍ଗଷ୍ଟାର ଗୋଲ୍ଡି ବରାଡ ଫେସବୁକ ପୋଷ୍ଟ କରି ମୁସେୱାଲା ହତ୍ୟା ପଛରେ ତାର ହାତ ଥିବା ସ୍ପଷ୍ଟ କରିଛି । ବର୍ତ୍ତମାନ ସେ କାନାଡାରେ ଥିବା ବେଳେ ପଞ୍ଜାବ ଡିଜିପି ବିକେ ଭାବରା ପ୍ରେସମିଟରେ ଗୋଲ୍ଡି ବରାଡ ଏବଂ ତହାଡ ଜେଲରେ ବନ୍ଦ ଥିବା ଗ୍ୟାଙ୍ଗଷ୍ଟାର ଲରେନ୍ସ ବିଷ୍ଣୋୟୀକୁ ଦାୟୀ କରିଛନ୍ତି ।