ନିର୍ବାଚନ ପାଇଁ ଗେହଲଟଙ୍କ ନୂଆ ଘୋଷଣା, ରାସନ କିଟ୍ ସହିତ ମାଗଣା ମିଳିବ ଏସବୁ ସାମଗ୍ରୀ
କନକ ବ୍ୟୁରୋ : ଚଳିତ ବର୍ଷ ରାଜସ୍ଥାନରେ ବିଧାନସଭା ନିର୍ବାଚନ ଅନୁଷ୍ଠିତ ହେବାକୁ ଯାଉଛିି । ଏବେ ରାଜ୍ୟ ଶାସନରେ ଥିବା ଗେହଲଟ ସରକାର ପୁଣି ଥରେ ନିର୍ବାଚନ ଜିତି ସରକାର ଗଠନ କରବାକୁ ପ୍ରୟାସ ଆରମ୍ଭ କରିଦେଇଛନ୍ତି । ଏନେଇ ସରକାର ଲୋକଙ୍କ ପାଇଁ ଅନେକ ପ୍ରକାର ସହାୟତା ଘୋଷଣା କରିବାରେ ଲାଗିଛନ୍ତି । ଏପର୍ଯ୍ୟନ୍ତ ଗେହଲଟ ସରକାର ଲୋକଙ୍କ ପାଇଁ ଶସ୍ତା ବିଜୁଳି, ଶସ୍ତା ରୋଷେଇ ଗ୍ୟାସ ଓ ପାଣି ଯୋଗାଇ ଦେଉଥିବା ବେଳେ ଏବେ ରାଜ୍ୟବାସୀଙ୍କ ମାଗଣା ରାସନ କିଟ୍ ଯୋଗାଇ ଦେବାକୁ ଘୋଷଣା କରିଛନ୍ତି । ଗେହଲଟ ଅଗଷ୍ଟ ୧୫ ତାରିଖରୁ ଏହି ଯୋଜନାର ଶୁଭାରମ୍ଭ କରିପାରନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅଶୋକ ଗେହଲଟ ବଜେଟ ବେଳେ ଘୋଷଣା କରିଥିଲେ କି ରାଜ୍ୟ ସରକାର ରାଷ୍ଟ୍ରୀୟ ଖାଦ୍ୟ ଯୋଜନାରେ ଅନ୍ତର୍ଭୁକ୍ତ ପରିବାରକୁ ଗହମ ସହ ଅନ୍ୟ ରାସନ ସାମଗ୍ରୀ ମାଗଣାରେ ଯୋଗାଇ ଦେବେ । ଯଦି ରାଜସ୍ଥାନ ସରକାର ଏହି ଯୋଜନା ଲାଗୁ କରନ୍ତି ତେବେ ରାଜ୍ୟର ୧.୧୦ କୋଟିରୁ ଅଧିକ ପରିବାର ଲାଭାନ୍ୱିତ ହେବେ ।
ରାଜସ୍ଥାନ ସରକାର ରାଷ୍ଟ୍ରୀୟ ଖାଦ୍ୟ ସୁରକ୍ଷା ସହିତ ଜଡିତ ପରିବାରକୁ ଯେଉଁ ରାସନ କିଟ୍ ଦେବେ ସେଥିରେ ୧ କେ.ଜି ଚଣା ଡାଲି, ୧୦୦ ଗ୍ରମା ଧଣିଆ ପାଉଡର, ୫୦ ଗ୍ରାମ ହଳଦୀ ପାଉଡର, ୧ଲିଟର ସୋୟାବିନ୍ ତେଲ, ୧ କିଲୋ ଲୁଣ, ୧୦୦ ଗ୍ରାମ ଲଙ୍କା ଓ ୧ କିଲୋ ଚିନି ମାଗଣାରେ ଦେବେ ।
ଯୋଜନାକୁ ନେଇ ଜୟପୁରରେ ଟେଣ୍ଡର ପ୍ରକ୍ରିିୟା ସମାପ୍ତ ହୋଇଛି । ଏଠାରେ ଗୋଟିଏ ରାସନ କିଟର ଦାମ ୩୫୯ ଟଙ୍କା ସ୍ଥିର କରାଯାଇଛି । ଗୋଟିଏ ପ୍ୟାକେଟକୁ ସରକାର ଏତିକି ଟଙ୍କାରେ କିଣି ଉପଭୋକ୍ତାଙ୍କୁ ମାଗଣାରେ ଦେବେ ।