ମୋଦୀଙ୍କୁ ଚିଠି ଲେଖିଲେ ରାହୁଲ ଗାନ୍ଧୀ । ନିଟ୍ ପରୀକ୍ଷା ପ୍ରସଙ୍ଗରେ ଆସନ୍ତାକାଲି ସଂସଦରେ ଚର୍ଚ୍ଚା କରିବାକୁ ଦାବି ।
କନକ ବ୍ୟୁରୋ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଚିଠି ଲେଖିଲେ ବିରୋଧୀ ଦଳ ନେତା ରାହୁଲ ଗାନ୍ଧୀ । ସଂସଦରେ ନିଟ୍ ପରୀକ୍ଷା ପେପର ଲିକ୍ ମାମଲାରେ ଚର୍ଚ୍ଚା ପାଇଁ ସେ ଏହି ଚିଠିରେ ସମୟ ମାଗିଛନ୍ତି । ରାହୁଲ ଗାନ୍ଧୀ କହିଛନ୍ତି ଯେ, ଆମର ଉଦ୍ଦେଶ୍ୟ ହେଉଛି ୨୪ ଲକ୍ଷ ନିଟ୍ ପରୀକ୍ଷାର୍ଥୀଙ୍କ ହିତ ପାଇଁ କଥା କହିବ. ଯେଉଁମାନେ କି ଜବାବର ହକଦାର ।
Kanak News is now on WhatsApp
Join and get latest news updates delivered to you via WhatsApp
ରାହୁଲ ଗାନ୍ଧୀ ସୋସିଆଲ୍ ମିଡିଆରେ ଚିଠି ସେୟାର କରି ଲେଖିଛନ୍ତି ଯେ, ମୁଁ କାଲି ଅର୍ଥାତ ବୁଧବାର ସଂସଦରେ ନିଟ୍ ଉପରେ ଚର୍ଚ୍ଚା ପାଇଁ ଅନୁରୋଧ କରୁଛି । ନିଟ୍ ଉପରେ ଚର୍ଚ୍ଚା ପାଇଁ ଜୁନ୍ ୨୮ ତାରିଖରେ ସଂସଦର ଉଭୟ ସଦନରେ ବିରୋଧୀଙ୍କ ଅନୁରୋଧକୁ ଅସ୍ୱୀକାର କରିଦିଆଯାଇଥିଲା ବୋଲି ରାହୁଲ କହିଛନ୍ତି । ତେବେ ଆସନ୍ତାକାଲି ଅର୍ଥାତ ବୁଧବାର ଏହି ପ୍ରସଙ୍ଗରେ ଚର୍ଚ୍ଚା ପାଇଁ ସେ ଅନୁରୋଧ କରିଛନ୍ତି ।
Dear Prime Minister,
I am writing to request for a debate in Parliament on NEET tomorrow.
Our aim is to engage constructively in the interest of 24 lakh NEET aspirants who deserve answers.
I believe that it would be fitting if you were to lead this debate. pic.twitter.com/PXqV8LnYVO
— Rahul Gandhi (@RahulGandhi) July 2, 2024
ରାହୁଲ ଗାନ୍ଧୀ କହିଛନ୍ତି, “ଲୋକସଭା ଅଧ୍ୟକ୍ଷ ବିରୋଧୀଙ୍କୁ ଆଶ୍ୱାସନା ଦେଇଛନ୍ତି ଯେ, ଏହି ପ୍ରସଙ୍ଗରେ ସରକାର ଚର୍ଚ୍ଚା କରିବେ । ନିଟ୍ ପାଇଁ ଆଗକୁ ରାସ୍ତା ଖୋଜିବାକୁ ପଡିବ । ୨୪ ଲକ୍ଷ ପରୀକ୍ଷାର୍ଥୀଙ୍କ କଲ୍ୟାଣ ପାଇଁ ଚର୍ଚ୍ଚା କରିବାକୁ ହେବ । ଲକ୍ଷ ଲକ୍ଷ ଲୋକ ନିଜ ପିଲାଙ୍କ ପାଠପଢା ପାଇଁ ବ୍ୟକ୍ତିଗତ ବଳିଦାନ ଦେଉଛନ୍ତି । ତେଣୁ ଅନେକ ଲୋକଙ୍କ ପାଇଁ ଏ ପେପର ଲିକ୍ ବିଶ୍ୱାସଘାତ ଅଟେ ।”
ଆମ ଛାତ୍ରଛାତ୍ରୀମାନେ ଜବାବର ହକଦାର । ଏହି ମାମଲାର ଗମ୍ଭୀରତାକୁ ଦେଖି ବିରୋଧୀ ପକ୍ଷ ସରକାରଙ୍କୁ ଏହି ବିଷୟରେ ଚର୍ଚ୍ଚା ପାଇଁ ସମୟ ମାଗିଛନ୍ତି ବୋଲି ରାହୁଲ କହିଛନ୍ତି ।