ମଣିପୁର ହିଂସାକୁ ନେଇ ଉତ୍ୟକ୍ତ ସ୍ଥାନୀୟ ଲୋକ, ହଜାର ହଜାର ମହିଳା ଏକାଠି ହୋଇ ସେନା ହାତରୁ ଛଡାଇନେଲେ ୧୨ ଉଗ୍ରବାଦୀ
କନକ ବ୍ୟୁରୋ : ମଣିପୁରରେ ଗତ ୨ମାସ ହେବ ହିଂସା ଲାଗି ରହିଛି । ଦୀର୍ଘଦିନର ହିଂସା ପରେ ଏବେ ସ୍ଥାନୀୟ ଲୋକମାନେ ପୋଲିସ ଓ ସେନା ବିରୋଧରେ ମୋର୍ଚ୍ଚ ଖୋଲିଛନ୍ତି । ଏହି କାରଣରୁ ସେନା ଓ ଅର୍ଦ୍ଧସାମରିକ ବଳ ଦ୍ୱାରା ଚଳାଯାଉଥିବା ସର୍ଚ୍ଚ ଅପରେଶନ ବନ୍ଦ କରିବାକୁ ପଡୁଛି । ଏଭଳି ଏକ ମାମଲା ଶନିବାର ଦିନ ଦେଖିବାକୁ ମିଳିଛି । ହଜାର ହଜାର ମହିଳା ଏକତ୍ରିତ ହୋଇ ସୁରକ୍ଷା କର୍ମୀଙ୍କୁ ଗୋଟିଏ ଅଞ୍ଚଳରେ ଘେରି ଯାଇଥିଲେ । ଏହି କାରଣରୁ ସେନା ତାର ସର୍ଚ୍ଚ ଅପରେସନ ବନ୍ଦ କରିବାକୁ ପଡିଥିଲା । ମହିଳାମାନଙ୍କର ଏଭଳି ବିରୋଧ କାରଣରୁ ସେନା ଅଟକ ରଖିଥିବା ୧୨ଜଣ ଉଗ୍ରବାଦୀଙ୍କୁ ଛାଡିବାକୁ ବାଧ୍ୟ ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ସୁରକ୍ଷାକର୍ମୀମାନେ ଶନିବାର ଦିନ ମଣିପୁର ଇଥମ ଗାଁରେ ସର୍ଚ୍ଚ ଅପରେଶନ କରୁଥିଲେ । ଏହି ଅପରେସନ କ୍ରମରେ କେୱାଇକେଏଲ ବିଦ୍ରୋହୀ ସଂଗଠନର ୧୨ ଜଣ ଉଗ୍ରବାଦୀଙ୍କୁ ସେନା ଧରିଥିଲା । ହେଲେ ହଜାର ହଜାର ମହିଳା ସେନାକୁ ଘେରି ସେମାନଙ୍କୁ ଛାଡି ଦେବାକୁ ବାଧ୍ୟ କରିଥିଲେ । ଶେଷରେ ସେନା ବାଧ୍ୟ ହୋଇ ଏହି ୧୨ଜଣ ଉଗ୍ରବାଦୀଙ୍କୁ ଛାଡି ଦେଇଥିଲେ ।
#WATCH | Manipur: Security forces launched an operation acting on specific intelligence, in village Itham in Imphal East district on 24th June. The operation resulted in apprehension of 12 KYKL cadres along with arms, ammunition and war-like stores. Self-Styled Lt Col Moirangthem… pic.twitter.com/B1yXoJ9WKo
— ANI (@ANI) June 25, 2023
ଏହାପରେ ସୁରକ୍ଷାକର୍ମୀମାନେ ସେହି ସ୍ଥାନ ଛାଡି ପଳାଇ ଯାଇଥିଲେ । ଭାରତୀୟ ସେନା ମଣିପୁର ଲୋକଙ୍କୁ ଆଇନ ବ୍ୟବସ୍ଥା ଉପରେ ଭରଶା ରଖିବାକୁ ନିବେଦନ କରିଥିଲେ । ସେପଟେ ଗତକାଲି ଗୃହମନ୍ତ୍ରୀ ଅମିତ ଶାହାଙ୍କ ଅଧ୍ୟକ୍ଷତାରେ ମଣିପୁର ହିଂସାକୁ ନେଇ ସଂସଦ ଭବନର ପୁସ୍ତକାଳୟରେ ଏକ ସର୍ବଦଳୀୟ ବୈଠକ ଅନୁଷ୍ଠିତ ହୋଇଯାଇଛି ।