ଭୁବନେଶ୍ୱର ପରେ ପୁରୀରେ ସୋ’ ଦେଖାଇବ ବାୟୁସେନା : ଆଜି ପୁରୀ ବେଳାଭୂମିରେ ରିହର୍ସାଲ୍ କରିବ ବାୟୁସେନାର ବିମାନ
କନକ ବ୍ୟୁରୋ : ଭୁବନେଶ୍ୱର ପରେ ପୁରୀରେ ସୋ ଦେଖାଇବ ଭାରତୀୟ ବାୟୁସେନା । ଆଜି ପୁରୀ ବେଳାଭୂମିରେ ବାୟୁସେନାର ବିମାନଗୁଡିକ ରିହର୍ସଲ୍ କରିବାର କାର୍ଯ୍ୟକ୍ରମ ରହିଛି । ହେଲେ ଆସନ୍ତାକାଲି ଘୂର୍ଣ୍ଣିଂବଳୟ ସୃଷ୍ଟି ହେଉଥିବାରୁ ଆଜି ଭାରତୀୟ ବାୟୁସେନା ଫୁଲ ସୋ’ ଦେଖାଇପାରେ ବୋଲି କୁହାଯାଉଛି । ଗତକାଲି ଭୁବନେଶ୍ୱରରେ ଦିନ ୧୦ଟାରୁ ୧୧ ଟା ମଧ୍ୟରେ ସୂର୍ଯ୍ୟକିରଣ ଏୟାର ସୋ ଦେଖାଇଥିଲା ଭାରତୀୟ ବାୟୁସେନା । କୁଆଖାଇ ବାଲିଯାତ୍ରା ପଡ଼ିଆରେ ବାୟୁସେନାର ସୋ’ ଦେଖିବାକୁ ବଳ ଭିଡ ଜମିଥିଲା । ଭୂମିର ୫୦୦ରୁ ୧ହଜାର ଫୁଟ ଉଚ୍ଚରେ ବାୟୁସେନା ତା’ର କଳା ପ୍ରଦର୍ଶନ କରିଥିଲା ।
Kanak News is now on WhatsApp
Join and get latest news updates delivered to you via WhatsApp
ଆସନ୍ତା ୧୮ ତାରିଖରେ ଲଘୁଚାପ ପ୍ରଭାବରେ ବର୍ଷା ହେବାର ପୂର୍ବାନୁମାନ କରିଛି। ଏହା ଏୟାର ସୋ’ରେ ପ୍ରତିବନ୍ଧକ ସୃଷ୍ଟି କରିପାରେ । ସେହି ଦୃଷ୍ଟିରୁ ସେପ୍ଟେମ୍ବର ୧୭ ତାରିଖରୁ ହିଁ ଦର୍ଶକଙ୍କ ପାଇଁ ଏହି ଏୟାର ସୋ’ ବ୍ୟବସ୍ଥା କରାଯାଇଛି । ଯଦି ପାଣିପାଗ ଅନୁକୂଳ ରୁହେ, ତେବେ ଆସନ୍ତା ୧୮ ତାରିଖରେ ବି ଦର୍ଶକ ଏହି ଏୟାର ସୋ’ ଦେଖିପାରିବେ । କିନ୍ତୁ ପାଗ ପ୍ରତିକୂଳ ରହିଲେ, ୧୮ ତାରିଖ ସୋ’ ବାତିଲ୍ କରାଯିବ ବୋଲି ପ୍ରଦୀପ କୁମାର ସାହୁ କହିଛନ୍ତି ।
ଉପଜିଲ୍ଲାପାଳ ଭବତାରଣ ସାହୁ କହିଛନ୍ତି, କେବଳ ତାରିଖକୁ ଛାଡ଼ିଦେଲେ, ଅନ୍ୟ ସବୁ ବ୍ୟବସ୍ଥା ଅପରିବର୍ତ୍ତିତ ରହିଛି । ପୂର୍ବ ନିଷ୍ପତ୍ତି ଅନୁଯାୟୀ, ଦର୍ଶକ ବ୍ଲୁ ଫ୍ଲାଗ୍ ବିଚ୍ରେ ରହି ଏହି ଏୟାର ସୋ’ ଦେଖିପାରିବେ। ବ୍ଲୁ ଫ୍ଲାଗ୍ ବିଚ୍ ପାର୍କିଂ ସ୍ଥଳରେ ନିଜ ନିଜ ଗାଡ଼ି ପାର୍କିଂ କରିବେ । ଏହି ଦୁଇଦିନ ବ୍ଲୁ ଫ୍ଲାଗ୍ ବିଚ୍ ପ୍ରବେଶ ଓ ପାର୍କିଂ ଦେୟମୁକ୍ତ କରାଯାଇଛି । ଦର୍ଶକ ବ୍ଲୁ ଫ୍ଲାଗ୍ ବିଚ୍ର ଯେ କୌଣସି ସ୍ଥାନରେ ଛିଡ଼ା ହୋଇ ଏହି ଏୟାର ସୋ’ ଦେଖିପାରିବେ। ଏଣୁ ସୋ’ ପୂର୍ବରୁ ଦର୍ଶକମାନେ ଆସିବାକୁ ଶ୍ରୀ ସାହୁ କହିଛନ୍ତି ।