ଅନଲାଇନରେ ହଜାର ହଜାର ଲୋକ ଭରିଲେ ବିଜୁଳି ବିଲ୍, ହେଲେ ଏହି ଟଙ୍କା ବିଜୁଳି ବିଭାଗ ଖାତାକୁ ନଯାଇ କାହା ଖାତାକୁ ଟ୍ରାନ୍ସଫର କରିଦେଲା ବ୍ୟାଙ୍କ
କନକ ବ୍ୟୁରୋ : ଉତ୍ତର ପ୍ରଦେଶ କାନପୁରରୁ ଆପଣଙ୍କୁ ଚକିତ କରିଦେବା ଭଳି ଘଟଣା ସାମ୍ନାକୁ ଆସିଛି । ଅଭିଯୋଗ ମୁତାବକ ହଜାର ହଜାର ଲୋକ ୧.୫ କୋଟି ଟଙ୍କାର ବିଜୁଳି ବିଲ୍ ଭରିଥିଲେ ବି ଏହା ବିିଜୁଳି ବିଭାଗର ବ୍ୟାଙ୍କ ଖାତାକୁ ନଯାଇ ଅନ୍ୟ କାହା ଖାତାକୁ ଟ୍ରାନ୍ସଫର କରିଦେଇଛନ୍ତି ବ୍ୟାଙ୍କ କର୍ମଚାରୀ । କାନପୁର ଇଲେକ୍ଟ୍ରିସିଟି ବିଜୁଳି ବିତରଣ କମ୍ପାନୀ ‘କେଇଏସସିଓ’ ଖାତାକୁ ନଯାଇ ଅନ୍ୟ କାହା ଖାତାକୁ ବ୍ୟାଙ୍କ କର୍ମଚାରୀ ଟ୍ରାନ୍ସଫର କରିଦେଇଛନ୍ତି । ଯେତେବେଳେ ହିସାବ କିତାବ ହେଲା ସେତେବେଳେ କୋଟି କୋଟି ଟଙ୍କା ହେରଫେର ହୋଇଥିବା ଜଣାପଡିଛି । ଏହି ମାମଲାରେ ବିଜୁଳି ବିତରଣ କମ୍ପାନୀ ଆଇସିଆଇସିଆଇ ବ୍ୟାଙ୍କ ବିରୋଧରେ ଥାନାରେ ଅଭିଯୋଗ କରିଛି । ବିଜୁଳି ବିତରଣ କମ୍ପାନୀ ଅଭିଯୋଗ କରିଛି କି ଅନଲାଇନରେ ପୈଠ ହୋଇଥିବା ବିଜୁଳି ବିଲର କୋଟି କୋଟି ଟଙ୍କା ବିତରଣ କମ୍ପାନୀର ବ୍ୟାଙ୍କ ଖାତାକୁ ନଯାଇ ଅନ୍ୟ କାହା ଖାତାକୁ ଚାଲିଯାଇଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଏଭଳି ଅଭିଯୋଗ ଆସିବା ପରେ ବିଜୁଳି ବିତରଣ କମ୍ପାନୀ ଅନ୍ୟ ଏକ ଅଭିଯୋଗ ମୁତାବକ କହିଛି କି, କେବଳ ଚଳିତ ମାସ ନୁହେଁ ଏହା ପୂର୍ବମାସ ବିଲରେ ବି ସମାନ ଘୋଟାଲା ହୋଇଥାଇ ପାରେ । ଏନେଇ କମ୍ପାନୀ ତରଫରୁ ପୂର୍ବମାସର ବିଲ ଉପରେ ହିସାବ କିତାବ ଆରମ୍ଭ କରିଛି ।
ଏଭଳି ଅଭିଯୋଗ ଆଣିବା ପରେ ସ୍ଥାନୀୟ ଏସପି କହିଛନ୍ତି କି, ବ୍ୟାଙ୍କ ପ୍ରବନ୍ଧକଙ୍କୁ ମୁଖ୍ୟ ଅଭିଯୁକ୍ତ ଭାବେ ନିଆଯାଇଛି । ଏହି ମାମଲାରେ ଅନ୍ୟ କେହି ସାମିଲ ଅଛନ୍ତି କି ନାହିଁ ତା ଉପରେ ଯାଂଚ ଚାଲିଛି ।