କନକ ବ୍ୟୁରୋ: ୨ ଦୁଷ୍କର୍ମ ଅଭିଯୁକ୍ତଙ୍କୁ ବାନ୍ଧି ଜାଳିଦେଲେ ଗାଁ ଲୋକେ । ଏପରି ଘଟଣା ଘଟିଛି ଝାରଖଣ୍ଡ ଗୁମଲା ଜିଲ୍ଲାର ସଦର ଥାନା ଇଲାକାର ଏକ ଗାଁରେ । ଏଠିକାର ଗ୍ରମାବାସୀ ଦୁଷ୍କର୍ମ କରିଥିବା ୨ ଅଭିଯୁକ୍ତଙ୍କୁ ଗାଡି ସହ ବାନ୍ଧି ପୋଡିଦେବା ପରେ ଜଣେ ଅଭିଯୁକ୍ତଙ୍କ ମୃତ୍ୟୁ ହୋଇଛି । ଅନ୍ୟଜଣେ ଅଭିଯୁକ୍ତର ଅବସ୍ଥା ସଙ୍କଟାପନ୍ନ ରହିଛି । ଗୁରୁତରକୁୁ ପୋଲିସ ଉଦ୍ଧାର କରି ହସ୍ପିଟାଲ ପଠାଇଛି ପୋଲିସ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଗାଁର ଜଣେ ଯୁବତୀ ବାହାରକୁ ଯାଇଥିଲେ ।ଏହାର ସୁଯୋଗ ନେଇ ଏହି ଦୁଇ ଯୁବକ ମିଶି ଯୁବତୀଙ୍କ ସହ ଦୁଷ୍କର୍ମ କରିଥିଲେ । ପୀଡିତାଙ୍କ ମା’ ଆସି ଗାଁରେ ଏହା କହିବା ପରେ ତାତି ଉଠିଥିଲେ ଗାଁଲୋକେ । ଦୁଇଜଣଙ୍କ ଉପରେ ପେଟ୍ରୋଲ ଢାଳି ନିଆଁ ଲଗାଇଦେଲେ । ପୋଲିସର କହିବା ମୁତାବକ, ଘଟଣାରେ ସୁନୀଲ ଉରାଉର ଘଟଣାସ୍ଥଳରେ ମୃତ୍ୟୁ ହୋଇଥିବାବେଳେ ଆଶିଷ ନାମକ ଯୁବକ ଗୁରୁତର ହୋଇପଡିଛି । ଏହାପରେ ପୁରା ଗାଁରେ ଉତ୍ତେଜନା ଲାଗି ରହିଛି । ଆଗକୁ ଯେପରି କୌଣସି ଅପ୍ରୀତିକର ପରିସ୍ଥିତି ସୃଷ୍ଟି ନହୁଏ ସେଥିପାଇଁ ଗାଁରେ ପୋଲିସ ଡେରା ପକାଇଥିବା ଜଣାପଡିଛି ।