ଭାରତ ଗହମକୁ ଖରାପ କହି ଫେରାଇ ଦେଲା ତୁର୍କୀ । ଦେଶ ଖୋଜୁଛି ଅନ୍ୟ ବ୍ୟବସ୍ଥା
କନକ ବ୍ୟୁରୋ: ଋଷ ଓ ୟୁକ୍ରେନ ଯୁଦ୍ଧ କାରଣରୁ ଉପୁଜୁଥିବା ଗହମ ସଙ୍କଟ ମଧ୍ୟରେ ଭାରତକୁ ତୁର୍କୀ ଗହମ ଫେରାଇ ଦେଇଛି । ତୁର୍କୀ କହିଛି ଯେ, ଭାରତରେ ଗହମରୁ ରୁବେଲା ଭାଇରସ୍ ମିଳିଛି । ଭାରତର ଗହମରେ ଫାଇଟୋସେନିଟାରୀ ସମସ୍ୟା ରହିଛି । ଏହାପରେ ଗତ ୨୯ ତାରିଖରେ ଭାରତରୁ ଯାଇଥିବା ଗହମ ଫେରାଇ ଦେଇଛି ।
Kanak News is now on WhatsApp
Join and get latest news updates delivered to you via WhatsApp
ଏସଆଣ୍ଡପି ଗ୍ଲୋବାଲ କମୋଡିଟି ଇନସାଇଟ୍ସର ରିପୋର୍ଟ ମୁତାବକ, ଜାହାଜରେ ୫୬,୮୭୭ ଟନ୍ ଗହମ ଭାରତରୁ ତୁର୍କୀକୁ ରପ୍ତାନୀ ହୋଇଥିଲା । ଏବେ ଏହି ଜାହାଜକୁ ତୁର୍କୀରୁ ଗୁଜୁରାଟର କାନ୍ଧଲା ବନ୍ଦରକୁ ଫେରାଇ ଦିଆଯାଇଛି । ଇସ୍ତାନବୁଲର ଜଣେ ବ୍ୟବସାୟୀ କହିଛନ୍ତି ଯେ, ଭାରତର ଗହମରେ ରୁବେଲା ଭାଇରସ୍ ମିଳିଛି । ଏହି କାରଣରୁ ତୁର୍କୀର କୃଷି ମନ୍ତ୍ରଣାଳୟ ଏହି ଗହମ ଜାହାଜକୁ ଗ୍ରହଣ କରିବାକୁ ମନାକରିଦେଇଛନ୍ତି ।
ଚଳିତ ବର୍ଷ ଲୁ ପ୍ରବାହ ଯୋଗୁଁ ଦେଶରେ ଗହମ ରପ୍ତାନୀ ହ୍ରାସ ପାଇଥିବାବେଳେ ବିଦେଶକୁ ଗହମ ରପ୍ତାନୀ ଉପରେ ରୋକ ଲଗାଇଥିଲେ ଭାରତ ସରକାର । ହେଲେ ଇଣ୍ଟରନ୍ୟାସନାଲ ମନିଟାରୀ ଫଣ୍ଡର ଇକୋନୋମିକ୍ ଫୋରୋମରେ ଏହାର ମୁଖ୍ୟ ଭାରତର ଏପରି ଅଭିମୁଖ୍ୟକୁ ଭୁଲ ବୋଲି ଦର୍ଶାଇବା ସହ ଏହା ଉପରେ ପୁନର୍ବାର ବିଚାର କରିବାକୁ ମୋଦୀ ସରକାରଙ୍କୁ ନିବେଦନ କରିଥିଲେ । କାରଣ ଭାରତର ଏପରି ନିଷ୍ପତ୍ତିରେ ପରୋକ୍ଷ ଭାବେ ଅନେକ ରାଷ୍ଟ୍ରରେ ଖାଦ୍ୟ ସମସ୍ୟା ଉପୁଜିବାର ଆଶଙ୍କା ରହିଥିବା ସେ କହିଥିଲେ । ଏହାପରେ ଭାରତ ବିଭିନ୍ନ ଦେଶକୁ ଗହମ ରପ୍ତାନୀ କରିଛି । ତୁର୍କୀ ସହ ମିଶରକୁ ଭାରତ ୬୦୦୦୦ ଟନ୍ ଗହମ ପଠାଇଛି ।