କନକ ବ୍ୟୁରୋ: ବିଶ୍ୱକପ୍ ହକିକୁ ନେଇ ସଜେଇ ହେଉଛି ସହର । କିନ୍ତୁ ଏହି ସାଜସଜା କାହା ପାଇଁ ଖୁସି ଆଣିଛି ତ ଆଉ କାହା ପାଇଁ ନେଇ ଆସିଛି ଦୁଃଖ । ଆଉ ସେହି ସାଜସଜ୍ଜା ଭିତରେ ଭୁବନେଶ୍ୱରରେ ରହୁଥିବା ଦେହଜୀବୀଙ୍କ ଘର ଉଜୁଡି ଯାଇଛି । ସେମାନଙ୍କ ଘରକୁ ଭାଂଗି ଦେଇଛି ପ୍ରଶାସନ । ଏବେ ଖୋଲା ଆକାଶ ତଳେ ବିତୁଛି ସେମାନଙ୍କ ଜୀବନ ।
Kanak News is now on WhatsApp
Join and get latest news updates delivered to you via WhatsApp
ହକି ବିଶ୍ୱକପ୍ ଲାଗି ସହର ସଜେଇବା ଆଳରେ ଭୁବନେଶ୍ୱର ବାଣୀବିହାର ପାଖ ଦେହଜୀବୀ ବସ୍ତିକୁ ଭାଂଗି ଦେଇଛନ୍ତି ସରକାର । ଆଉ ଘର ଘର ଭାଂଗିଯିବା ପରେ ଛିନ ଛତର ହୋଇ ଏଣେ ତେଣେ ପଡିଛି ସେମାନଙ୍କ ନିତ୍ୟବ୍ୟବହାର୍ଯ୍ୟ ଜିନିଷପତ୍ର । ହେଲେ ସେମାନଙ୍କ ପାଖରେ କିଛି ଉପାୟ ନାହିଁ । ସେହି ଭଂଗା ଘର ଉପରେ ବସି, ପଡିଥିବା ଇଟା ତଳୁ ପୁରୁଣା ଦିନର ସ୍ମୃତି ସାଉଁଟିଛନ୍ତି ଦେହଜୀବୀ । ନିଜ ଭାଗ୍ୟକୁ ଆଦରି ଖୋଲା ଆକାଶ ତଳେ ଶୀତ କାକରରେ ପିଲା ଛୁଆଁଙ୍କୁ ଧରି ପଡି ରହିଛନ୍ତି ।
ଦୀର୍ଘ ୨୦ ବର୍ଷ ହେବ ଏଠାରେ ଦେହ ବ୍ୟବସାୟ କରି ନିଜର ଗୁଜୁରାଣ ମେଂଟାଉଥିଲେ । କିନ୍ତୁ ଘର ଭାଂଗିଯିବା ପରେ, କୁଆଡେ ଯିବେ, କଣ ଖାଇବେ, କେଉଁଠି ରହିବେ, କେମିତି ଚଳିବେ, ଏବେ ଦେହଘାରିଛି ସେହି ଚିନ୍ତା ଘାରିଛି । ହେଲେ, ସେମାନଙ୍କ ଦୁଃଖ ବୁଝିବାକୁ କେହି ନାହିଁ ।
ଜଙ୍ଗଲ ସଫାକରି ଦୀର୍ଘ ବର୍ଷ ହେଲା ସେମାନେ ଏଠାରେ ରହି ଆସୁଥିବାରୁ ଥଇଥାନ ନକରି ହକି ବିଶ୍ୱକପ୍ ଆଳରେ ଘର ଭାଂଗି ଦିଆଯିବାକୁ ସେମାନେ ସହଜରେ ଗ୍ରହଣ କରିପାରି ନାହାଁନ୍ତି । ୭ଦିନ ଭିତରେ ସେମାନଙ୍କ ସମସ୍ୟା ସମାଧାନ ନକଲେ ଆନ୍ଦୋଳନ କରିବାକୁ ଚେତାବନୀ ଦେଇଛନ୍ତି ।