କନକ ବ୍ୟୁରୋ : ଆସନ୍ତା ୨୫ରେ ଆଇଏନ୍ଡ଼ବ୍ଲୁଇସିର ୭ ମହିଳା ଉଦ୍ୟୋଗୀ ଯିବେ ବ୍ରିଟେନ୍ । ଓଡ଼ିଶାର ଉତ୍ପାଦିତ ସାମଗ୍ରୀର ବ୍ୟାବସାୟୀ ପାଇଁ ସୃଷ୍ଟି ହେବ ସୁଯୋଗ । ଇଣ୍ଡିଆନ୍ ଚାମ୍ବର ଅଫ୍ କମର୍ସ ଜାତୀୟ ମହିଳା ଉଦ୍ୟୋଗୀ ପରିଷଦ ବା ଆଇଏନ୍ଡ଼ବ୍ଲୁଇସିର ମହିଳା ଉଦ୍ୟୋଗୀଙ୍କ ଏକ ଡେଲିଗେସନ ଟିମ୍ ପ୍ରଥମ ଥର ପାଇଁ ବିଦେଶ ଗସ୍ତ କରୁଛନ୍ତି । ଜାତୀୟ ଅଧ୍ୟକ୍ଷା ସୁକିର୍ତୀ ପଟ୍ଟନାୟକଙ୍କ ନେତୃତ୍ୱରେ ଓଡ଼ିଶାର ସାତଜଣ ମହିଳା ଉଦ୍ୟୋଗୀଙ୍କ ଏକ ପ୍ରତିନିଧି ଦଳ ବ୍ରିଟେନକୁ ଯାତ୍ରା କରିବେ ଏବଂ ବଜାର ପ୍ରବେଶ ତଥା ଓଡ଼ିଶାରେ ଉତ୍ପାଦିତ ସାମଗ୍ରୀ ଏବଂ ସେବା ପାଇଁ ଲିଙ୍କେଜ୍ ମାଧ୍ୟମରେ ବ୍ରିଟେନରେ ବ୍ୟବସାୟିକ ସୁଯୋଗ ଅନୁସନ୍ଧାନ କରିବେ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଏହି ପ୍ରତିନିଧୀ ବ୍ରିଟିଶ ଉଦ୍ୟୋଗୀ ଏବଂ ଓଡ଼ିଶାର ସୁଯୋଗ ପାଇଁ ଆଗ୍ରହୀ ନିବେଶକଙ୍କ ସହ ମଧ୍ୟ ସଂଯୋଗ କରିବେ । ପ୍ରତିନିଧିଙ୍କ ସଦସ୍ୟମାନେ ଆସନ୍ତା ୨୫ ଅଗଷ୍ଟ ୨୦୨୩ରେ ବ୍ରିଟେନରେ ପହଞ୍ଚିବେ ଏବଂ ୭ ରୁ ୧୪ ଦିନ ପର୍ଯ୍ୟନ୍ତ ବ୍ରିଟେନରେ ରହିବେ । ଏହି ଟିମ୍ ୨୬ ଓ ୨୭ ଅଗଷ୍ଟରେ ବ୍ରିଟେନର ହାରୋ ଠାରେ ଥିବା ଓଡ଼ିଶା ସୋସାଇଟି ଅଫ୍ ୟୁକେର ୪୪ ତମ ବାର୍ଷିକ ସମ୍ମିଳନୀରେ ଯୋଗଦେବା ସହ ଓଡ଼ିଶା ପାଇଁ ପ୍ରତିନିଧିତ୍ୱ କରିବେ । ଓଡ଼ିଶାର ହ୍ୟାଣ୍ଡଲୁମ, ଚିତ୍ରକଳା, ଉପଯୁକ୍ତ ଅର୍ଥରେ ସେଲୁନର ସମସ୍ତ ସୁବିଧା ଯୋଗାଇ ଦେବା ପାଇଁ ଏକ ଷ୍ଟଲ ମଧ୍ୟ ସେଠାରେ ରହିବ ।
ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଓଡ଼ିଶା ସରକାରଙ୍କର ନିର୍ମାଣ ଶ୍ରମିକ ବୋର୍ଡ଼ ଅଧ୍ୟକ୍ଷା ଶ୍ରୀମୟୀ ମିଶ୍ର ଯୋଗଦେଇଥିଲେ । ସମ୍ମାନୀତ ଅତିଥି ଭାବେ ଶିବ କୁମାର ବିଶ୍ୱାଳ ସାଧାରଣ ସମ୍ପାଦକ ଓଏସ୍ୟୁକେ ଯୋଗଦେଇ ମହିଳା ଉଦ୍ୟୋଗୀ ମାନଙ୍କୁ ଉତ୍ସାହିତ କରିଛନ୍ତି । ଏହା ସହ ଆଇଏନ୍ଡ଼ବ୍ଲୁଇସି ଆବାହକ ତନୟା ପଟ୍ଟନାୟକ ମହିଳା ଉଦ୍ୟୋଗୀମାନଙ୍କୁ ଓଡ଼ିଶାର ପ୍ରଥମ ମହିଳା ବ୍ୟବସାୟ ପ୍ରତିନିଧି ହୋଇଥିବାରୁ କୌଣସି ଦେଶ ପରିଦର୍ଶନରେ ପ୍ରଥମ ଦଳ ହୋଇଥିବାରୁ ତାଙ୍କୁ ଅଭିନନ୍ଦନ ଜଣାଇଛନ୍ତି ।