କନକ ବ୍ୟୁରୋ : ଋଷ ଓ ୟୁକ୍ରେନ ମଧ୍ୟରେ ଲାଗିଥିବା ଯୁଦ୍ଧ ୩ ମାସ ପୁରିବାକୁ ବସିଲାଣି । ହେଲେ ନା ୟୁକ୍ରେନ ତା ଜିଦ୍ଦିରୁ ଓହୁରୁଛି ନା ଋଷ । ଏହା ଫଳରେ ଉଭୟ ଦେଶର ଲକ୍ଷ ଲକ୍ଷ ଲୋକଙ୍କ ଜୀବନ ଯାଉଛି । ଏହାସହ ୟୁକ୍ରେନରେ ଋଷ ଯେଭଳି ଦମନଲୀଳା ଚଳାଇଛି ତାହା ଏବେ ଅନେକ ଲୋକଙ୍କୁ ମର୍ମାହତ କରିଛି । ଏହି କ୍ରମରେ ବ୍ରାଜିଲର ପ୍ରସିଦ୍ଧ ଫୁଟବଲ ଖେଳାଳୀ ପେଲେ ଏବେ ପୁଟିନଙ୍କୁ ଏକ ଚିଠି ଲେଖିଛନ୍ତି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ମେଡିକାଲରେ କର୍କଟ ରୋଗ ସହ ଲଢୁଥିବା ୮୧ ବର୍ଷିୟ ପେଲେ ପୁଟିନଙ୍କୁ ଯୁଦ୍ଧ ବନ୍ଦ କରିବା ନେଇ ଚିଠି ମାଧ୍ୟମରେ ଅନୁରୋଧ କରିଛନ୍ତି । ତାଙ୍କ ଚିଠି ସେତେବେଳେ ଚର୍ଚ୍ଚାକୁ ଆସିଛି ଯେତେବେଳେ ୟୁକ୍ରେନ ଫୁଟବଲ ଟିମ୍ ବିଶ୍ୱକପ୍ କ୍ୱାଲିଫାଇଙ୍ଗ ମ୍ୟାଚରେ ସ୍କଟଲାଣ୍ଡକୁ ୩-୧ ଗୋଲରେ ପରାସ୍ତ କରିଛି । ପେଲେ ତାଙ୍କ ଇନଷ୍ଟାଗ୍ରାମ ପୋଷ୍ଟରେ ଲେଖିଛନ୍ତି କି ୟୁକ୍ରେନବାସୀ ମାନେ ସର୍ବନିମ୍ନ ୯୦ ମିନିଟ ପାଇଁ ଦେଶର ବର୍ତ୍ତମାନ ପରିସ୍ଥିତିକୁ ଭୁଲିଯାଇଥିଲେ । ଏନେଇ ପେଲେ ଲେଖିଛନ୍ତି କି ହଜାର ହଜାର ଲୋକଙ୍କ ଜୀବନ ବାଜିରେ ଲାଗିଥିବା ବେଳେ ୟୁକ୍ରେନ ଖେଳାଳୀମାନେ ଯେଭଳି ଶୃଙ୍ଖଳିତ ପ୍ରଦର୍ଶନ କରି ବିଶ୍ୱକପରେ ସ୍ଥାନ ପକ୍କା କଲେ ତାହା ଅନ୍ୟଦେଶମାନେ ଶିଖିବା ଆବଶ୍ୟକ । ଏହାସହ ସେ ପୁଟିନକୁ ଯୁଦ୍ଧ ବନ୍ଦ କରିବାକୁ ଅନୁରୋଧ ମଧ୍ୟ କରିଛନ୍ତି ।
ପେଲେ ପୁଟିନଙ୍କ ଉର୍ଦ୍ଦେଶ୍ୟରେ ଲେଖିଛନ୍ତି କି ଯେତେବେଳେ ଆମେ ପୂର୍ବଥର ଭେଟିଥିଲେ ଉଭୟ ଉଭୟଙ୍କ ସହ ହାତ ମିଳାଇଥିଲେ । ହେଲେ ମୁଁ ଆଶା କରି ନଥିଲି କି ଏଭଳି ଭାବେ ଆମ ଭିତରେ ମତଭେଦ ଦେଖାଦେବ । ସଂଯୁକ୍ତ ରାଷ୍ଟ୍ରର ମାନବାଧିକାର ଉପାୟୁକ୍ତଙ୍କ ମୁତାବକ ୟୁକ୍ରେନରେ ଜାରି ରହିଥିବା ଯୁଦ୍ଧରେ ପାଖାପାଖି ୪ ହଜାର ସାଧାରଣ ନାଗରିକ ପ୍ରାଣ ହରାଇ ସାରିଲେଣି । ଏବେ ଋଷ ସେନା ପକ୍ଷରୁ ୟୁକ୍ରେନର ଦକ୍ଷୀଣ ଓ ପୂର୍ବାଞ୍ଚଳ ଉପରେ ଜୋରଦାର ଆକ୍ରମଣ ଜାରି ରହିଛି ।