ଚକିତ କଲେ ଓୱେସୀ । ବିଜେପିକୁ ହରାଇବାକୁ ଶିବସେନା ନେତୃତ୍ୱାଧିନ ଏମଭିଏକୁ ଭୋଟ ଦେବାକୁ କଲେ ଘୋଷଣା
କନକ ବ୍ୟୁରୋ: ବର୍ତ୍ତମାନ ସମୟରେ ଧର୍ମକୁ ନେଇ ବିଜେପି ଓ ଏଆଇଏମଆଇଏମ୍ ମୁହାଁମୁହିଁ ହୋଇଛନ୍ତି । ଏପରି ସ୍ଥିତିରେ ବିଜେପିକୁ ବିଭିନ୍ନ ଉପାୟରେ ଟାର୍ଗେଟ କରୁଛନ୍ତି ଏହାର ମୁଖ୍ୟ ଅସଦୁଦ୍ଦିନ ଓୱେସୀ । ମହାରାଷ୍ଟ୍ରରେ ରାଜ୍ୟସଭା ଭୋଟ ହେବାକୁ ଥିବାବେଳେ ବିଜେପିକୁ କିପରି ପଛରେ ପକାଇବ ସେଥିପାଇଁ ରଣନୀତି ପ୍ରସ୍ତୁତ କରିଛନ୍ତି ଓୱେସୀ ।
Kanak News is now on WhatsApp
Join and get latest news updates delivered to you via WhatsApp
ରାଜ୍ୟ ବିଧାନସଭାରେ ଆଜି ହେବାକୁ ଥିବା ରାଜ୍ୟସଭା ନିର୍ବାଚନରେ ଶିବସେନା ନେତୃତ୍ୱାଧିନ ମହାବିକାଶ ଅଘାଡିର ପ୍ରାର୍ଥୀଙ୍କୁ ଭୋଟ ଦେବାକୁ ଘୋଷଣା କରିଛନ୍ତି ଓୱେସୀ । ଏଆଇଏମଆଇଏମ୍ ସାଂସଦ ଇମତିଆଜ୍ ଜଲିଲ ଟ୍ୱିଟ୍ କରି ଏହି ସୂଚନା ଦେଇଛନ୍ତି ।