କନକ ବ୍ୟୁରୋ : କେନ୍ଦୁଝର ରାଜବଂଶର ୪୯ତମ ରାଜା ଭାବେ ଯୁବରାଜ ଧନଞ୍ଜୟ ନାରାୟଣ ଭଞ୍ଜ ବିଧିବଦ୍ଧ ଭାବେ ରାଜ ସିଂହାସନ ଆରୋହଣ କରିଛନ୍ତି । ବିଧି ମୁତାବକ ଆଜିଠାରୁ ଯୁବରାଜ ଧନଞ୍ଜୟ ବଳଦେବଜିଉ ମନ୍ଦିରର ପୂଜା ସଂକଳ୍ପ କାର୍ଯ୍ୟ ତୁଲାଇବାକୁ ସ୍ଥିର ହୋଇଛି । କେନ୍ଦୁଝର ରାଜବଂଶର ୪୮ତମ ଗଡଜାତ ରାଜା ଅନନ୍ତ ନାରାୟଣ ଭଞ୍ଜଙ୍କ ମୃତୁା ଗତ ୧ ତାରିଖରେ ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ସେହିଦିନ ହିଁ ୪୯ତମ ରାଜା ଭାବେ ଅନନ୍ତ ନାରାୟଣଙ୍କ ଜ୍ୟେଷ୍ଠ ପୁତ୍ର ଯୁବରାଜ ଧନଞ୍ଜୟ ନାରାୟଣ ଭଞ୍ଜଙ୍କୁ କାମଚଳା ଅଭିଷେଖ ଜରିଆରେ ରାଜା କରାଯାଇଥିଲା । ରାଜା ପରମ୍ପରା ମୁତାବକ, ଜଣେ ଉତରାଧିକାରୀଙ୍କୁ ଅଭିଷେକ କରି ରାଜ ଗାଦିରେ ନ ବସାଇଲେ ରାଜାଙ୍କ ଅନ୍ତିମ ସଂସ୍କାର ହୋଇପାରିବ ନାହିଁ । ତେଣୁ ଅନନ୍ତ ନାରାୟଣଙ୍କ ଦେହାନ୍ତ ପରେ ଜ୍ୟେଷ୍ଠ ପୁତ୍ର ଧନଞ୍ଜୟ ନାରାୟଣ ଭଞ୍ଜଙ୍କୁ କାମଚଳା ରାଜା ଭାବେ ଅଭିଷିକ୍ତ କରାଯାଇଥିଲା ।