ଗାନ୍ଧୀ ପରିବାର ପାଇଁ ବଢିଲା ଅଡୁଆ, ଅର୍ଥ ହେରଫେର ମାମଲାରେ ସୋନିଆ ଓ ରାହୁଲଙ୍କୁ ନୋଟିସ ପଠାଇଲା ପ୍ରବର୍ତ୍ତନ ନିର୍ଦ୍ଦେଶାଳୟ
କନକ ବ୍ୟୁରୋ : ଜାତୀୟ କଂଗ୍ରେସ ପାଇଁ ପୁଣି ଏକ ଅଡୁଆ ଏବେ ଉଭା ହୋଇଛି । ଗୋଟିଏ ପଟେ ଦଳକୁ ସମ୍ଭାଳିବାକୁ ସକ୍ଷମ ହୋଇପାରୁ ନଥିବା ଦଳର ହାଇକମାଣ୍ଡ ସୋନିଆ ଗାନ୍ଧୀ ଓ ତାଙ୍କ ସାଂସଦ ପୁତ୍ର ରାହୁଲ ଗାନ୍ଧୀଙ୍କ ନିକଟକୁ ପ୍ରବର୍ତ୍ତନ ନିର୍ଦ୍ଦେଶାଳୟ ନୋଟିସ ଜାରି କରିଛି ।
Kanak News is now on WhatsApp
Join and get latest news updates delivered to you via WhatsApp
ନ୍ୟାସନାଲ ହେରାଲ୍ଡ ମାମଲାରେ ଅର୍ଥ ହେରଫେର କରିଥିବା ନେଇ ଇଡି ତରଫରୁ ଏଭଳି ନୋଟିସ କରାଯାଇଥିବା ଦାବି କରିଛନ୍ତି କଂଗ୍ରେସ ନେତା । ଦଳୀୟ ନେତା ଅଭିଷେକମନୁ ସଂଘଭୀ ଓ ରଣଦୀପ ସୁରଜୱାଲା ଏନେଇ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।
ଅଭିଷେକମନୁ ସଂଘଭୀ କହିଛନ୍ତି କି, ଏହି ମାମଲାରେ ଇଡି ତରଫରୁ ପଚରା ଉଚରା ପାଇଁ ସୋନିଆ ଗାନ୍ଧୀଙ୍କୁ ଜୁନ ୮ ତାରିଖକୁ ଡକାଯାଇଛି । ସେପଟେ ରଣଦୀପ ସୁରଜୱାଲା କହିଛନ୍ତି କି ଇଡିର ଏଭଳି ନୋଟିସକୁ ଡରିବାର ନାହିଁ କି ନଇଁବାର ନାହିଁ । ଛାତି ବାଡେଇ ଏଭଳି ରାଜନୈତିକ ଅଭିସନ୍ଧି ବିରୋଧରେ କଂଗ୍ରେସ ଲଢେଇ କରିବ ବୋଲି ସେ କହିଛନ୍ତି । ଏହାସହ ସଂଘଭୀ କହିଛନ୍ତି କି ସୋନିଆ ଗାନ୍ଧୀ ଜୁନ ୮ ତାରିଖରେ ଇଡି କାର୍ଯ୍ୟାଳୟରେ ହାଜର ହେବେ । ହେଲେ ରାହୁଲ ଗାନ୍ଧୀ ବିଦେଶ ଯାତ୍ରାରେ ଥିବାରୁ ସେ ହାଜର ହେବା ନେଇ ଅନିଶ୍ଚିନ୍ତତା ଦେଖା ଦେଇଛି ।
Enforcement Directorate summons Congress interim president Sonia Gandhi and party MP Rahul Gandhi over the National Herald case, which was closed by the investigating agency in 2015: Official Sources pic.twitter.com/RKqVNpEDXE
— ANI (@ANI) June 1, 2022
ଏନେଇ ସାମ୍ବାଦିକ ସମ୍ମିଳନୀରେ ସୁରଜୱାଲା ଇଡି ଉପରେ ବର୍ଷିଛନ୍ତି । ସେ କହିଛନ୍ତି କି ଏହି ମନଗଢା କାହାଣୀ ପ୍ରସ୍ତୁତ କରିବା ପଛରେ ପ୍ରଧାନମନ୍ତ୍ରୀଙ୍କ ହାତ ରହିଛି । ପ୍ରଧାନମନ୍ତ୍ରୀଙ୍କ ଇସାରାରେ ଇଡି ଏଭଳି ନୋଟିସ ପଠାଇଥିବା କଥା ସେ କହିଛନ୍ତି ।