କନକ ବ୍ୟୁରୋ: ଅମୃତସର ସ୍ୱର୍ଣ୍ଣ ମନ୍ଦିର ନିକଟରେ ତମାଖୁ ଖାଉଥିଲେ ବୋଲି ଶିଖ୍ ନିହଙ୍ଗମାନେ ଯୁବକଙ୍କୁ ହତ୍ୟା କରିବା ଘଟଣା ସ୍ଥାନୀୟ ଇଲାକାରେ ଚାଞ୍ଚଲ୍ୟ ସୃଷ୍ଟି କରିଛି । ରାତିସାରା ମୃତଦେହ ପଡି ରହିବା ପରେ ସକାଳେ ଆସି ପୋଲିସ ଶବ ଜବତ କରିବା ସହ ଖୁବ୍ ଶୀଘ୍ର ଅଭିଯୁକ୍ତଙ୍କୁ ଗିରଫ କରାଯିବ ବୋଲି କହିଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଯୁବକ ସ୍ୱର୍ଣ୍ଣ ମନ୍ଦିର ନିକଟରେ ତମ୍ବାଖୁ ସେବନ କରୁଥିଲେ ବୋଲି ଦୁଇ ଶିଖ୍ ନିହଙ୍ଗ ତାଙ୍କୁ ହତ୍ୟା କରିଥିବା ଜଣାପଡିଛି । ଏହି ହତ୍ୟା ଘଟଣା ହରମନ୍ଦିର ସାହିବ ନିକଟ ବାଜାର କ୍ଷେତ୍ରରେ ହୋଇଛି ।ଏସବୁ ଘଟଣା ସିସିଟିଭିରେ କଏଦ ହୋଇଛି ।
ସୂଚନା ମୁତାବକ, ମୃତ ଯୁବକଙ୍କ ପରିବାର ଲୋକଙ୍କ କହିବା ମୁତାବକ, ଯୁବକ ରାସ୍ତାରେ ଯାଉଥିବା ବେଳେ ସିହଙ୍ଗ ଶିଖ୍ ତାଙ୍କ ଉପରେ ଖଣ୍ଡାରେ ଆକ୍ରମଣ କରିଥିଲେ । ଅନ୍ୟପଟେ ପୋଲିସର କହିବା ଅନୁସାରେ ଯୁବକ ପ୍ରଥମେ ମଦ୍ୟପାନ କରିବା ପରେ ସେଠାରେ ତମାଖୁ ସେବନ କରିଥିଲା । ନିହଙ୍ଗମାନେ ତାଙ୍କୁ ଏପରି କରିବାକୁ ବାରଣ କରିବାରୁ ସେ କଥା ନମାନି ତମାଖୁ ନେଇଥିଲେ । ଫଳରେ ଉତ୍ୟକ୍ତ ନିହଙ୍ଗ ତାଙ୍କୁ ଆକ୍ରମଣ କରିଥିଲେ ।