ଦ୍ୱିତୀୟ ବିବାହ କରିବେ IAS ଟିନା ଡାବି । ଜାଣନ୍ତୁ ଏଥର କିଏ ହେବେ ତାଙ୍କ ଜୀବନସାଥୀ
କନକ ବ୍ୟୁରୋ: ୟୁପିଏସସି ଟପର୍ ଟିନା ଡାବୀ ଦ୍ୱିତୀୟ ବିବାହ କରିବାକୁ ଯାଉଛନ୍ତି । ହେଲେ ଏଥର କାହାକୁ ସେ ନିଜ ଜୀବନସାଥୀ କରୁଛନ୍ତି ସେ ନେଇ ସମସ୍ତଙ୍କ ମନରେ ଉକ୍ରଣ୍ଠା । ପୁଣିଥରେ ବିବାହ କରିବାର ଖବର ଟିନା ନିଜ ଇନଷ୍ଟାରେ ଜଣାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
୨୦୧୬ ବର୍ଷର ରାଜସ୍ଥାନ କ୍ୟାଡରର ଆଇଏଏସ୍ ଟିନା ଡାବି ୨୦୧୩ ବ୍ୟାଚର ଆଇଏଏସ୍ ପ୍ରଦୀପ ଗୱାଣ୍ଡେଙ୍କୁ ଖୁବ ଶିଘ୍ର ବିବାହ କରିବେ ।ପ୍ରଦୀପଙ୍କ ସହ ନିଜର ଏକ ଘନିଷ୍ଠ ଫଟୋକୁ ଇନଷ୍ଟାଗ୍ରାମରେ ସେୟାର କରିବା ସହ ଏହି ଖବର ଜଣାଇଛନ୍ତି ଟିନା । ‘ଯେଉଁ ହସ ତୁମେ ଦେଇଛ ତାକୁ ହିଁ ପରିଧାନ କରିଛି’ ବୋଲି ନିଜ ପେଜରେ ପୋଷ୍ଟ କରିଛନ୍ତି ଟିନା ।
ଟିନାଙ୍କର ଏହା ହେଉଛି ଦ୍ୱିତୀୟ ବିବାହ । ଏହା ପୂର୍ବରୁ ଟିନା ୨୦୧୬ ବ୍ୟାଚର ଦ୍ୱିତୀୟ ଟପର୍ ଅତହର ଖାନଙ୍କ ସହ ବିବାହ କରିଥିଲେ । ହେଲେ ବେଶି ଦିନ ତିଷ୍ଠି ପାରିନଥିଲା ଏହି ବନ୍ଧନ ।
୨୦୨୦ରେ ଦୁହେଁ ପାରସ୍ପରିକ ବୁଝାମଣାରେ ଛାଡପତ୍ର ନେଇଥିଲେ । ଟ୍ରେନିଙ୍ଗ ସମୟରେ ଦୁହିଁଙ୍କର ଦେଖା ଓ ଏହା ପ୍ରେମରେ ବଦଳିଯାଇଥିଲା । ଦୁହେଁ ଦୁଇ ଭିନ୍ନ ସମ୍ପ୍ରଦାୟର ହୋଇଥିବାରୁ ଏହି ବିବାହକୁ ବିଭିନ୍ନ ମହଲରୁ ବିଶେଷ କରି ସଂଖ୍ୟାଲଘୁ ସମ୍ପ୍ରଦାୟରୁ ବିରୋଧ ହୋଇଥିଲେ ବି ଦୁହେଁ ବିବାହ କରିଥିଲେ । ବିବାହ ପରେ ଅତହର ରାଜସ୍ଥାନରେ କାର୍ଯ୍ୟରତ ଥିଲେ । ହେଲେ ବିବାହ ବିଚ୍ଛେଦ ପରେ ସେ ଜମ୍ମୁ-କାଶ୍ମୀର ଟ୍ରାନ୍ସଫର ହୋଇ ଚାଲିଯାଇଥିଲେ ।