ଆପାର୍ଟମେଣ୍ଟରୁ ଡେଇଁ ସ୍ତ୍ରୀର ଆତ୍ମହତ୍ୟା ,ପରେ ଝିଅକୁ ଧରି ଡେଇଁପଡିଲେ କନଷ୍ଟେବଳ । ଆତ୍ମହତ୍ୟାର କାରଣ ଅସ୍ପଷ୍ଟ ।
କନକ ବ୍ୟୁରୋ: ୧୨ ମହଲା କୋଠାରୁ ଡେଇଁ ଆତ୍ମହତ୍ୟା କଲେ ପୋଲିସ କନଷ୍ଟେବଲ । ପ୍ରଥମେ ସ୍ତ୍ରୀ କୋଠାରୁ ଡେଇଁ ପଡିବା ପରେ ପରେ କୁନି ଝିଅକୁ ଧରି ଡେଇଁ ପଡିଲେ କନଷ୍ଟେବଳ କୁଲଦୀପ ସିଂହ ଯାଦବ । ଗୁଜରାଟ ଗୋଟା ଅଞ୍ଚଳର ବସ୍ତ୍ରାପୁରରେ ଘଟିଛି ଏପରି ଅଭାବନୀୟ ଘଟଣା । ଏହି ସମୂହ ଆତ୍ମହତ୍ୟାକୁ ନେଇ ଏବେ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ପୁଲିସର କହିବା ଅନୁସାରେ ଅହମଦାବାଦ ନଗରୀର ଏକ ଥାନାରେ ନିଯୁକ୍ତ କନଷ୍ଟେବଳ ଜଣକ ଆତ୍ମହତ୍ୟା କରିବା ପୂର୍ବରୁ ତାଙ୍କର ବନ୍ଧୁ ଓ ସହକର୍ମୀମାନଙ୍କ ପାଖକୁ ହ୍ୱାଟ୍ସଆପ୍ରେ ଦୀର୍ଘ ବାର୍ତ୍ତା ପଠାଇଥିଲେ । ଏସବୁ ବାର୍ତ୍ତା ବେଶ୍ ଆବେଗଭରା ଥିଲା । ଏଥିରେ ସେ ସେମାନଙ୍କ ସହିତ ଓ ତାଙ୍କ ବାପାମାଆଙ୍କ ସହିତ କଟାଇଥିବା ମୁହୂର୍ତ୍ତଗୁଡ଼ିକ ସ୍ମରଣ କରିଥିଲେ।
ନିଜ ଚାକିରିକୁ ନେଇ ବେଶ୍ ଖୁସି ଥିଲେ କନଷ୍ଟେବଲ କୁଲଦୀପ ସିଂହ ଯାଦବ । ତାଙ୍କର ଦରମା ବଢିଥିଲା । ଏହାସହ ସମସ୍ତ ଅଧିକାରୀଙ୍କ ଠାରୁ ଆରମ୍ଭ କରି ଅନ୍ୟ କର୍ମଚାରୀଙ୍କ ସହ ତାଙ୍କର ସମ୍ପର୍କ ବହୁତ ଭଲ ଥିଲା । ତେଣୁ ତାଙ୍କ ଆତ୍ମହତ୍ୟାର ସଠିକ୍ କାରଣ ଏଯାଏଁ ଜଣାପଡିନଥିବା କହିଛି ପୋଲିସ । ହୁଏତ ତାଙ୍କ ଦାମ୍ପତ୍ୟ ଜୀବନରେ କିଛି ସମସ୍ୟା ଥିବାରୁ ସେ ଏପରି ଚରମ ପଦକ୍ଷେପ ନେଇଥିବା ସନ୍ଦେହ କରୁଛି ପୋଲିସ । ମୃତ୍ୟୁ ପୂର୍ବରୁ ନିଜ ସାଙ୍ଗ ସାଥୀ ଓ ବିଭାଗୀୟ ଅଧିକାରୀଙ୍କୁ କରିଥିବା ମସେଜରୁ ପୋଲିସ ଏପରି ଅନୁମାନ କରୁଛି ।