ବିଜେପିରୁ ନିଲମ୍ବିତ ନବୀନ ଜିନ୍ଦଲଙ୍କୁ ଧମକପୂର୍ଣ୍ଣ ମେଲ୍ । ଦୁର୍ବୃତ୍ତ କହିଲେ ‘କହ୍ନେୟାଲାଲ ପରି ତୁମର ମୁଣ୍ଡ କାଟିଦେବୁ’
କନକ ବ୍ୟୁରୋ: ପୈଗମ୍ବର ମହମ୍ମଦଙ୍କୁ ନେଇ ବିବାଦୀୟ ମନ୍ତବ୍ୟ ଦେଇଥିବା ବିଜେପିର ଅନ୍ୟତମ ନେତା ନବୀନ ଜିନ୍ଦଲଙ୍କୁ ଜୀବନରୁ ମାରିଦେବାକୁ ଧମକ ମିଳିଛି । ନବୀନ ଟ୍ୱିଟ୍ କରି ଏହା ଜଣାଇଛନ୍ତି । ତାଙ୍କ କହିବା ମୁତାବକ, ତାଙ୍କୁ ଉଦୟପୁରରେ ଟେଲର କହ୍ନେୟାଲାଲଙ୍କ ମୁଣ୍ଡ କାଟର ଭିଡିଓ ଆଟାଚ୍ କରି ପଠାଇବା ସହ ସମାନଭାବେ ନବୀନଙ୍କର ଓ ତାଙ୍କ ପରିବାର ଲୋକଙ୍କର ମୁଣ୍ଡ କାଟିବାକୁ ଧମକ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ବୁଧବାର ସକାଳ ପାଖାପାଖି ୬ଟା ୪୩ ମିନିଟରେ ନବୀନଙ୍କ ପାଖକୁ ୩ ଟି ଧମକପୂର୍ଣ୍ଣ ମେଲ୍ ଆସିଥିଲା । ଏଥିରେ ନବୀନଙ୍କୁ କହ୍ନେୟାଲାଲଙ୍କ ପରି ହତ୍ୟା କରିବାକୁ ଧମକ ଲେଖାଯାଇଥିବା ନବୀନ ନିଜେ ଜଣାଇଛନ୍ତି । ଏହାପରେ ସେ ପୋଲିସକୁ ସୂଚନା ଦେବା ସହ ତାଙ୍କ ସୁରକ୍ଷା ପାଇଁ ଅପିଲ କରିଛନ୍ତି ।
आज सुबह क़रीब 6:43 बजे मुझको तीन ईमेल आयी है, जिसमें #उदयपुर में भाई कन्हैया लाल की गर्दन काटने का विडियो अटैच करते हुए मेरी और मेरे परिवार की भी ऐसी गर्दन काटने की धमकी दी गई है मैंने PCR को सूचना दे दी है।@DCPEastDelhi @CellDelhi @CPDelhi तुरंत संज्ञान ले। pic.twitter.com/rhzyLbbdNg
— Naveen Kumar Jindal 🇮🇳 (@naveenjindalbjp) June 29, 2022
ପୈଗମ୍ବର ମହମ୍ମଦଙ୍କ ବିରୋଧରେ ମନ୍ତବ୍ୟ ଦେଇଥିବା ବିଜେପି ନେତ୍ରୀ ନୂପୁର ଶର୍ମାଙ୍କୁ ସମର୍ଥନ ଜଣାଇବାରୁ ରାଜସ୍ଥାନ ଉଦୟପୁରର ଜଣେ ହିନ୍ଦୁ ଟେଲର କହ୍ନେୟାଲାଙ୍କୁ ଅତି ନିର୍ଦ୍ଦୟ ଭାବେ ମୁଣ୍ଡକାଟି ହତ୍ୟା କରିଛନ୍ତି ଦୁର୍ବୃତ୍ତ । ପରେ ଏହି ହତ୍ୟାର ଭିଡିଓ ମଧ୍ୟ ସୋସିଆଲ ମିଡିଆରେ ଜାରି କରିଛନ୍ତି । ତେବେ ଇସ୍ଲାମ ବିରୋଧରେ ଯିବାର ପ୍ରତିଶୋଧ ନିଆଯାଇଛି ବୋଲି ହତ୍ୟାକରୀ ଭିଡିଓରେ କହିଛନ୍ତି । ଏହି ଘଟଣା ପରେ ଉଦୟପୁରରେ ହିଂସା ସୃଷ୍ଟି ହୋଇଛି । ତେବେ ଏହାକୁ ନିୟନ୍ତ୍ରଣ କରିବାକୁ ପୁରା ଇଲାକାରେ କର୍ଫ୍ୟୁ ଜାରି କରାଯିବା ସହ ୨୪ ଘଣ୍ଟା ପାଇଁ ଇଣ୍ଟରନେଟ୍ ସେବାକୁ ବନ୍ଦ କରିଦିଆଯାଇଛି ।
ସୂଚନା ମୁତାବକ, ପୂର୍ବରୁ ଟେଲର କହ୍ନେୟାଲାଲଙ୍କୁ ହତ୍ୟା ଧମକ ମିଳିଥିଲା । ଏନେଇ କହ୍ନେୟାଲାଲ ଜୁନ୍ ୧୫ ତାରିଖରେ ପୋଲିସକୁ ଲିଖିତ ଭାବେ ଜଣାଇଥିଲେ ଏବଂ ସୁରକ୍ଷା ମାଗିଥିଲେ । ହେଲେ ପୋଲିସ ପକ୍ଷରୁ କୌଣସି ପଦକ୍ଷେପ ନିଆଯାଇନଥିବା ଜଣାପଡିଛି ।