କନକ ବ୍ୟୁରୋ: ରାଜସ୍ଥାନ ଉଦୟପୁରରେ ଏକ ଦୁଃଖଦ ଘଟଣା ଘଟିଛି । ଉଦୟପୁରର ସବିନା ଇଲାକାରେ ଥିବା କୃଷି ମଣ୍ଡିରେ ଏକ ନୂଆ ଦୋକାନ ପାଇଁ ଫାଉଣ୍ଡେସନ୍ ଖୋଳୁଥିବାବେଳେ ପାଖରେ ଥିବା ଏକ ଦୋକାନ ଭୁଷୁଡିବାରୁ ମାଟିତଳେ ୧୧ଜଣ ଚାପି ହୋଇଯାଇଛନ୍ତି । ଏଥିରେ ୨ଜଣ ଗ୍ରାହକ ଓ ଜଣେ ଆକାଉଣ୍ଟାଣ୍ଟଙ୍କର ଘଟଣାସ୍ଥଳରେ ମୃତ୍ୟୁ ହୋଇଛି । ଏହାସହ ଅନ୍ୟ ୮ଜଣଙ୍କ ଅବସ୍ଥାଙ୍କୁ ଗୁରୁତର ଅବସ୍ଥାରେ ହସ୍ପଟାଲରେ ଭର୍ତ୍ତି କରାଯାଇଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଘଟଣାର ସୂଚନା ପାଇବା ମାତ୍ରେ ମୁଖ୍ୟମନ୍ତ୍ରୀ ଅଶୋକ ଗେହଲଟ୍ ତୁରନ୍ତ ହସ୍ପିଟାଲରେ ପହଞ୍ଚି ଆହତଙ୍କ ଚିକିତ୍ସାକୁ ସୁନିଶ୍ଚିତ କରିଥିବା ଜଣାପଡିଛି । ସରକାରଙ୍କ ପକ୍ଷରୁ ମୃତକଙ୍କ ପରିବାର ୨ ଲକ୍ଷ ଲେଖାଏଁ ଟଙ୍କା କ୍ଷତିପୂରଣ ଦିଆଯିବା ସହ ପ୍ରତି ଆହତଙ୍କ ୫୦ ହଜାର ଲେଖାଏଁ ସହାୟତା ରାଣି ପ୍ରଦାନ କରାଯିବାକୁ ଘୋଷଣା କରାଯାଇଛି ।
ସୂଚନା ମୁତାବକ, ଏହି ଦୁର୍ଘଟଣା ବୁଧବାର ସନ୍ଧ୍ୟା ସମୟରେ ଘଟିଛି । ଏଠିକାର କୃଷି ମଣ୍ଡିରେ ଗୋଟିଏ ମହଲା ପାଇଁ ଅନୁମତି ଥିଲେ ବି ବେଆଇନ ଭାବେ ଅନ୍ୟ ଦୋକାନ ପାଇଁ ନିର୍ମାଣ କାର୍ଯ୍ୟ କରାଯାଉଥିଲା । ସେଥିପାଇଁ ନୂଆ ଫାଉଣ୍ଡେସନ୍ ଖୋଳାଯାଉଥିଲା । ଫଳରେ ପାଖ ଦୋକାନ ଭୁଷୁଡିପଡିଥିଲା । ଫଳରେ ସେହି ଦୋକାନରେ ଥିବା ମାଲିକ ବିନୟ କାନ୍ତ , ଦୋକାନର ଆକାଉଣ୍ଟାଣ୍ଟ, ଗ୍ରାହକ ଓ ଶ୍ରମିକଙ୍କ ସମେତ ସେଠାରେ ଥିବା ୧୧ଜଣ ଲୋକ ମାଟି ତଳେ ଚାପିହୋଇଯାଇଥିଲେ ।
ପାଖ ଦୋକାନ ଛାତ ଅଚାନକ ଧସିବାରୁ ସେଠାରେ ହଇଚଇ ସୃଷ୍ଟି ହୋଇଥିଲା । ଫଳରେ ଏସଡିଆରଏଫ୍ ଟିମ୍ ପୋଲିସ ପ୍ଲାଟୁନ୍ ସେଠାରେ ପହଞ୍ଚି ଉଦ୍ଧାର କାର୍ଯ୍ୟ କରିଥିଲେ । ହେଲେ ଉଦ୍ଧାର କରିବା ବେଳକୁ ୩ଜଣଙ୍କ ମୃତ୍ୟୁ ହୋଇସାରିôଥଲା ।