ୟୁପିଏସସି ପରୀକ୍ଷାରେ ଓଡ଼ିଆଙ୍କ କମୁଛି ସଫଳତା : ୨୦୧୭ରୁ ୨୦୨୧ ମଧ୍ୟରେ ମାତ୍ର ୨୭ ଜଣ ଓଡ଼ିଆ ଆଇଏଏସଙ୍କୁ ନିଯୁକ୍ତି
ମନ୍ତ୍ରୀ କହିଲେ, ଶିକ୍ଷାର୍ଥୀ ଲକ୍ଷ୍ୟ ଦେଖିବାକୁ ପଡ଼ିବ, ପିଲା ଭଲ କରିବା ପାଇଁ ଉଦ୍ୟମ ହେଉଛି
କନକ ବ୍ୟୁରୋ : ୟୁପିଏସସି ପରୀକ୍ଷାରେ ଓଡିଆଙ୍କ ସଫଳତା କମୁଛି । ଗତ ୫ ବର୍ଷର ସିଭିଲ ସର୍ଭିସ ପରୀକ୍ଷାଫଳ ଏବଂ ରାଜ୍ୟ ପ୍ରଶାସନିକ ସେବାରେ ଓଡିଆ ଆଇଏଏସ ଅଫିସରଙ୍କ ଉପସ୍ଥାନକୁ ମିଳାଇ ଦେଖିଲେ ଅତି ଭୟାନକ ଚିତ୍ର ସାମ୍ନାକୁ ଆସୁଛି , ଯାହା ଶିକ୍ଷାବିତଙ୍କ ଚିନ୍ତାକୁ ବଢାଇଦେଇଛି । ୨୦୧୭ରୁ ୨୦୨୧ ମଧ୍ୟରେ କେନ୍ଦ୍ର ସରକାର ଓଡିଆ କ୍ୟାଡରରେ ମାତ୍ର ୨୭ ଜଣ ଆଇଏଏସ ଅଫିସରଙ୍କୁ ନିଯୁକ୍ତି ଦେଇଛନ୍ତି । ଏମାନଙ୍କ ମଧ୍ୟରେ ୮ ଜଣ ହେଉଛନ୍ତି ଓଡିଆ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଏହି ବର୍ଷଗୁଡିକରେ ଅନେକ ଓଡିଆ ସିଭିଲ ସର୍ଭିସ ପରୀକ୍ଷାରେ ଉତ୍ତୀର୍ଣ୍ଣ ହୋଇଥିଲେ ବି ସେମାନଙ୍କ ରାଙ୍କ ଆଖିଦୃଶିଆ ନୁହେଁ । ୧୯୮୫ ମସିହା ଯାଏଁ ରାଜ୍ୟରେ ଯେତିକି ଆଇଏଏସ ପଦବୀ ପ୍ରତିବର୍ଷ ଖାଲି ହେଉଥିଲା , ସେଥିରୁ ୫୦ ପ୍ରତିଶତ ଅନ୍ୟ ରାଜ୍ୟରୁ ଆଇଏଏସ ଅଫିସର ନିଯୁକ୍ତି ପାଇଥିଲେ । ଏହା ପରଠାରୁ ଏହି ସଂଖ୍ୟାକୁ ଯଥାକ୍ରମେ ଏକ ତୃତୀୟାଂଶ ଓ ଦୁଇ ତୃତୀୟାଂଶ କରାଯାଇଛିା ହେଲେ ୨୦୨୧ ତଥ୍ୟକୁ ଦେଖିଲେ ଏକ ତୃତୀୟାଂଶ ସ୍ଥାନ ଦଖଲ ପାଇଁ ମଧ୍ୟ ପରୀକ୍ଷାର୍ଥୀ ସଫଳ ହୋଇପାରୁନାହାନ୍ତି ।
ଆଇଏଏସ ଅଫିସର ସୃଷ୍ଟି ଲାଗି ୮ଟି ବିଶ୍ୱବିଦ୍ୟାଳୟରେ ସିଭିଲ ସର୍ଭିସ କୋଚିଂ ବ୍ୟବସ୍ଥା ଆରମ୍ଭ କରିଥିଲେ । ଏଥିପାଇଁ ଟଙ୍କା ବି ଖର୍ଚ୍ଚ ହୋଇଥିଲା । ହେଲେ ଏହା କଣ ହେଲା ତାହା କାହାକୁ ଜଣାନାହିଁ । ସେପଟେ ୟୁପିଏସସିରେ ଓଡିଶାଙ୍କ ପ୍ରଦର୍ଶ ନେଇ ମନ୍ତ୍ରୀ କହିଛନ୍ତି, ପଢାକ୍ଷେତ୍ରରେ ଭଲ ପଢା ପାଇଁ ଉଦ୍ୟମ କରାଯାଉଛି ।