କନକବ୍ୟୁରୋ: ମୃତ କୁନି ଝିଅକୁ ମେଡିକାଲରେ ଛାଡି ଫେରାର ହୋଇଯାଇଛି ଅଜଣା ବ୍ୟକ୍ତି । ମେଡିକାଲରେ ସେହି କୁନି ଝିଅର ସ୍ୱାସ୍ଥ୍ୟବସ୍ଥା ଯାଂଚ ପରେ ମୃତ୍ୟୁ ହୋଇଯାଇଥିବା ଜଣାପଡିଛି । ମେଡିକାଲରେ ଥିବା ଲୋକ ସେହି ଅଜଣା ବ୍ୟକ୍ତିଙ୍କୁ ଅଟକାଇବାକୁ ଚେଷ୍ଟା କରିଥିଲେ ମଧ୍ୟ କୌଣସି ମତେ ସେ ଖସିଯାଇଛି । ଏଭଳି ଅଭାବନୀୟ ଘଟଣା ଘଟିଛି କୋରାପୁଟ ଜିଲ୍ଲା ସୁନାବେଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ । କୁନି ଝିଅ କିମ୍ବା ସେହି ଅଜଣା ବ୍ୟକ୍ତିଙ୍କ ପରିଚୟ ମିଳିପାରି ନାହିଁ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ଗତକାଲି ଏକ ଅଜଣା ବ୍ୟକ୍ତି ଏକ କୁନି ଝିଅକୁ କାନେ୍ଧଇ ମେଡିକାଲକୁ ଆସି ବେଡରେ ଶୁଆଇ । ଆଉ ଗୋଟିଏ ଛୁଆକୁ ଆଣିବାକୁ ଯାଉଛି ସେଠାରୁ ଖସି ଯାଇଛି । ଉପସ୍ଥିତ ଲୋକ ଅଟକାଇବାକୁ ଚେଷ୍ଟା କରିବା ସତ୍ୱେ ସେ ସେଠାରୁ ଚାଲିଯାଇଥିଲା । ଅଜଣା ବ୍ୟକ୍ତି ଆସୁଥିବା ଦୃଶ୍ୟ ସିସିଟିଭି କ୍ୟାମେରାରେ କଏଦ ହୋଇଛି । ଘଟଣାସ୍ଥଳରେ ସୁନାବେଡା ପୋଲିସ ଓ ଏସଡିପିଓ ପହଂଚି ତଦନ୍ତ ଆରମ୍ଭ କରିଛି । ସିସିଟିଭି ଫୁଟେଜ ଜରିଆରେ ଅଜଣା ଲୋକଙ୍କୁ ଧରିବା ପାଇଁ ପୋଲିସ ତନାଘନା ଚଳାଇଛି । ମୃତ କୁନି ଝିଅର ଗୋଡରେ ସିନ୍ଦୁର ଲାଗିଥିବାରୁ ଗୁଣିଗାରେଡି ସନ୍ଦେହ କରାଯାଉଛି ।