କନକ ବ୍ୟୁରୋ: ନିଟ୍ ୟୁଜି ପେପରଲିକ୍ ମାମଲାରେ ବଢିଲା ଗିରଫଦାରୀ ସଂଖ୍ୟା । ଶନିବାର ଏହି ମାମଲାରେ ଜଣେ ସାମ୍ବାଦିକଙ୍କୁ ଗିରଫ କରିଛି ସିବିଆଇ । ହଜାରୀବାଗରୁ ସାମ୍ବାଦିକ ଜମାଲୁଦ୍ଦିନଙ୍କୁ ଗିରଫ କରିଛି ସିବିଆଇ । ଏଥିସହ ଏହି ମାମଲାରେ ଗିରଫଦାରୀ ସଂଖ୍ୟା ୫କୁ ବୃଦ୍ଧି ପାଇଛି । ଏହା ପୂର୍ବରୁ ସିବିଆଇ ଏହି ମାମଲାରେ ଓଏସିସି ସ୍କୁଲ ହଜାରୀବାଗର ପ୍ରିନ୍ସିପାଲ ଏହସାନ୍ ଉଲ ହକ, ଭାଇସ୍ ପ୍ରିନ୍ସିପାଲ ଇମତିଆଜ୍ ଆଲମ, ମନୀଷ ଏବଂ ଆଶୁତୋଷଙ୍କୁ ଗିରଫ କରିଥିଲା । ଆଉ ଏବେ ସାମ୍ବାଦିକ ଜମାଲୁଦ୍ଦିନଙ୍କୁ ମଧ୍ୟ ଗିରଫ କରାଯାଇଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ସିବିଆଇ ଯାଞ୍ଚ କରିବା ସମୟରେ ପ୍ରିନ୍ସିପାଲ ଏହସାନ୍ ଉଲ ହକଙ୍କ ସହ ଦୁଇ ଝଣ ସାମ୍ବାଦିକ କନେକ୍ସନରେ ଥିବା ଜାଣିବାକୁ ପାଇଥିଲା । ଯାହା ଭିତରୁ ଜଣେ ସାମ୍ବାଦିକ ଜମାଲୁଦ୍ଦିନଙ୍କୁ ଗିରଫ କରାଯାଇଛି । ସୂତ୍ରରୁ ମିଳିଥିବା ସୂଚନା ମୁତାବକ, ସାମ୍ବାଦିକ ଜଣ ଝାଡଖଣ୍ଡର ଗୋଟିଏ ହିନ୍ଦୀ ଖବରକାଗଜର ସାମ୍ବାଦିକ ଅଟନ୍ତି ।
ତେବେ ସାମ୍ବାଦିକ ଜଣକ ପେପର ଲିକ୍ ସମୟରେ ପ୍ରିନ୍ସିପାଲଙ୍କ ସହ ଲଗାତାର କଥା ହେଉଥିଲେ । ଏହସାନ୍ ଉଲ୍ ହକଙ୍କ କଲ୍ ଡିଟେଲ୍ସ ଆଧାରରେ ସିବିଆଇ ସାମ୍ବାଦିକ ଜଣଙ୍କୁ ପଚରାଉଚୁରା ପାଇଁ ଡାକିଥିଲା । ଆଉ ଏହାପରେ ତାଙ୍କୁ ଗିରଫ କରାଯାଇଥିବା ସୂଚନା ରହିଛି । ଜାଣିରଖିବା ଉଚିତ୍ ଯେ, ନିଟ୍ ପେପରଲିକ୍ ମାମଲାରେ ଏବେ ଆକ୍ସନ ମୋଡରେ ସିବିଆଇ । ଇକୋନୋମିକ୍ସ ଅଫେନ୍ସ ୟୁନିଟର ଯାଞ୍ଚକୁ ଆଗକୁ ବଢାଇବା ସହ ଏହି ବଡ ଲିଡରେ ଆଗକୁ ବଢୁଛି ସିବିଆଇ । ଅନ୍ୟପଟେ ଗୁଜରାଟ ଏବଂ ଅନ୍ୟ ସ୍ଥାନରେ ମଧ୍ୟ ଏବେ ବି ଛାନଭିନ୍ ଜାରି ରହିଛି ।