ବିଏସସି ନର୍ସିଂ ଆଡମିଶନ ପାଇଁ ଆସିଲା ନୂଆ ନିୟମ, ବିନା ‘ନିଟ୍’ ପରୀକ୍ଷାରେ ହୋଇପାରିବ ନାହିଁ ଆଡମିଶନ
କନକ ବ୍ୟୁରୋ : ଯେଉଁ ଛାତ୍ର ଛାତ୍ରୀମାନେ ବିଏସସି ପରେ ନର୍ସିଂ କରିବାକୁ ଚାହୁଁଛନ୍ତି ସେମାନଙ୍କ ପାଇଁ ଏକ ବଡ ଖବର ଆସିଛି । ଏବେ ବିଏସସି ନର୍ସିଂରେ ଅଡମିଶନ କରିବାକୁ ହେଲେ ପ୍ରଥମେ ‘ନିଟ୍’ ପରୀକ୍ଷା ଦେବାକୁ ପଡିବ । ଅର୍ଥାତ ନିଟ୍ ପରୀକ୍ଷାଫଳ ଆଧାରରେ ଛାତ୍ର ଛାତ୍ରୀ ମାନଙ୍କୁ ବିଏସସି ନର୍ସିଂରେ ଆଡମିଶନ ମିଳିବ । ଏନେଇ ନ୍ୟାସନାଲ ଟେଷ୍ଟିଂ ଏଜେନ୍ସି (ଏନଟିଏ) ଅଣ୍ଡର ଗ୍ରାଜୁଏଟ ମେଡିକାଲ କୋର୍ସ ଓ ବିଏସସି ନର୍ସିଂ ପାଇଁ ଆବେଦନ ଦାଖଲ କରିବାକୁ ଆମନ୍ତ୍ରଣ କରିଛନ୍ତି । ଆବେଦନ କରିବାର ଶେଷ ତାରିଖ ଅଗଷ୍ଟ ୧୦ ତାରିଖ ପର୍ଯ୍ୟନ୍ତ ବୃଦ୍ଧି କରାଯାଇଛି । ଆଶାୟୀ ପ୍ରାର୍ଥୀମାନେ ଅଗଷ୍ଟ ୧୦ ସନ୍ଧ୍ୟା ୫ ଟା ପର୍ଯ୍ୟନ୍ତ ଆବେଦନ କରିପାରିବେ ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ବିଏସସି ନର୍ସିଂ ପାଇଁ ଆବେଦନ କରୁଥିବା ଛାତ୍ର ଛାତ୍ରୀମାନଙ୍କର ସର୍ବନିମ୍ନ ବୟସ ୧୭ ବର୍ଷ ହୋଇଥିବା ଆବଶ୍ୟକ । ଏହାସହ ଯୁକ୍ତ-୨ ପରୀକ୍ଷାରେ ଫିଜିକ୍ସ, କେମିଷ୍ଟ୍ର,ବାୟୋଲୋଜି ଓ ଇଂଗ୍ରାଜୀ ବିଷୟରେ ପାସ୍ କରିଥିବା ଜରୁରୀ । ଏହାସହ ପିସିବିରେ ସର୍ବନିମ୍ନ ୪୫ ପ୍ରତିଶତ ମାର୍କ ସହ ପାସ୍ କରିଥିବା ବି ବାଧ୍ୟତା ମୂଳକ କରାଯାଇଛି । ଅନ୍ୟପଟେ ଯେଉଁ ଛାତ୍ର ଛାତ୍ରୀମାନେ ରାଜ୍ୟ ସରକାରମାନଙ୍କ ଦ୍ୱାରା ସ୍ୱୀକୃତିପ୍ରାପ୍ତ ଓପନ ସ୍କୁଲ ଓ ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ଓପନ ସ୍କୁଲ (ଏନଆଇଓଏସ)ରେ ବିଜ୍ଞାନ ଓ ଇଂଗ୍ରାଜୀ ସହିତ ଦ୍ୱାଦଶ ଶ୍ରେଣୀ ପାସ୍ କରିଥିବେ ସେମାନେ ବି ବିଏସସି ନର୍ସିଂ ପାଇଁ ଆବେଦନ କରିପାରିବେ । ଏହାସହ ପିସିବି ସବଜେକ୍ସ ସହ ୪୦ ପ୍ରତିଶତ ମାର୍କ ରଖିଥିବା ଏସସି, ଏସଟି ଓ ଓବିସି ବର୍ଗର ଛାତ୍ର ଛାତ୍ରୀମାନେ ବି ଆବେଦନ କରିପାରିବେ କିନ୍ତୁ ଇଂଗ୍ରାଜୀ ବାଧ୍ୟତା ମୂଳକ ।