ଶିକ୍ଷକଙ୍କ କ୍ରୁରତା । ଜଣେ ଛାତ୍ରଙ୍କ ବଦଳରେ ଅନ୍ୟଜଣେ ଛାତ୍ର ଉତ୍ତର ଦେବାରୁ ମାଡମାରି ଦାନ୍ତ ଭାଙ୍ଗିଦେଲେ ।
କନକ ବ୍ୟୁରୋ: ଦିନକୁ ଦିନ ସାମ୍ନାକୁ ଆସୁଛି ଶିକ୍ଷା କ୍ଷେତ୍ରରେ ଘୋର ଅବହେଳାର ଚିତ୍ର । ଶିକ୍ଷା ପରି ଜ୍ଞାନ ଦେଇ ପିଲାଙ୍କୁ ମଣିଷ କରୁଥିବା ଶିକ୍ଷକ ଯେ ଏତେ ନୃଶଂସ ହୋଇପାରନ୍ତି ତାହାର ଆଉ ଏକ ପ୍ରମାଣ ମିଳିଛି । ରାଜସ୍ଥାନ ଉଦୟପୁରର ଏକ ବିଦ୍ୟାଳୟରେ ଜଣେ ଶିକ୍ଷକ ଜଣେ ଛାତ୍ର ମାଡ ମାରି ଦାନ୍ତ ଭାଙ୍ଗିଦେଇଥିବା ଘଟଣା ସେ ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି ।
Kanak News is now on WhatsApp
Join and get latest news updates delivered to you via WhatsApp
କଥା ହେଉଛି, ଜାଲୋରରେ ଶିକ୍ଷକଙ୍କ ମାଡରେ ଛାତ୍ରଙ୍କ ମୃତ୍ୟୁ ବିବାଦ ଥମିନଥିବାବେଳେ ରାଜସ୍ଥାନ ଉଦୟପୁରରେ ଜଣେ ଶିକ୍ଷକଙ୍କ କ୍ରୁରତା ଲୋକଙ୍କୁ ବ୍ୟଥିତ କରିଛି । ଏକ ଘରୋଇ ସ୍କୁଲରେ ଘଟିଛି ଏଭଳି ଘଟଣା । କ୍ରୁରତାର ଶିକାର ହୋଇଥିବା ଛାତ୍ରର ଭୁଲ ଏତିକି ଥିଲା ଯେ ସେ ଅନ୍ୟ ଜଣେ ଛାତ୍ରକୁ ପଚରାଯାଇଥିବା ପ୍ରଶ୍ନର ଉତ୍ତର ଦେଇଦେଇଥିଲେ । ବାସ୍ ଏତିକିରେ ଶିକ୍ଷକଙ୍କ ମୁଣ୍ଡକୁ ରାଗ ଚଢିଯାଇଥିଲା । ସେ ଛାତ୍ରର ମୁଣ୍ଡକୁ ଡେସ୍କରେ ବାରମ୍ବାର ପିଟିଥିଲେ, ଫଳରେ ଛାତ୍ରର ଦୁଇ ଟି ଦାନ୍ତ ଭାଙ୍ଗିଯିବା ସହ ସେ ଆହତ ହୋଇଥିଲେ ।
ଆହତ ଛାତ୍ରର ଅଭିଭାବକ ଥାନାରେ ଯାଇ ଶିକ୍ଷକଙ୍କ ବିରୋଧରେ ମାମଲା ଦାଏର କରିବା ପରେ ପୋଲିସ ତଦନ୍ତ ଆରମ୍ଭ କରିଥିବା ଜଣାପଡିଛି ।