ନୂଆ ଶିକ୍ଷା ନୀତିର ଡ୍ରାଫ୍ଟ ପ୍ରସ୍ତୁତ: ଘରୋଇ ବିଦ୍ୟାଳୟଗୁଡିକୁ ଫିସ୍ ସ୍ଥିର କରିବାକୁ ମିଳିପାରେ ପୂର୍ଣ୍ଣ ସ୍ୱାଧିନତା
କନକ ବ୍ୟୁରୋ: ମାନବ ସଂଶୋଧନ ବିକାଶ ମନ୍ତ୍ରାଳୟକୁ ନୂଆ ରାଷ୍ଟ୍ରୀୟ ଶିକ୍ଷା ନୀତି (ଏନଇପି) ପାଇଁ ଗଠିତ ବିଶେଷଜ୍ଞ ସମିତି ସିଲାବସରେ ଭାରତୀୟ ଶିକ୍ଷା ପ୍ରଣାଳୀକୁ ସାମିଲ କରିବା ଭଳି ସୁପାରିସକୁ ଲାଗୁ କରିବାକୁ ପ୍ରସ୍ତାବ ଦେଇଛି । ଏହି ଡ୍ରାଫ୍ଟରେ ରାଷ୍ଟ୍ରୀୟ ଶିକ୍ଷା ଆୟୋଗର ଗଠନ ଏବଂ ଘରୋଇ ସ୍କୁଲ ଦ୍ୱାରା ମନମାନି ତରିକାରେ ଫିସ୍ ବୃଦ୍ଧି କରିବା ନିୟମ ଉପରେ ପ୍ରତିବନ୍ଧକ ଲଗାଯିବା ଭଳି ସୁପାରିସ ସାମିଲ ରହିଛି । ଉତ୍ତରାଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ତଥା ହରିଦ୍ୱାର ଲୋକସଭା ସାଂସଦ ଡା. ରମେଶ ପୋଖରିଆଲଙ୍କୁ ଗତକାଲି ମାନବ ସଂଶୋଧନ ବିକାଶ ମନ୍ତ୍ରାଳୟର କାର୍ଯ୍ୟଭାର ଦିଆଯାଇଛି ଏବଂ କମିଟି ଦ୍ୱାରା ପ୍ରସ୍ତୁତ ଏହି ଡ୍ରାଫ୍ଟ ତାଙ୍କୁ ଦିଆଯାଇଛି । ତେବେ ପଲିସି ଡ୍ରାଫ୍ଟରେ କୁହାଯାଇଛି କି ଶିକ୍ଷାରେ ଭାରତୀୟ ଯୋଗଦାନ ଏବଂ ଐତିହାସିକ ସନ୍ଦର୍ଭକୁ ପ୍ରାସଙ୍ଗିକ ଦିଆଯିବ, ଯାହାକୁ ସ୍କୁଲ ସିଲାବସ ଏବଂ ଟେକଷ୍ଟରେ ସାମିଲ କରାଯିବ ।
ତେବେ ନୂଆ ପଲିସିର ଡ୍ରାଫ୍ଟରେ ପ୍ରସ୍ତାବ ଦିଆଯାଇଛି କି, ଘରୋଇ ସ୍କୁଲଗୁଡିକୁ ନିଜ ଫିସ ଧାର୍ଯ୍ୟ କରିବା ପାଇଁ ସ୍ୱାଧିନତା ଦିଆଯିବ ସତ ହେଲେ ସେମାନେ ଏହାକୁ ଇଚ୍ଛା ମୁତାବକ ବୃଦ୍ଧି କରିପାରିବେ ନାହିଁ । ସମିତି ପକ୍ଷରୁ ଦାବି କରାଯାଇଛି କି, ଉଭୟ ଶିକ୍ଷା ଏବଂ ପାଠପଢା ଉପରେ ଧ୍ୟାନ କେନ୍ଦ୍ରିତ କରିବା ପାଇଁ ମାନବ ସଂଶୋଧନ ବିକାଶ ମନ୍ତ୍ରାଳୟର ନାଁକୁ ବଦଳାଇ ଶିକ୍ଷା ମନ୍ତ୍ରାଳୟ କରାଯିବା ଉଚିତ । ଏଥିସହିତ ହିଁ କୁହାଯାଇଛି କି, ଗଣିତ. ଏଷ୍ଟ୍ରୋନମି, ଫିଲୋସଫି, ମନୋବିଜ୍ଞାନ, ଯୋଗ, ଆର୍କିଟେକ୍ଚର, ଔଷଧୀ ସହିତ ଶାସନ, ଶାସନବିଧି ଏବଂ ସମାଜ ପ୍ରତି ଭାରତର ଯୋଗଦାନକୁ ବି ସାମିଲ କରାଯାଉ ।
Kanak News is now on WhatsApp
Join and get latest news updates delivered to you via WhatsApp
ଡ୍ରାଫ୍ଟରେ କୁହାଯାଇଛି କି, ନିୟମିତ ଆଧାର ଉପରେ ଦେଶରେ ଶିକ୍ଷା ଦୃଷ୍ଟିକୋଣକୁ ବିକଷିତ କରିବା, ମୂଲ୍ୟାଙ୍କନ କରିବା ଏବଂ ସଂଶୋଧନ କରିବା ପାଇଁ ଏକ ନୂଆ ଶୀର୍ଷ ସଂସ୍ଥା ରାଷ୍ଟ୍ରୀୟ ଶିକ୍ଷା ଆୟୋଗ ତଥା ଏନଇସି ଗଠନ କରାଯାଉ । ଏଠାରେ ଆମେ କହି ରଖୁଛୁ କି, ଚଳିତ ଶିକ୍ଷା ନୀତି ୧୯୮୬ରେ ପ୍ରସ୍ତୁତ ହୋଇଥିଲା ଏବଂ ୧୯୯୨ରେ ଏଥିରେ ସଂଶୋଧନ ଅଣାଯାଇଥିଲା । ତେବେ ନୂଆ ଶିକ୍ଷା ନୀତି ୨୦୧୪ର ସାଧାରଣ ନିର୍ବାଚନ ପୂର୍ବରୁ ଭାରତୀୟ ଜନତା ପାର୍ଟିର ଘୋଷଣାପତ୍ରର ଏକ ଅଂଶ ଥିଲା ।