କନକ ବ୍ୟୁରୋ : ସମ୍ବଲପୁର ଓକିଲଙ୍କ ଆନ୍ଦୋଳନ ବେଳେ ଉତ୍ତେଜନା । କଚେରୀ ଛକରେ ଆନ୍ଦୋଳନରତ ଓକିଲ ଓ ପୋଲିସ ମୁହାଁମୁହିଁ ହୋଇଛନ୍ତି । ହାଇକୋର୍ଟ ସ୍ଥାୟୀ ପ୍ରତିଷ୍ଠା ଦାବିରେ ଓକିଲମାନେ ଆନ୍ଦୋଳନ କରୁଛନ୍ତି । ସୁପ୍ରିମକୋର୍ଟଙ୍କ ନିର୍ଦ୍ଦେଶ ପରେ ଆକ୍ସନରେ ପୋଲିସ । ଆନ୍ଦୋଳନରୁ ଓହରିବାକୁ କୋର୍ଟ ନିର୍ଦ୍ଦେଶ ଦେଇଥିଲେ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଓକିଲ ସଂଘର ପୂର୍ବ ବୈଠକ ନିଷ୍ପତ୍ତି ଅନୁସାରେ କୌଣସି ଓକିଲଙ୍କ ଲାଇସେନ୍ସ ରଦ୍ଦ କରାଗଲେ ସଂଘର ସମସ୍ତ ସଦସ୍ୟ ଲାଇସେନ୍ସ ସରଣ୍ଡର କରିବାକୁ ଚେତାବନୀ ଦିଆଯାଇଥିଲା । ଏପଟେ ପଶ୍ଚିମ ଓଡ଼ିଶା ଓକିଲ ସଂଘ ସମୂହର କେନ୍ଦ୍ରୀୟ କ୍ରିୟାନୁଷ୍ଠାନ କମିଟିର ଗତ ବୈଠକରେ ମଧ୍ୟ ଭାରତର ଆଇନଜୀବୀ ପରିଷଦ ଓ ରାଜ୍ୟ ଆଇନଜୀବୀ ପରିଷଦର ନିଷ୍ପତ୍ତି ବିରୋଧରେ କଠୋର ଆଭିମୁଖ୍ୟ ଗ୍ରହଣ କରାଯାଇଥିଲା । ଯଦି, ପଶ୍ଚିମ ଓଡ଼ିଶାର ଜନଦାବିକୁ ଦମନ କରିବା ପାଇଁ ଓକିଲ ସଂଘର କୌଣସି ସଦସ୍ୟଙ୍କ ବିରୋଧରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ନିଆଯାଏ, ପଶ୍ଚିମ ଓଡ଼ିଶାର ସବୁ ଓକିଲ ସେମାନଙ୍କ ଓକିଲାତି ଲାଇସେନ୍ସ ସରଣ୍ଡର କରିବାକୁ ନିଷ୍ପତ୍ତି ହୋଇଥିଲା ।