କନକ ନ୍ୟୁଜର ରିୟଲିଟି ଚେକ୍, ସାଧୁଙ୍କୁ ଜଣାନାହିଁ ସାଧାରଣ ମନ୍ତ୍ର । ନାଗା ସାଧୁ ବେଶରେ ଲୁଟପାଟ ଅଭିଯୋଗ । ୫ଜଣଙ୍କୁ ଅଟକ ରଖି ପଚରାଉଚୁରା କରୁଛି ପୁଲିସ ।
କନକ ବ୍ୟୁରୋ: ରାଜଧାନୀରେ ଆତ୍ମଘୋଷିତ ନାଗା ବାବା ଚଳାଇଛନ୍ତି କାରନାମା । ମନ୍ତ୍ର ତନ୍ତ୍ର ନ ଜାଣି ଲୋକଙ୍କୁ ଠକିବାକୁ ଉଦ୍ୟମ କରୁଛନ୍ତି । ଆଜି କନକ ନ୍ୟୁଜ କ୍ୟାମେରାରେ ଏଭଳି କିଛି ଦୃଶ୍ୟ କଏଦ ହୋଇଛି । ଆତ୍ମଘୋଷିତ ବାବାଙ୍କୁ ଶିବତାଣ୍ଡବ କିଏ ଲେଖିଥିଲେ ବୋଲି ପଚାରିବାରୁ, ଏହାକୁ ଏଡାଇବାକୁ ଉଦ୍ୟମ କରିଛନ୍ତି ସଂପୃକ୍ତ ବାବା । ତେବେ ୟୁପିରୁ ଆସିଥିବା ଏହି ନାଗାସାଧୁ ପୁରୀ ନ ଯାଇ ଭୁବନେଶ୍ୱରରେ କଣ କରୁଥିଲେ ବୋଲି ପ୍ରଶ୍ନ ଉଠିଛି । ୫ ବାବାଙ୍କୁ ଭୁବନେଶ୍ୱର ମଞ୍ଚେଶ୍ୱର ଥାନାରେ ଅଟକ ରଖି ପଚରାଉଚରା କରୁଛି ପୁଲିସ ।
Kanak News is now on WhatsApp
Join and get latest news updates delivered to you via WhatsApp
- ରିପୋର୍ଟରଙ୍କ ପ୍ରଶ୍ନ – ଶିବ ତାଣ୍ଡବ କିଏ ଲେଖିଥିଲେ?
- ନାଗାଙ୍କ ଉତ୍ତର-ଶିବ ଲେଖିଥିଲେ ଶିବ ତାଣ୍ଡବ, ଇଏ ହେଉଛନ୍ତି ମହାକାଳ?
- ରିପୋର୍ଟରଙ୍କ ପ୍ରଶ୍ନ-ମହାମୃତ୍ୟୁଞ୍ଜୟ ମନ୍ତ୍ର କ’ଣ ଆପଣ ଜାଣିଛନ୍ତି କିି?
- ମହାମୃତ୍ୟୁଞ୍ଜୟ ମନ୍ତ୍ର ଗାଇ ଶୁଣାଇବେ କି?
- ନାଗାଙ୍କ ଉତ୍ତର-କିଛି ନାହିଁ, ଆପଣ ଶାନ୍ତିରେ ବସିଯାଆନ୍ତୁ?
ମୁଣ୍ଡରେ ଜଟ, ଦେହରେ ବିଭୂତି , ହାତରେ ବଙ୍କୁଲିବାଡି ସହ ଦେହରେ ଗେରୁଆ ବସ୍ତ୍ର । ଯିଏ କେହି ବି ଏମାନଙ୍କୁ ଦେଖିଲେ କହିଦେବ ଏମାନେ ହେଉଛନ୍ତି ସାଧୁ , ଧାର୍ମିକ ଏବଂ ନାଗାବାବା । ପ୍ରତିଦିନ କେହି ନା କେହି ଏମାନଙ୍କୁ ଦେଖୁଥିବେ, ଦାନ-ଦକ୍ଷିଣା ଦେଉଥିବେ ଆଉ ସାଧୁ ଭାବି ଘରକୁ ଡାକି ଭୋଜନ ବି କରାଉଥିବେ । କିନ୍ତୁ ଏମାନଙ୍କ ପ୍ରକୃତ ପରିଚୟ କଣ ଓ ଏମାନେ କିଏ ତାହା ଜାଣିବା ପାଇଁ ଚେଷ୍ଟା କରିନଥିବେ । କେମିତି ଜାଣିବେ ଏହି ବାବା ବେଶରେ ଥିବା ଲୋକଙ୍କ ଅସଲ ପରିଚୟ କଣ ?
ପରିସ୍ଥିତିକୁ କିଭଳି ସମ୍ଭାଳି ନିଜ ଆୟତକୁ ନେଇ ହେବ , ତାହା ଏମାନଙ୍କୁ ବେଶ ଭଲ ଭାବରେ ଜଣା । ରିପୋର୍ଟରଙ୍କ ପ୍ରଶ୍ନ ଶୁଣି ଉତ୍ତର ଜାଣିନଥିବା ସାଧୁମାନେ ହଡବଡେଇ ଯାଇଥିଲେ । ଯେଉଁ ପ୍ରଶ୍ନର ଉତ୍ତର ଜଣେ ଛୋଟ ପିଲାର ମୁହଁରେ ଥିବ, ସେହି ପ୍ରଶ୍ନର ଉତର ଜାଣିନାହାଁନ୍ତି ଏହି ଆତ୍ମଘୋଷିତ ବାବା । କିନ୍ତୁ ସାଧାରଣ ଲୋକଙ୍କ ଭାଗ୍ୟ ପରିବର୍ତ୍ତନ କରିବାକୁ କହି ବିଶ୍ୱାସଘାତ କରୁଥିବା ଅଭିଯୋଗରେ ଏହି ୫ ବାବାଙ୍କୁ ଭୁବନେଶ୍ୱର ମଞ୍ଚେଶ୍ୱର ଥାନାରେ ଅଟକ ରଖି ପଚରାଉଚରା କରୁଛି ପୁଲିସ ।
ଏମିତି ସାଧୁ ବେଶରେ ଆସି ମନ୍ତ୍ର ତନ୍ତ୍ର ପୂଜା ନାଁରେ ନନ୍ଦନକାନନ ଥାନା ଅଧିନ ରଘୁନାଥପୁରର ପ୍ରାଣକୃଷ୍ଣ ପଢିହାରୀଙ୍କ ଘରୁ ୫ ଲକ୍ଷରୁ ଅଧିକ ଟଙ୍କାର ସୁନାଗହଣା ନେଇ ଫେରାର ହୋଇଯାଇଥିଲେ ୬ ସାଧୁବେଶୀ ଲୁଟେରା ।