ଭୁବନେଶ୍ୱରରେ ପହଂଚିଲା କଳ୍ପନା ଦାଶଙ୍କ ମରଶରୀର : ଦିଲ୍ଲୀରୁ ବିମାନ ଯୋଗେ ଆସିଲା ମୃତଦେହ,କଳିଙ୍ଗ ଷ୍ଟାଡିୟମରେ ଶେଷ ଦର୍ଶନ ପରେ ସ୍ୱର୍ଗଦ୍ୱାରରେ ହେବ ଶେଷକୃତ୍ୟ
କନକ ବ୍ୟୁରୋ : ଭୁବନେଶ୍ୱରରେ ପହଂଚିଲା ଏଭରେଷ୍ଟ ଆରୋହୀ କଳ୍ପନା ଦାସଙ୍କ ପାର୍ଥିବ ଶରୀର । ଆଜି ସକାଳ ପ୍ରାୟ ୯ ଟା ୩୦ରେ କଳ୍ପନାଙ୍କ ମରଶରୀର ଭୁବନେଶ୍ୱର ବିମାନ ବନ୍ଦରରେ ପହଂଚିଲା । ଦିଲ୍ଲୀରୁ ବିମାନଯୋଗ ଭୁବନେଶ୍ୱରରେ ପହଂଚିଛି କଳ୍ପନାଙ୍କ ମୃତଦେହ । ବିମାନ ବନ୍ଦରରୁ କଳ୍ପନାଙ୍କ ମରଶରୀର ଏକ ସ୍ୱତନ୍ତ୍ର ଗାଡ଼ିରେ କଳିଙ୍ଗ ଷ୍ଟାଡିୟମ୍କୁ ନିଆଯାଉଛି । ସେଠି ସର୍ବସାଧାରଣଙ୍କ ଦର୍ଶନ ପାଇଁ ବ୍ୟବସ୍ଥା କରାଯାଇଛି । ତେବେ ଶନିବାର ବିମାନ ମିସ୍ ହେବା କାରଣରୁ କଳ୍ପନାଙ୍କ ମରଶରୀର ଆସିପାରିନଥିଲା ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ମୁଖ୍ୟମନ୍ତ୍ରୀ, କ୍ରୀଡ଼ା ମନ୍ତ୍ରୀ, କ୍ରୀଡ଼ା ସଚିବଙ୍କ ସମେତ ବହୁ ଆଥଲେଟ୍ ମଧ୍ୟ କଳ୍ପନାଙ୍କ ଶେଷ ଦର୍ଶନ କରିବେ । ଏହାପରେ ତାଙ୍କର ମରଶରୀରକୁ ତାଙ୍କ ପୈତୃକ ଗାଁକୁ ନିଆଯିବ । ଦ୍ୱିତୀୟ ଥର ଏଭରେଷ୍ଟ ଶିଖର ବିଜୟ କରିବା ପରେ ଗତ ୨୩ ତାରିଖରେ ସେ ଏଭରେଷ୍ଟ ଶିଖରରେ ଫେରିବା ବେଳେ ପ୍ରାଣ ହରାଇଥିବା ସୂଚନା ମିଳିଥିଲା । ରାଜ୍ୟ ସରକାରଙ୍କ ଉଦ୍ୟମରେ କଳ୍ପନାଙ୍କ ମର ଶରୀରକୁ ଏଭରେଷ୍ଟର ବାଲକୋନୀ ଅଂଚଳରୁ ସ୍ୱତନ୍ତ୍ର ଉଦ୍ଧାରକାରୀ ଟିମ୍ ଜରିଆରେ ଅଣାଯାଇଥିଲା । କାଣମାଣ୍ଡୁରେ ଟିଚିଂ ହସ୍ପିଟାଲରେ କଳ୍ପନାଙ୍କ ମରଶରୀର ବ୍ୟବଚ୍ଛେଦ କରାଯାଇଥିଲା । ଅନ୍ୟପଟେ ଆନୁସଙ୍ଗିକ କାଗଜପତ୍ର କାମ ସରିବା ପରେ ଏହାକୁ ଶନିବାର ଦିଲ୍ଲୀ ଅଣାଯାଇଥିଲା ।