କନକ ବ୍ୟୁରୋ : ମନରେଗା ସହିତ ଜଡିତ ଦୁର୍ନୀତିରେ ସାମିଲ ଥିବା ଆଇଏଏସ ପୂଜା ସିଙ୍ଘଲଙ୍କର ୮୨ କୋଟି ଟଙ୍କାର ସମ୍ପତ୍ତି ଜବତ କରିଛି ପ୍ରବର୍ତନ ନିର୍ଦ୍ଦେଶାଳୟ । ଇଡି ତରଫରୁ ଝାଡଖଣ୍ଡ ରାଞ୍ଚିରେ ଥିବା ପୂଜାଙ୍କର ୮୨.୭୭ କୋଟି ଟଙ୍କାର ଅଚଳ ସମ୍ପତ୍ତି ଜବତ କରିଛି । ଏହି ସମ୍ପତ୍ତି ମଧ୍ୟରେ ରହିଛି ଏକ ସୁପର ସ୍ପେଶାଲିଷ୍ଟ ହସ୍ପିଟାଲ, ଗୋଟିଏ ଡାଇଗ୍ନୋଷ୍ଟିକ ସେଣ୍ଟର ଓ ଦୁଇଟି ପ୍ଲଟ । ଏହାସହ ପୂଜା ଓ ତାଙ୍କ ସ୍ୱାମୀଙ୍କର ବ୍ୟାଙ୍କ ଆକାଉଣ୍ଟ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ସୂଚନା ଥାଉକି ଝାଡଖଣ୍ଡର ଆଇଏଏସ ପୂଜା ସିଙ୍ଘଲ ମନରେଗା ଦୁର୍ନୀତିରେ ପଡିବା ପରେ ଇଡି ତରଫରୁ ତାଙ୍କୁ ଗିରଫ କରାଯାଇ ଜେଲରେ ରଖାଯାଇଛି । ଦୁର୍ନୀତି ସମୟରେ ପୂଜା ଝାଡଖଣ୍ଡ ସରକାରଙ୍କ ମନରେଗା ଯୋଜନାର ଡେପୁଟି କମିଶନର ଥିଲେ । ପୂଜାଙ୍କ ନାମରେ ଅଭିଯୋଗ ରହିଛି କି ସେ ବିନା କାମରେ ମନରେଗା ଯୋଜନାର ଅର୍ଥ ହଡପ କରିଛନ୍ତି । ପ୍ରଥମେ ରାଜ୍ୟ ସରକାର ଏହି ଦୁର୍ନୀତି ଉପରେ ଯାଂଚ କରି ପୂଜା ସିଙ୍ଘଲଙ୍କୁ କ୍ଲିନଚିଟ୍ ଦେଇଥିଲେ । ପୂଜା ସିଙ୍ଘଲଙ୍କୁ କ୍ଲିନଚିଟ୍ ଦିଆଯିବା ବେଳେ ଝାଡଖଣ୍ଡରେ ବିଜେପିର ସରକାର ଥିଲା ଓ ରଘୁବର ଦାସ ମୁଖ୍ୟମନ୍ତ୍ରୀ ଥିଲେ ।
ED has provisionally attached immovable properties OF Pooja Singhal worth Rs 82.77 Cr in Ranchi. Properties include 1 super speciality hospital namely Pulse Super Speciality Hospital, 1 diagnostics centre namely Pulse Diagnostic And Imagining Centre & two land parcels in Ranchi. pic.twitter.com/SVFwchEISq
— ANI (@ANI) December 1, 2022
ଇଡିର ଯାଂଚ ବେଳେ ପୂଜା ସିଙ୍ଘଲଙ୍କ ନିକଟରେ ଆୟବର୍ହିଭୂତ ସମ୍ପତ୍ତି ଥିବା ଜଣାପଡିଥିଲା । ଏହାପରେ ଚଳିତ ବର୍ଷ ମେ, ମାସ ୬ ତାରିଖରେ ଇଡି ତରଫରୁ ପୂଜା ସିଙ୍ଘଲ ଓ ତାଙ୍କ ସହଯୋଗୀଙ୍କର ୨୫ ଟି ଠିକଣାରେ ଚଢାଉ କରାଯାଇଥିଲା । ଏହି ମାମଲାରେ ମେ, ୧୧ ତାରିଖରେ ପୂଜାଙ୍କୁ ଗିରଫ କରାଯାଇଥିଲା ।