ସରିଲା ଦଶହରା, ଆଜି ଭସାଣି : ବିଦାୟ ନେବେ ମା’ ଜଗତଜନନୀ : ଟ୍ୱିନ୍ ସିଟିରେ ଅସ୍ଥାୟୀ ପୋଖରୀରେ ହେବ ମୃଣ୍ମୟୀ ମୂର୍ତ୍ତି ବିସର୍ଜନ
କନକ ବ୍ୟୁରୋ : ଶେଷ ହୋଇଛି ଜଗତଜନୀନ ମାଆ ଦୁର୍ଗାଙ୍କ ନବଦିନାତ୍ମକ ପୂଜା । ଆଜି ଧରାପୃଷ୍ଠରୁ ବିଦାୟ ନେବେ ଦେବୀ ଦୁର୍ଗା । ଦୁଇ ବର୍ଷର କୋଭିଡ୍ କଟକଣା ପରେ ଏବର୍ଷ ପୁଣି ଭସାଣୀ ଉତ୍ସବ ଆୟୋଜନ ହେଉଛି । ଭୁବନେଶ୍ୱର-କଟକରେ ମାଆଙ୍କ ବିସର୍ଜନ ପାଇଁ ନଦୀରେ ଅସ୍ଥାୟୀ ପୋଖରୀ ନିର୍ମାଣ କରାଯାଇଛି । ବାଲି ଖୋଳି ନଦୀ ପଠାରେ ଅସ୍ଥାୟୀ ପୋଖରୀ ତିଆରି କରଯାଇଛି । ସେହି ପୋଖରୀରେ ମାଆଙ୍କ ପ୍ରତିମୂର୍ତ୍ତିକୁ ବିସର୍ଜନ କରାଯିବ । ତେବେ ଭସାଣୀ ଉତ୍ସବ ପାଇଁ କେତେକ କଟକଣା ଜାରି କରିଛି କମିଶନରେଟ୍ ପୋଲିସ ।
Kanak News is now on WhatsApp
Join and get latest news updates delivered to you via WhatsApp
କମିଶନରେଟ ପୋଲିସର ନିର୍ଦ୍ଦେଶ ଅନୁସାରେ, ଗୋଟିଏ ମେଢ଼ ସହ ଗୋଟିଏ ବ୍ୟାଣ୍ଡପାର୍ଟି ଓ ଗୋଟିଏ ମ୍ୟୁଜିକ ପାର୍ଟି ପ୍ରୋସେସନରେ ଯାଇପାରିବ । ଅଧିକ ବ୍ୟାଣ୍ଡ ପାର୍ଟି କିମ୍ବା ମ୍ୟୁଜିକ ପାର୍ଟିକୁ ସାଙ୍ଗରେ ନେବା ପାଇଁ ଅନୁମତି ନାହିଁ । ୬୫ ଡେସିବେଲରୁ ଅଧିକ ସାଉଣ୍ଡରେ ଡିଜେ ବା ମ୍ୟୁଜିକ ବାଜି ପାରିବ ନାହିଁ । ଭସାଣି ପାଇଁ ଦିଆଯାଇଥିବା ରୁଟ୍ ଅନୁସାରେ ମେଢ଼ଗୁଡିକ ପ୍ରୋସେସନ କରିବେ । ପ୍ରୋସେସନ ସମୟରେ ଫୋକସ ଓ ଫ୍ଲାସ ଲାଇଟ୍ ବ୍ୟବହାର କରିପାରିବେ ନାହିଁ । ସର୍ବାଧିକ ୬ଟି ଟ୍ରଲି ପ୍ରସେସନରେ ନେବାକୁ ଅନୁମତି ।