ଅନ୍ଧାରରେ ବିତୁଛି ଦିବ୍ୟାଙ୍ଗଙ୍କ ଦିନ: ସହାୟତା ଅପେକ୍ଷାରେ ପରିବାର
କନକ ବ୍ୟୁରୋ: ଢେଙ୍କାନାଳ ଜଗନ୍ନାଥପୁରର ଦିବ୍ୟାଙ୍ଗ ମହିଳା ମମିତା ମଲ୍ଲିକ । ଆଖିକୁ ଭଲ ଦିଶୁନାହିଁ । ଦୁଇ ପୁଅଙ୍କର ମଧ୍ୟ ସମାନ ଅବସ୍ଥା । ଅନ୍ୟର ସାହାରାରେ ଏମାନେ ବାଟ ଚାଲନ୍ତି । କିଛି ବର୍ଷ ତଳେ ସ୍ୱାମୀ ଘରୁ କେଉଁଆଡ଼େ ଚାଲିଯିବା ପରେ ଦୁଇ ପୁଅଙ୍କୁ ନେଇ ରହୁଛନ୍ତି ମମିତା । ସରକାରୀ ସହାୟତା କହିଲେ ମମିତା ଓ ବଡ଼ ପୁଅକୁ ମିଳୁଛି ଭତା ଆଉ ଚାଉଳ । ସାନ ପୁଅ ସରକାରୀ ସହାୟତାରୁ ବଂଚିତ । ମୁଣ୍ଡ ଗୁଞ୍ଜିବାକୁ ପକ୍କା ଘରଟିଏ ନଥିବାରୁ ଆଜି ବି ଚାଳ ଛପର ଘରେ ଜିବନ ବିତାଉଛନ୍ତି ପରିବାର । ବର୍ଷା ଓ ବାତ୍ୟା ହେଲେ ପର ଘରେ ମୁଣ୍ଡ ଗୁଂଜିବାକୁ ପଡୁଛି । ତେଣୁ ସରକାରୀ ସହାୟତା ପାଇଁ ନିବେଦନ କରିଛନ୍ତି ମମିତା ।
Kanak News is now on WhatsApp
Join and get latest news updates delivered to you via WhatsApp
ସ୍ୱାମୀ ଚାଲିଯିବା ପରେ ବଡ଼ କଷ୍ଟରେ ଚଳୁଛି ମମିତାଙ୍କ ପରିବାର । ବଡ଼ ପୁଅ ଆଖିକୁ ଭଲ ଦିଶୁନଥିବାରୁ ସେ ମଧ୍ୟ କାମ ଧନ୍ଦା କରିପାରୁନାହିଁ । ତେଣୁ କେମିତି ଚଳିବ ତାଙ୍କ ପରିବାର । ଯାହାକୁ ନେଇ ଚିନ୍ତାରେ ପଡ଼ିଛନ୍ତି ମମିତା । ସରକାରଙ୍କ ପକ୍ଷରୁ ଦୁଇ ପୁଅଙ୍କ ଚିକିତ୍ସା ପାଇଁ ସହାୟତା ମିଳିଲେ ଏମାନେ ଉପକୃତ ହୋଇପାରନ୍ତେ ।