କନକ ବ୍ୟୁରୋ : କମନୱେଲଥ ଗେମରେ କମାଲ କରିଛି ଭାରତ । ଦଶମ ଦିବସରେ ଭାରତକୁ ମିଳିଛି ଆଉ ୫ ସ୍ୱର୍ଣ୍ଣ ପଦକ । କେବଳ ବକ୍ସିଂରେ ୩ ସ୍ୱର୍ଣ୍ଣ ପଦକ ହାସଲ କରିଛି ଭାରତ । ବକ୍ସିଂରେ ନିଖତ ଜରିନ୍, ରିତୁ ଘନଘାସ ଓ ଅମିତ ପଂଘଲ ସ୍ୱର୍ଣ୍ଣ ପଦକ ହାତେଇଛନ୍ତି । ସେହିପରି ଟ୍ରିପଲ ଜମ୍ପରେ ମଧ୍ୟ ଏଲଡୋସ୍ ପଲ୍ ହଳଦିଆ ପଦକ ଜିତି ଦେଶ ପାଇଁ ଆଣିଛନ୍ତି ଗୌରବ । ମହିଳା ବକ୍ସିଂର ୫୦ କେଜି ବର୍ଗରେ ନିଖତ କାର୍ଲି ଏମସି ନୌଲଙ୍କୁ ହରାଇ ଏହି ସଫଳତା ପାଇଛନ୍ତି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ସେହିପରି ପୁରୁଷ ବକ୍ସିଂରେ ଅମିତ୍ ୪୮ କେଜି ବର୍ଗରେ ଇଂଲଣ୍ଡର କିଆରନ୍ ମ୍ୟାକଡୋନାଲ୍ଡଙ୍କୁ ହରାଇ ସ୍ୱର୍ଣ୍ଣ ପଦକ ହାସଲ କରିଛନ୍ତି । ସେହିପରି ନିତୁ ମଧ୍ୟ ଇଂଲଣ୍ଡର ପ୍ରତିଦ୍ୱନ୍ଦ୍ୱୀ ଡେମି-ଜେଡ୍ ରେଜସ୍ତାନଙ୍କୁ ପରାସ୍ତ କରି ପ୍ରଥମଥର ପାଇଁ ରାଜ୍ୟଗୋଷ୍ଠୀ କ୍ରୀଡ଼ାରେ ସ୍ୱର୍ଣ୍ଣ ପଦକ ଜିତିଛନ୍ତି । ଟ୍ରିପଲ ଜମ୍ପର୍ ଏଲଡୋସ୍ ପଲ୍ ୧୭ ଦଶମିକ ୩ ମିଟର୍ ଡିଆଁ ମାରି ପ୍ରଥମ ସ୍ଥାନ ହାସଲ କରିଛନ୍ତି । ଏହି ଇଭେଂଟରେ ଭାରତର ଅନ୍ୟତମ ଆଥଲେଟ୍ ଅବଦୁଲ୍ଲା ଅବୁବାକର ମାତ୍ର ଦଶମିକ ୧ ବ୍ୟବଧାନରେ ଦ୍ୱିତୀୟ ସ୍ଥାନରେ ରହି ରୌପ୍ୟରେ ସନ୍ତୁଷ୍ଟ ହୋଇଛନ୍ତି ।
ସେପଟେ ମହିଳା ହକି ଦଳ ମଧ୍ୟ ଭାରତ ପାଇଁ କାଂସ୍ୟ ପଦକ ଆଣିଛନ୍ତି । ପ୍ରତିଦ୍ୱନ୍ଦୀ ଦଳ ନ୍ୟୁଜିଲ୍ୟାଣ୍ଡକୁ ହରାଇଛି । ସେହିପରି ୧୦ହଜାର ମିଟର୍ ଚାଲିରେ ଭାରତୀୟ ଧାବକ ସନ୍ଦୀପ କୁମାର ବ୍ରୋଞ୍ଜ ପଦକ ନିଜ ନାଁରେ କରିଛନ୍ତି । ଜାଭେଲିନ୍ ଥ୍ରୋ’ରେ ଅନୁ ରାଣୀ ୬୦ ମିଟର୍ ଥ୍ରୋ’ କରି ବ୍ରୋଞ୍ଜ ପଦକ ଜିତିଛନ୍ତି । ଭାରତ ବର୍ତ୍ତମାନ ୧୮ଟି ସ୍ୱର୍ଣ୍ଣ ସହ ମୋଟ ୫୫ଟି ପଦକ ପାଇଛି । ଏଥିମଧ୍ୟରେ ରହିଛି ୧୫ଟି ରୌପ୍ୟ ଓ ୨୨ଟି ବ୍ରୋଞ୍ଜ ମେଡାଲ ।