ବିଚାରପତି ନିଯୁକ୍ତିକୁ ନେଇ କଲେଜିୟମର ସୁପାରିଶକୁ ଗ୍ରହଣ କରୁନାହାନ୍ତି କେନ୍ଦ୍ର ସରକାର : ଅସନ୍ତୋଷ ପ୍ରକାଶ କଲେ ସୁପ୍ରିମକୋର୍ଟ ବେଞ୍ଚ
କନକ ବ୍ୟୁରୋ : କଲେଜିୟମ ଦ୍ୱାରା ହେଉଥିବା ସୁପାରିଶକୁ କେନ୍ଦ୍ର ସରକାର ବିଳମ୍ବ କରୁଥିବାରୁ ସୁପ୍ରିମକୋର୍ଟ ଅସନ୍ତୋଷ ପ୍ରକାଶ କରିଛନ୍ତି । ସୁପ୍ରିମକୋର୍ଟ ଏବଂ ବିଭିନ୍ନ ଉଚ୍ଚ ନ୍ୟାୟାଳୟରେ ବିଚାରପତି ନିଯୁକ୍ତି ପାଇଁ କଲେଜିୟମ ସୁପାରିସ କରିଛନ୍ତି । ହେଲେ କେନ୍ଦ୍ର ସରକାର ସ୍ୱୀକୃତି ନଦେଇ ଏଥିରେ ବିଳମ୍ବ କରୁଛନ୍ତି । ଶୁକ୍ରବାର ଏହାକୁ ନେଇ ଅସନ୍ତୋଷ ପ୍ରକାଶ କରିଛନ୍ତି ସୁପ୍ରିମକୋର୍ଟ । ଏଥିପାଇଁ ଆଇନ ସଚିବଙ୍କଠାରୁ ଜବାବ ମାଗିଛନ୍ତି । ଏବଂ ଏଭଳି ବିଳମ୍ବ କାହିଁକି ହେଉଛି ତାହା ସ୍ପଷ୍ଟ କରିବାକୁ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଜଷ୍ଟିସ ଏସକେ କୌଲ ଏବଂ ଏଏସ୍ ଓକାଙ୍କ ଖଣ୍ଡପୀଠ କହିଛନ୍ତି, ଏଯାବତ ୬୮ଟି ନାମ ନିଯୁକ୍ତି ପାଇଁ କେନ୍ଦ୍ର ସରକାରଙ୍କ ସ୍ୱୀକୃତି ଅପେକ୍ଷାରେ ରହିଛି । ଏହି ୬୮ ଜଣଙ୍କ ମଧ୍ୟରୁ ଜଣଙ୍କର ନିକଟରେ ମୃତ୍ୟୁ ହୋଇସାରିଛି । ଉଭୟ ସୁପ୍ରିମକୋର୍ଟ ଏବଂ ହାଇକୋର୍ଟରେ ବିଚାରପତି ନିଯୁକ୍ତିରେ ବିଳମ୍ବ ହେଉଥିବାରୁ ସୁପ୍ରିମକୋର୍ଟ ଏଥିପାଇଁ ସମୟ ସୀମା ଧାର୍ଯ୍ୟ କରିଥିଲେ । ସମୟ ମଧ୍ୟରେ ବିଚାରପତି ନିଯୁକ୍ତି ପାଇଁ ସୁପ୍ରିମକୋର୍ଟ ଏପ୍ରିଲ ୨୦, ୨୦୨୧ରେ ଯେଉଁ ରାୟ ଦେଇଥିଲେ ତାହାର ଜାଣିଶୁଣି ଉଲ୍ଲଂଘନ କରାଯାଇଛି ବୋଲି ଖଣ୍ଡପୀଠ କହିଛନ୍ତି ।