କାର ଡ୍ରାଇଭର ଭଗବାନ ବୈରୀଗଞ୍ଜନଙ୍କ ହତ୍ୟା ରହସ୍ୟ : ମାତ୍ର ୯୦୦ ଟଙ୍କା ପାଇଁ ଜୀବନ ନେଇଗଲେ; ହତ୍ୟାକାଣ୍ଡର ଡେମୋ ଦେଖାଇଲେ ଗିରଫ ଦୁଇ ଭାଇ
କନକ ବ୍ୟୁରୋ : କଟକ କାର ଚାଳକଙ୍କ ହତ୍ୟା ଘଟଣାର ପର୍ଦ୍ଦାଫାଶ । ମାତ୍ର ୯୦୦ ଟଙ୍କା ପାଇଁ ହୋଇଥିଲା ହତ୍ୟା । ଚାଳକ ଭଗବାନ ବୈରୀଗଞ୍ଜନଙ୍କୁ ଯୁବତୀଙ୍କ ଲେଗିନ୍ସରେ ତଣ୍ଟି ଚିପି ହତ୍ୟା କରିଥିଲେ ଦୁଇ ଅଭିଯୁକ୍ତ । ଦୁଇ ଅଭିଯୁକ୍ତଙ୍କୁ ଘସିପୁରା ପୁଲିସ ଗିରଫ କରିଥିବା ବେଳେ ହତ୍ୟାକାଣ୍ଡରେ ସମ୍ପୃକ୍ତି ଥିବା ଅନ୍ୟ ଜଣେ ଯୁବତୀ ଫେରାର ଅଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଗତ ଜୁନ ୨୪ ତାରିଖରେ ଭଗବାନ ନିଖୋଜ ଥିବା ନେଇ ତାଙ୍କ ପରିବାର ଲୋକେ କଟକ ମାଲଗୋଦାମ ଥାନାରେ ଅଭିଯୋଗ କରିଥିଲେ । ଏହାର ଚାରି ଦିନ ପରେ କେନ୍ଦୁଝର ଘସିପୁରା ଥାନା ଅଞ୍ଚଳରୁ ଭଗବାନଙ୍କ ମୃତଦେହ ମିଳିଥିଲା । ଘସିପୁରା ପୁଲିସ ତଦନ୍ତ କରି ଦୁଇ ଅଭିଯୁକ୍ତ ଯାଜପୁରର ମଣ୍ଟୁ ଓରଫ୍ ଅବିନାସ ଦାସ ଏବଂ କଟକ ନିଆଳିର ବୁବୁ ଓରଫ ଅବିନାସ ସ୍ୱାଇଁଙ୍କୁ ଗିରଫ କରିଛି । ଦୁଇ ଅଭିଯୁକ୍ତ ମାଉସୀ ପୁଅ ଭାଇ । ଫେରାର ଥିବା ଯୁବତୀ ପୂଜା ଓରଫ ପୂଜା ଓରଫ ରୁକ୍ମଣୀ ଫେରାର ଅଛନ୍ତି ।
ପୂଜା ପିଂଟୁଙ୍କ ପ୍ରେମିକା । ଅଭିଯୁକ୍ତଙ୍କୁ ଗିରଫ କରିବା ପରେ ସିନ୍ ରିକ୍ରିଏସନ କରିଛି ପୁଲିସ । କେମିତି ହତ୍ୟା କରିଥିଲେ ତାର ଡେମୋ ଦେଖାଇଛନ୍ତି ଦୁଇ ଅଭିଯୁକ୍ତ । ଗତ ଜୁନ ୨୪ ତାରିଖରେ ତିନି ଅଭିଯୁକ୍ତ କଟକରୁ ଭଡାରେ କାର ନେଇ ଯାଜପୁର ଯାଇଥିଲେ । ଭଡା ବାବଦକୁ ୨୪୦୦ ଟଙ୍କା ଛିଡିଥିଲା । ୧୫୦୦ ଟଙ୍କା ଅଗ୍ରୀମ ଦେଇ ଗାଡି ଭଡାରେ ନେଇଥିଲେ ଦୁର୍ବୁତ୍ତ । ହେଲେ ବାକି ୯୦୦ ଟଙ୍କାଙ୍କୁ ନେଇ ଚାଳକଙ୍କ ସହ ଯୁକ୍ତିତର୍କରୁ ତାଙ୍କୁ ହତ୍ୟା କରିଥିଲେ ଅଭିଯୁକ୍ତ । ହତ୍ୟା କରିବା ପରେ ତାଙ୍କୁ ନେଇ ଘସିପୁରା ଅଞ୍ଚଳରେ ପକାଇ ଦେଇଥିଲେ ।