ଚିତ୍ରକୋଣ୍ଡା ଥାନା ଉପରେ କଂଗ୍ରେସ କର୍ମୀଙ୍କ ଆକ୍ରମଣ ଘଟଣା, ୧୮ ଗିରଫ
କନକ ବ୍ୟୁରୋ : ମାଲକାନଗିରି ଚିତ୍ରକୋଣ୍ଡା ଥାନା ଉପରେ କଂଗ୍ରେସକର୍ମୀଙ୍କ ଆକ୍ରମଣ ଘଟଣାରେ ୧୮ ଜଣ ଗିରଫ । ଜିଲ୍ଲା ପରିଷଦ ସଦସ୍ୟ, କଂଗ୍ରେସ ଦଳର ବ୍ଲକ ଅଧ୍ୟକ୍ଷ, ଗଞ୍ଜେଇ ମାଫିଆଙ୍କୁ ବାନ୍ଧିଛି ପୋଲିସ । ଅନ୍ୟ ଆକ୍ରମଣକାରୀଙ୍କୁ ଧରିବା ପାଇଁ ବିଭିନ୍ନ ସ୍ଥାନରେ ଚଢ଼ାଉ ଜାରି ରହିଛି ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ଘଟଣା ସ୍ଥଳରେ କଂଗ୍ରେସ ବିଧାୟକ ତାରା ବାହିନୀପତି ଘଟଣା ସ୍ଥଳରେ ଉପସ୍ଥିତ ନଥିବା ସ୍ପଷ୍ଟ କରିଛନ୍ତି ମାଲକାନଗିରି ଏସପି । ଗତ ୬ ତାରିଖରେ ଏକ ଗଞ୍ଜେଇ ଚଢ଼ାଉ ବେଳେ ପୁଲିସ ଗାଁଲୋକ ମୁହାଁମୁହିଁ ହୋଇଥିଲେ । କିଛି ଗ୍ରାମବାସୀ ପୋଲିସ ଆକ୍ରମଣରେ ଆହତ ହୋଇଥିବା ଅଭିଯୋଗ ହୋଇଥିଲା । ଯାହାକୁ ପ୍ରତିବାଦ କରି ଚିତ୍ରକୋଣ୍ଡ ବ୍ଲକ ଘେରାଉ କରିଥିଲେ କଂଗ୍ରେସକର୍ମୀ । ସଭା ସରିବା ପରେ ଥାନା ଉପରେ ଆକ୍ରମଣ କରିଥିଲେ ଆନ୍ଦୋଳନକାରୀ ।