କୋଟିଆରେ ପଶିବାକୁ ପୁଣି ଆନ୍ଧ୍ରର ମସୁଧା: ଜିଓ ଟାୱାର ବସାଇବା ପାଇଁ ଆରମ୍ଭ କଲା ସର୍ଭେ କାମ
କନକ ବ୍ୟୁରୋ: ପୁଣି ବିବାଦରେ କୋଟିଆ । କୋଟିଆରେ ଆନ୍ଧ୍ର ପକ୍ଷରୁ ଜିଓ ଟାୱାର ବସାଇବା ପାଇଁ ସର୍ଭେ ଆରମ୍ଭ ହୋଇଛି । ପାହାଡ଼ିଆ ଅଚଂଳରେ ଟାୱାର ବସାଇବା ପାଇଁ ଆନ୍ଧ୍ରର ଏକ ଘରୋଇ ସଂସ୍ଥାର ୪ ଜଣିଆ ଟିମ ସର୍ଭେ କରି ଫେରିଛନ୍ତି । ଖୁବ୍ ଶୀଘ୍ର ଏନେଇ ଆରମ୍ଭ ହେବ କାମ । କୋଟିଆ ଗ୍ରମ ପୁଞରେ ଟେଲି ସେବା ଯୋଗାଇବା ପାଇଁ ଆନ୍ଧ୍ର ପ୍ରୟାସ ଆରମ୍ଭ କରିଛି । କୋଟିଆ ଗ୍ରାମ ପୁଞର ଫାଟୁ ସିନେରି, ଫଗୁଣ ସିନେରୀ, ହରମାଣ୍ଡିଙ୍ଗି, ସଲପଗୁଡ଼ା, କଣାଦୋରା, ଡ଼ୋଲଇଆମ୍ବ ଓ ମାଡ଼କାରରେ ଜିଓ ଟ୍ୟାଗିଂ କରି ସର୍ଭେ କରିଛନ୍ତି । ଫାଟୁ ସିନେରି ପଟୁ ଘରୋଇ କମ୍ପାନୀର ୪ ଜଣିଆ ପ୍ରତିନିଧି ଗାଁକୁ ଗାଁ ବୁଲି ଦୁରତା ମାପିବା ସହ କେଉଁଠି ଟାୱାର ବସାଇଲେ ଠିକ ହେବ ତାକୁ ନେଇ ଆକଳନ କରିଛନ୍ତି । କିଛି ଦିନର ନିରବତା ପରେ ପୁଣି ଆନ୍ଧ୍ର କୋଟିଆରେ ନିଜର ଦବ୍ଦବା ଆରମ୍ଭ କରିଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ବିଧାନସଭା ଶୁନ୍ୟକାଳରେ କୋଟିଆ ଗ୍ରାମପୁଂଜ କଥା ଉଠାଇ ବିରୋଧୀ ଦଳର ଉପନେତା ବିଷ୍ଣୁ ସେଠୀ କହିଛନ୍ତି ସୀମାରେ ଭାଷା ସାହିତ୍ୟ ଓ ସଂସ୍କୃତି ସୁରକ୍ଷିତ ନୁହେଁ । ଆନ୍ଧ୍ର ସରକାର ସୀମାନ୍ତବର୍ତି ଲୋକଙ୍କୁ ବିଭିନ୍ନ ଯୋଜନା ଦେଇ ପ୍ରଲୋଭିତ କରୁଛନ୍ତି । ଯେଉଁଥିରେ ୧୦୦ରୁ ଉର୍ଦ୍ଧ ଗାଁ ଏହା ଦ୍ୱାରା ପ୍ରଭାବିତ ହୋଇଛି । ସରକାର ତଥାକଥିତ ଉତର ଦେଉଛନ୍ତି । ବିଭାଗୀୟ ମନ୍ତ୍ରୀ କାହିଁକି କୋଟିଆ ଅଂଚଳ ପରିଦଶନ କରୁନାହାଁନ୍ତି ବୋଲି ପ୍ରଶ୍ନ କରିଛନ୍ତି ବିଷ୍ଣୁ ସେଠୀ । ସେହିପରି ବିଧାୟକ ତାରା ପ୍ରସାଦ ବାହିନୀପତି ମଧ୍ୟ କୋଟିଆକୁ ନେଇ ପ୍ରଶ୍ନ ଉଠାଇଛନ୍ତି ।