କନକ ବ୍ୟୁରୋ : କଂଗ୍ରେସ ଅଧ୍ୟକ୍ଷ ପଦ ନିର୍ବାଚନରେ କିଏ ପ୍ରାର୍ଥୀ ହେବ ତାହାକୁ ନେଇ ସସ୍ପେନ୍ସ ଲାଗି ରହିଥିବା ବେଳେ ଆଜି ଏହାର ଅନ୍ତ ଘଟିଛି । ଦଳର ୩ ଜଣ ନେତା ଆଜି ଶେଷ ତାରିଖରେ ନାମାଙ୍କନ ଭରିଛନ୍ତି । ପ୍ରଥମେ ଶଶି ଥରୁରୁ ନାମାଙ୍କନ ଭରିଥିବା ବେଳେ ଦ୍ୱିତୀୟରେ ଦଳର ବରିଷ୍ଠ ନେତା ମଲ୍ଲିକାର୍ଜୁନ ଖଡଗେ ମଧ୍ୟ ନାମାଙ୍କନ ଭରିଛନ୍ତି । ଏହାସହ ଝାଡଖଣ୍ଡ କଂଗ୍ରେସର ନେତା କେ.ଏନ ତ୍ରିପାଠୀ ମଧ୍ୟ ନାମାଙ୍କନ ଭରିଥିବା ଜଣାପଡିଛି । ହେଲେ ଅଧ୍ୟକ୍ଷ ପଦ ପାଇଁ ସିଧାସଳଖ ଶଶିଥରୁରଙ୍କର ମଲ୍ଲିକାର୍ଜୁନ ଖଡଗେଙ୍କ ସହ ମୁକାବିଲା ହେବ ବୋଲି କୁହାଯାଉଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ହଠାତ ଚର୍ଚ୍ଚାରେ ନଥିବା ଝାଡଖଣ୍ଡ କଂଗ୍ରେସ ନେତା କେ.ଏନ ତ୍ରିପାଠୀ ନାମାଙ୍କନ ଭରିବା ପରେ ଗଣମାଧ୍ୟମକୁ କହିଛନ୍ତି ଯେ ସେ ପାର୍ଟିର ଅଧ୍ୟକ୍ଷପଦ ପାଇଁ ନାମାଙ୍କନ ଭରିଛନ୍ତି । ହେଲେ ଦଳର ହାଇକମାଣ୍ଡ ଯାହା କହିବେ ସେ ତାକୁ ଗ୍ରହଣ କରିବେ ।
ସେପଟେ ଅଧ୍ୟକ୍ଷ ପଦ ରେସରେ ସବୁଠାରୁ ବେଶି ଚର୍ଚ୍ଚାରେ ଥିବା ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ ଏହି ରେସରୁ ବାଦ ପଡିବା ପରେ ଆଜି ମଲ୍ଲିକାର୍ଜୁନ ଖଡଗେଙ୍କ ନାମାଙ୍କନ ବେଳେ ସେ ପ୍ରସ୍ତାବକ ହୋଇଥିବା ଦେଖିବାକୁ ମିଳିଛି । ଅନ୍ୟପଟେ ଏହି ପଦ ପାଇଁ ହଠାତ ଚର୍ଚ୍ଚାକୁ ଆସି ପୁଣି ବାଦ ପଡିଥିବା ଦିଗବିଜୟ ସିଂ କହିଛନ୍ତି କି, ମୁଁ ସାରା ଜୀବନ କାମ କରିଛି ଓ ଆଗାମୀ ଦିନରେ ମଧ୍ୟ କାମ କରିବି । ଏହାସହ ଦେଶରେ ସାଂପ୍ରଦାୟିକ ସଦଭାବକୁ ନଷ୍ଟ କରୁଥିବା ଲୋକଙ୍କ ବିରୋଧରେ ଲଢେଇ ଜାରି ରହିବ ବୋଲି ସେ କହିଛନ୍ତି ।
Delhi | I have filed my nomination today for the party president post. Party leaders’ decision will be respected: Jharkhand Congress leader KN Tripathi pic.twitter.com/kPrKYbJLt2
— ANI (@ANI) September 30, 2022
ଅନ୍ୟପଟେ ନାମାଙ୍କନ ଭରିବା ପରେ ଶଶି ଥରୁର ମଧ୍ୟ ଗଣମାଧ୍ୟମ ସହ ଆଲୋଚନା କରିଛନ୍ତି । ସେ କହିଛନ୍ତି କି ମୋ ପାଖରେ ୧୨ ଟି ରାଜ୍ୟର କାର୍ଯ୍ୟକର୍ତ୍ତାଙ୍କ ସମର୍ଥନ ରହିଛି । ଏବେ ଦଳକୁ ମଜବୁତ କରିବାର ସମୟ ଆସିଛି ବୋଲି ସେ କହିଛନ୍ତି ।