କନକ ବ୍ୟୁରୋ : କୁସ୍ତିଯୋଦ୍ଧାଙ୍କ ଧାରଣାକୁ ନେଇ ଭାରତୀୟ କ୍ରିକେଟ ଟିମର ପୂର୍ବତନ ଅଧିନାୟକ ସୌରଭ ଗାଙ୍ଗୁଲିଙ୍କ ବୟାନ ଆସିଛି । ଗାଙ୍ଗୁଲି କହିଛନ୍ତି କି, ସେମାନଙ୍କୁ ସେମାନଙ୍କର ଲଢେଇ ଲଢିବାକୁ ଦିଆଯାଉ । ଏହାସହ ସେ କହିଛନ୍ତି ସେଠାରେ କଣ ଚାଲିଛି ତାଙ୍କୁ ଜଣାନାହିଁ । ଏସବୁ ସେ କେବଳ ଗଣମାଧ୍ୟମରୁ ଖବର ପାଇଛନ୍ତି । ହେଲେ ଖେଳରେ ସେ ଗୋଟିଏ କଥା ଶିଖିଥିବା କହିଛନ୍ତି । ତାହା ହେଉଛି ସେହି ବାବଦରେ ଆଲୋଚନା କରନାହିଁ ଯେଉଁ ବାବଦରେ ଆପଣଙ୍କ ପାଖରେ ସମ୍ପୂର୍ଣ୍ଣ ସୂଚନା ନାହିଁ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ଭାରତୀୟ କୁସ୍ତସଂଘର ଅଧ୍ୟକ୍ଷ ତଥା ବିଜେପି ସାଂସଦ ବ୍ରିଜଭୂଷଣ ଶରଣ ସିଂଙ୍କ ନାମରେ ଉତ୍ପୀଡନ ଅଭିଯୋଗ ଆଣି କୁସ୍ତିଯୋଦ୍ଧାମାନେ ଦିଲ୍ଲୀର ଜନ୍ତରମନ୍ତର ଠାରେ ୧୦ ଦିନରୁ ଅଧିକ ହେବ ଧାରଣାରେ ବସିଛନ୍ତି । ତାଙ୍କ ଧାରଣାକୁ ସମର୍ଥନ ଜଣାଇ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ, କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ଓ ବାମଦଳର ନେତାମାନେ କୁସ୍ତଯୋଦ୍ଧାଙ୍କ ଧାରଣା ସ୍ଥଳରେ ପହଂଚିଥିଲେ । ସେପଟେ ଧାରଣାରେ ବସିଥିବା ବଜରଙ୍ଗ ପୁନିଆ ଏକ ଟ୍ୱିଟ କରି ସୌରଭ ଗାଙ୍ଗୁଲିଙ୍କୁ ସମର୍ଥନ ମାଗିଥିଲେ । ଏହାର ଉତରରେ ସୌରଭ ଗାଙ୍ଗୁଲି ଏକ ଟ୍ୱିଟ୍ କରିଛନ୍ତି । ସେଥିରେ ସେ ଉଲ୍ଲେଖ କରିଛନ୍ତି କି, ସେମାନଙ୍କ ଲଢେଇ ସେମାନଙ୍କୁ ଲଢିବାକୁ ଦିଆଯାଉ ।
ଅନ୍ୟପଟେ ଦିଲ୍ଲୀ ପୋଲିସ ଅଭିଯୋଗ ଗ୍ରହଣ କରିବାରେ ଡେରି କରୁଥିବା ନେଇ ଧାରଣାରେ ବସିଥିବା କୁସ୍ତିଯୋଦ୍ଧାମାନେ ସୁପ୍ରିମକୋର୍ଟର ଦ୍ୱାରସ୍ଥ ହୋଇଥିଲେ । ଗୁରୁବାର ଦିନ କୋର୍ଟ ଏହି ମାମଲାର ଶୁଣାଣି କରି କୁସ୍ତିଯୋଦ୍ଧାମାନଙ୍କୁ ତଳ କୋର୍ଟ କିମ୍ବା ହାଇକୋର୍ଟରେ ଆବେଦନ କରିବାକୁ ପରାମର୍ଶ ଦେଇଥିଲେ ।