ଭାରତରେ ପ୍ରସ୍ତୁତ ୭ଟି କଫ୍ ସିରଫକୁ କଳାତାଲିକାଭୁକ୍ତ କଲା ବିଶ୍ୱ ସ୍ୱାସ୍ଥ୍ୟ ସଂଗଠନ । ଜାଣନ୍ତୁ କଣ କହିଲେ ସ୍ୱାସ୍ଥ୍ୟମନ୍ତ୍ରୀ
କନକ ବ୍ୟୁରୋ : ଭାରତରେ ପ୍ରସ୍ତୁତ ହେଉଥିବା ୭ଟି କଫ୍ ସିରଫକୁ ବିଶ୍ୱ ସ୍ୱାସ୍ଥ୍ର ସଂଗଠନ କଳାତାଲିକାଭୁକ୍ତ କରିଛି । ଆଫ୍ରିକୀୟ ଦେଶ ଗାମ୍ବିଆ ସମେତ ବିଶ୍ୱର ୩୦୦ ଲୋକଙ୍କ ମୃତ୍ୟୁ ପରେ ଏହିସବୁ କଫ ସିରଫକୁ ବ୍ୟାନ କରିଛି ବିଶ୍ୱ ସ୍ୱାସ୍ଥ୍ୟ ସଂଗଠନ । ଏନେଇ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ମନସୁଖ ମାଣ୍ଡଭିୟ କହିଛନ୍ତି କି, ନକଲି ଔଷଧକୁ କୌଣସି ପରିସ୍ଥିତିରେ ବରଦାସ୍ତ କରାଯିବ ନାହିଁ । ଏହାସହ ଔଷଧର ଗୁଣବତ୍ତା ସୁନିଶ୍ଚିତ କରିବାକୁ ବ୍ୟାପକ ବିଶ୍ଳେଷଣ କରାଯାଉଛି । ଭାରତ ଔଷଧ ପ୍ରସ୍ତୁତ ବେଳେ ଗୁଣବତ୍ତାରେ କୌଣସି ସାଲିସ କରିବନାହିଁ । ନକଲି ଔଷଧ ଖାଇ ଯେଭଳି କୌଣସି ଲୋକଙ୍କର ମୃତ୍ୟୁ ନହେଉ ତା ଉପରେ ସତର୍କ ରହିବାକୁ ସ୍ୱାସ୍ଥ୍ୟମନ୍ତ୍ରୀ ପରାମର୍ଶ ଦେଇଛନ୍ତି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ସେପଟେ ଗାମ୍ବିଆରେ ୬୬ଜଣ ଶିଶୁଙ୍କ ମୃତ୍ୟୁ ପାଇଁ ବିଶ୍ୱ ସ୍ୱାସ୍ଥ୍ୟ ସଂଗଠନ ଭାରତରେ ପ୍ରସ୍ତୁତ କଫ୍ ସିରଫକୁ ଦାୟି କରିଛି । ଅର୍ନ୍ତରାଷ୍ଟ୍ରୀୟ ଏଜେନ୍ସିରୁ ପ୍ରାପ୍ତ ସୂଚନା ମୁତାବକ କମ୍ପାନୀ ଓ ନିୟାମକ ଅଧିକାରୀ ସେହି କଫ ସିରଫ୍ କମ୍ପାନୀଗୁଡକ ଉପରେ ଯାଂଚ କରୁଛି ।
ସୂଚନା ମୁତାବକ ବିଶ୍ୱ ସ୍ୱାସ୍ଥ୍ୟ ସଂଗଠନ ଏବେ ଭାରତ ଓ ଇଣ୍ଡୋନେସିଆର କଫ୍ ସିରଫ ଓ ଭିଟାମିନ୍ ଔଷଧ ପ୍ରସ୍ତୁତ କରୁଥିବା ୨୦ ଟି କମ୍ପାନୀ ଉପରେ ଯାଂଚ କରୁଛି । ଯାଂଚ କରୁଥିବା ଏଜେନ୍ସିର ଜଣେ ଅଧିକାରୀ କହିଛନ୍ତି କି, ଏସବୁ କଫ ସିରଫରେ ଆବଶ୍ୟକ ମାତ୍ରା ଠାରୁ ଅଧିକ ଡାୟାଥିଲିନ ଗ୍ଲୋଇକଲ ଓ ଏଥିଲିନ ଗ୍ଲୋଇକଲ ମିଶ୍ରଣ ହୋଇଥିଲା । ସେହିପରି ଯାଂଚ ଏଜେନ୍ସିର ମହା ନିର୍ଦ୍ଦେଶକ ଡ ଟେଡରୋସ.ଅଦନହୁସ ଗେବ୍ରେହେସୁସ କହିଛନ୍ତି କି, ଗାମ୍ବିଆରେ ୪ଟି କଫ୍ ସିରଫରୁ ଦୂଷିତ ପଦାର୍ଥ ମିଶ୍ରଣ ହୋଇଥିବା କାରଣରୁ ସତର୍କ ସୂଚନା ଜାରି କରାଯାଇଛି । ଏହି ଔଷଧ କାରଣରୁ ଗାମ୍ବିଆରେ ୬୬ ଜଣଙ୍କର ମୃତ୍ୟୁ ହୋଇଥିଲା ।