କୁଆଡେ ଗଲେ ନନ୍ଦ ମଉସା ? ଏବେ ବି ନିଖୋଜ ନନ୍ଦ ମଉସାଙ୍କ ପତ୍ତା ମିଳୁନି ।
କନକ ବ୍ୟୁରୋ: କୁଆଡେ ଗଲେ ନନ୍ଦ ମଉସା ? ଏବେ ବି ନିଖୋଜ ନନ୍ଦ ମଉସାଙ୍କ ପତ୍ତା ମିଳୁନି । ଏବେ ବି ପରିବାର ଲୋକେ ତାଙ୍କ ବାଟକୁ ଚାହିଁ ବସିଛନ୍ତି । ନନ୍ଦଙ୍କ ସ୍ତ୍ରୀ ଆଖିରୁ ଶୁଖୁନି ଲୁହ । ଫେରିବା ଆଶାରେ ଚାହିଁ ଚାହିଁ ଆଖିରୁ ଲୁହ ଗଡାଉଛନ୍ତି । କଟକ ସାନମୁଣ୍ଡୁଳୀ ଗାଁର ନନ୍ଦ କିଶୋର ବେହେରା । ଲୁଗା ବ୍ୟବସାୟ କରିବାକୁ ଘରୁ ବାହାରିଥିଲେ ହେଲେ ଆଉ ଫେରନିଥିଲେ । ନିଖୋଜ ହୋଇଯାଇଥିବା ନନ୍ଦ ମଉସାଙ୍କୁ ନେଇ ଏବେ ବି ସସପେନ୍ସ ଜାରି । କିଛି ଦିନ ତଳେ ଚନ୍ଦକା ଅଭୟାରଣ୍ୟ ଜାରିଆ ନିକଟରୁ ମିିଳିଥିବା ଖପୁରୀ ଓ କଙ୍କାଳ ନେଇ ପୁଣି ସନ୍ଦେହ ଉପୁଜିଛି । ଅଜଗର ଗିଳିଦେଇଥିବା ସ୍ଥାନରୁ କିଛି ଦୂରରେ ପଡିଥିବା ସାର୍ଟକୁ ଘର ଲୋକ ଚିହ୍ନଟ କରିଥିଲେ ବି ମିଳିଥିବା ଖପୁରୀ କଙ୍କାଳ କାହାର ବୋଲି ଉଠିଛି ପ୍ରଶ୍ନ?
Kanak News is now on WhatsApp
Join and get latest news updates delivered to you via WhatsApp
ସେପଟେ ନିଖୋଜ ହେବାର ବହୁତ ଦିନ ବିତିଗଲାଣି । ହେଲେ ନନ୍ଦ ମଉସାଙ୍କ କୌଣସି ଖୋଜ ଖବର ନଥିବା ବେଳେ ତାଙ୍କୁ କେହି ହତ୍ୟା କରିଥିବା ଅଭିଯୋଗ କରିଛନ୍ତି ପରିବାର ଲୋକ । ଏନେଇ ଅଧିକ ତଦନ୍ତ ଦାବି କରିଛନ୍ତି । ସେପଟ ଭଗବାନଙ୍କ ଭରସାରେ ସବୁକିଛି ଛାଡି ଦେଇ ନନ୍ଦ ମଉସାଙ୍କ ପତ୍ନୀ ତାଙ୍କ ଫେରିବା ବାଟକୁ ଚାହିଁ ବସିଛନ୍ତି । ତେବେ ମିଳିିଥିବା କଙ୍କାଳ ତାଙ୍କର ନା ଆଉ କାହାର ଏନେଇ ପୋଷ୍ଟମର୍ଟମ ଆଧାରରେ ଯାହା ତଦନ୍ତ କରାଯିବ ବୋଲି କହିଛନ୍ତି ବାଙ୍କୀ ଥାନା ଅଧିକାରୀ ।